عزيزتي بالنسبة لمواصفاته .. اذا جينا نتكلم من منطلق المثاليه ومن جانب شخصي ..
فانا ماشوف فيه شي يعيبه ..
رجال دخل السجن ظلما وثبتت براءته وشغال على نفسه ومب بطالي وما تفرق قطاع خاص او حكومي فهذا رزقه واللي ربي كتب له ..
بس اذا جينا نتكلم بواقعيه فالموضوع راجع لج ولقناعاتج الشخصية ...
يعني مثلا مثل ما طريتي انتي اتعودتي عيشة العز وكلشي متوفر لج فالمعرووف ان بالقطاع الخاص الرواتب مش ولابد يعني ممكن اشيا تكون قاصرة عليج ...
و بخصوص انه سجن سابقا فكلام الناس ما يرحم حتى لو كان مظلوم ...
انا شخصيا متعاطفة مع الرجال وبالعكس هذا الشي ما يعيبه لاطالما ظلما ..
والصوااب انج تتجاهلين كلام خلق الله دامج انتي مقتنعة فيه من جوانب اخرى ولقيتيه الزوج المناسب ...
بس السؤال اللي يطرح نفسه
هل انتي على استعداد لتحمل كلام الناااس ...
هل انتي على استعداد في التكيف بحياة يديدة تقتصر فيها الاشيا اللي تعودتي عليها ...
الخلاصة ...
اشوف ان الزوج مناسب بغض النظر عن بعض المواصفات اللي ما كانت بايده
اللي هي دخلته السجن ظلما ووضع عمله اللي هو بارادة ربنا ورزقه ...لأنها شكليات وربي اللي كتبها له وماله ذنب في شي ...
بس السالفه فيها اختيار الانسب لج حسب نظرتج الخاصه وحسب قناعتج وعقليتج
وانتي لج الحق في الموافقة والرفض والاختيار ...
يعني مثل هالامور ما نقدر نحدد لج اي او لا لأن كل وحدة فينا رح تجاوب وتعلق من منطلق تفكيرها وقناعتها الشخصية ونوع شخصيتها ...
ممكن وحدة نظرتها متعمقة وتنظر بشكل عقلاني رح تقولج استخيري ووافقي
وفلانة ممكن تكون مادية او بما معناه انها تحسب الامور بشكل ابعد
رح تقولج شو تبين بواحد ظرفه المعيشي اقل منج شوفيلج اللي مثلج وقدج عشان ما تتبهدلين ..
وعلانة اللي تهتم بكلام الناس او شخصيتها حساسة ممكن تقولج شو تبين بخريج سجون ...
بالنهاااية آراااء ووجهات نظر
فانتي ما سدحتي موضوعج الا لاختيار الراي الاوسط والقريب من قرارج الشخصي
فانتي شوفي نفسج ..
عندج استعداد ولا لا واستخيري .
حتى لو رفضتي فمب عيب فكل واحد فينا ينظر للي يريحه
عشان لا تظلمين نفسج او تظلمين ولد النااس ^^
تحياتي ...:cool:
مشورتكم لاهنتوا/ خاطب مدخن هل أقبل به . معدل
متابعة النقاش، صفحة 2