أقسم بالله اني سجلت دخول عشان أرد عليتس لأن البنت قطعت قلبي 💔
أنتي مع الأسف جداً قاسيه ع بنتك وإذا رجعنا للأسباب اللي خلتك قاسيه فـ أولها أن اهلك كانوا يكرهون البنت !!
اوك اهلك ويكرهونها بس انتي امها حرام عليك
ومن المعروف ان بعض الاطفال ما يكون لهم قبول او بالأصح بعض الاطفال ما نلاقيهم محبوبين بعكس اطفال ثانيين وهذا شي طبيعي ،
بنتك خافي الله فيها اقسم بالله وانا اقرأ دموعي بتنزل من حال هالبنت '
ورب البيت ان تكبر بنتك وبتذكر كل اللي سويتيه فيها
امي كانت تضربني وانا صغيره وقسم بالله للحين في قلبي ع أمي مع اني احاول انسى الماضي وعمري 24
وكلما هاوشتني امي ع طول اتذكر وش كانت تسوي فيني واجلس ابكي واعلم خواتي الصغاار باللي كانت تسويه فيني
موب حقد !!
ابداً والله بس هي زرعت هالشي فيني بضربها وبقسوتها مع اني عارفه انها كانت تحسب ان هذي تربيه صحيحه بس عمر الضرب ما كان تربيه ،،
انتي انسانه متعلمه واذا عصبتي استغفري وتذكري انها راح تكبر وتذكرتس باللي سويتيه فيها ..
كلمه وربي ما انساها قلتها لأمي قبل اسبوعين لأنها فرقت بيني وبين اخواتي
قلت لها تراني بوقف انا وانتي عند ربي وما راح اسامحك :(
حسيت امي انصدمت وطلعت من الغرفه ورجعت تكلمتني بحنان وطيب
فديتها الله لا يحرمني منها مع انها كانت تعذبني بس ادري انها تبي مصلحتي
ادري طولت بس حبيت انبهك ودعواتك لي :)
أحيانا أتحول لمجرمه والنتيجه تأتأة بنتي الحل الله لايحرمكم الأجر
متابعة النقاش، صفحة 6