افضل نظام لنفاس

السلام عليكم انا بكريه ولا عندي خبره كثيره عن الولاده وامي  ناسيه بحكم ان اخر طفل لها بالمتوسط الحين فامالي غيركم ابي تنصحوني بنظام لنفاس يكون مره ممتازوبي اسئلكم من جربت نظام الاخت قشر قهوه بصراحه تنصحوني فيه خصوصا ان ولادتي بعز الشتاء وانا في الشمال 
كذلك بسألكم.وش افضل فوط صحيه للنفاس وكذلك ايش افضل كريم للنفاس للخيوط اووش رايكم بالمقلي وحده تقول ينحط بالفوطه حلولشمم وللخياطه بس ماعرف كم مره باليوم احطه 

16 تعليق 4,357 مشاهدة

شاركي في النقاش

سجلي الدخول لإضافة تعليق.

التعليقات

16
  1. @sdym_2111

    صاحبة الموضوع
    والسوال الرابع  الرالع اظن ههه بالنسبه للتعطر لي ولطفل يصير اتعطر وطفلي اول ماولد عشان مايجينا شمم 
  2. @shmoaa_tbky

    الفوط الصحيه لوتس ، ولشمم شمي مرره
    وافضل شي للخياطه كريم ميبو + تغتسلين بديتول مخفف بماء
    اماملح وخرابيط هذي يجفف المنطقه ويخرب الخياطه خاصه لكان بكثره
    واذا حابه تغتسلين بماي وملح ٣ مرات بالاسبوع بس
    ونظامك لازم فطور وغدا وعشا وغير الوجبات الخفيفه اللي بينهم
    اول ماتصحين من النوم خذي حليب مع حلبه عدله غير مطحونه
    وقبل ماتنامين كذلك يعني مرتين باليوم
    واعملي لك في علبه تمر مع شمر وكمون مجروش وفلفل اسود مطحون اكلي فيهم طول الوقت
    واكلي عصيدة تمر وحطي فيها سمن وفلفل اسود
    وتاخذين رشاد وتعبطينه مع تمر وسمن وهذا لاخر ٢٠ يوم ينظف
    وبس
    وانا الغدا يوميا اكل رز حساوي +ثوم +حلبه
    والفطور كبده او عصيده
    والعشا مشويات
  3. @never_broken

    السلام عليكم انا بكريه ولا عندي خبره كثيره عن الولاده وامي ناسيه بحكم ان اخر طفل لها بالمتوسط الحين فامالي غيركم ابي تنصحوني بنظام لنفاس يكون مره ممتازوبي اسئلكم من جربت نظام الاخت قشر قهوه بصراحه تنصحوني فيه خصوصا ان ولادتي بعز الشتاء وانا في الشمال
    كذلك بسألكم.وش افضل فوط صحيه للنفاس وكذلك ايش افضل كريم للنفاس للخيوط اووش رايكم بالمقلي وحده تقول ينحط بالفوطه حلولشمم وللخياطه بس ماعرف كم مره باليوم احطه


    و عليكم السلام ربي يقومك بالسلامة اللهم امين

    اهم شي جهزي كل اغراضك من بدري

    بالنسبة للتغذية احرصي على الاكل الصحي و ماشاء الله ما قصرت الاخت الي قبلي و ازيد عليه احرصي على تناول السلطة مع كل وجبة حلوة لك لتجنب الامساك و عشان تقدري ترضعي طفلك

    بالنسبة للعناية بنفسك دفي نفسك لان النفاس سبحان الله جسمها يكون حساس و ضعيف و منهك من الحمل و من تعب الولادة فيكون الجسم سبحان الله بأضعف حالاته فانتي احرصي على عدم التعرض للتيارات الباردة و خاصة بعد الاستحمام و نشفي شعرك بالاستشوار تمام التمام عشان ما تاخذي برد

    العناية بالخياطة حاولي تغيرين الفوطة و انتي بكرامة باستمرار و نشفي المكان عدل و ابعدي عن الاغتسال بالديتول انا التهبت الجراحة عندي بسببه و استخدمي بداله بيتادين المطهر كثيييير حلو و ممكن تستعملي ميبو حلو بعد بعد ما تطيح الخياطة استعملي مرة و ملح خففيهم بالماء و تغسلي فيهم ... الفوط الصحية عندك فام حلو و فيه بعد في مذر كير فوط خاصة بالنفاس ...بس ما عرفت ايش القلي الي قلتي عنه

    بس اهم شي تجهزي كل اغراضك و اغراض البيبي

    ربي يهون عليكي و يقومك بالسلامة اللهم امين
  4. @aryg_2010

    وعليكم السلام    شوفي اختي اهم شي ماتجوعين الجوع خطر لنفاس كولي اكل مفيد وحطي مع الاكل شوي فلفل ممتاز ويدفي الجسم واهم شي تزينين تمر بدون نوى وحطي معاها كمون مطحون ويانسون  وحبوب رشاد بدون طحن واذا عندك رزنه حطي شوي منها وحطي عليه سمن غنم او بقر كلها ممتازه واعجنيها زين مع بعضها وحطيها بعلبه وخليها عند سريرك وكل ماتجوعين كولي منها  واطحني شوي مره وكمون وحلتيته ومحلب وشوي خوا جوا وعنزروت بس نضفيه من الاعواد واطحنيهن زين وحطيهن بعلبه نظيفه واستخدميه مع القهوه الصباح والمساء حطي منه بملعقة الحلا الصغيره حيل وتقهوي عليه ممتاز لنفاس .  ومع الفطورحليب بحلبه والعصر شاي اعشاب والفوط فيه برايفت خوذي الحجم الكبير ممتازه مره وكل فتره غيريها وجففي المنطقه زين وادهنيها بكريم ميبو والغسول يمدحون بيتادين خففيه  بشوي مويا وتشطفين فيه المنطقه والملح مع المويا بس لازم يكون الملح خشن 
    والمقلي ممتاز مره لشمم حطي على الفوطه شوي منه والبسيها وحطي شوي بخشمك عشان ماتستشمين والعطر والله ماادري انا ماعمري استخدمته وقت النفاس والله يتمم لك على خير ويسهل ولادتي ويرزقني بالولد الصالح واي خدمه انا حاضره 

تابعي تجارب أخرى من هذا القسم.