نصايحكم ومعلوماتكم عن الطفل بعمر السنه من ناحية التربيه وكيف تعليمه الصح من الغلط

السلام عليكم ورحمة الله وبركاته

عندي بنتي كملت سنه وهي بكري ومااعرف مره بتربية الاطفال

اول شيء بخصوص البكاء انا من اول اذا بكت مااعطيها وجهه الا لشيء مستاهل او اذا كانت تبكي جد مو صياح عالفاضي

بس الحين صايره تبكي جد على طول لو امر جنبها ومااعطيها وجهه تبكي واذا طلع ابوها برى البيت تصيح صياح يقطع القللب

ثاني شيء مزحها ثقيل ههههههه يعني لو اجلسها بحضني لابد تعطيني كف وتسحب شعري

مع العلم اني اضربها عالغلط على يدها بشكل خفيف واذا سوت شيء صح احضنها واثني عليها واحسسها اني مبسوطه منها

وش الحل وكيف امنعها او افهمها ان هالشيء غلط لانها صايره كل ماشافت طفل لابد تعطيه ضربه على وجهه وودي اقطع هالعاده عنها

وكمان كيف اخفف تعلقها فيني صايره مااقدر اكمل شغلي ولا دراستي الا اذا نامت

مع اني مخصصه لها غرفه للالعاب لكن من تطفش منها تطلع وتنشب تلاحقني ووقت شغلي بالمطبخ لازم لازم تقعد عالرف ولا تقعد تبكي عند رجولي

وكرسيها ترفض تجلس فيه الا وقت الاكل ومن تخلص لازم اشيلها

واذا عندكم نصايح او معلومات قيمه بخصوص هالموضوع ياريت تطرحونها حتى الكل يستفيد

ب انتظاركم

5 تعليق 1,313 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aldmoaa_almkhfy

    وانا كمان بكريه ومو عارفه اتعامل مع طفلي اتعبني وارهقني لا اقدر اكمل شغلي واي شي ارتبه هو يخربه ويكسر الاشياء تعبت منه حتى بيتي مااقدر انظفه مثل اول واذا نيمته لازم اكون جنبه لو قمت يقوم ما ادري كيف اسوي عمره سنه وشهرين
  2. الحل مو في النصايح كل وحده راح تعطيك تجربة

    اقرأي في النت في مواقع التربيه الخاصة بالطفل

    تابعي على تويتر استاذه د/ دعاء الراوي ررررائعة جدا
  3. @sosyo

    اكيد في مواضيع ممتازه في النت عن تربيه الطفل وكيفيه التعامل مع كل شخصيه
    بس انتي اهم شي لا تمدي يدك عليها حتى لو غلطت فقط نبهيها وامنعيها بلطف وكرري ان هذا الشي غلط بدون ما ترفعي صوتك عليها ممكن تغيري تعابير وجهك
    اذا في اشياء تخليها تصيح ابعديها من قدامها وبلاش تشوفها فتره كمان شيلي الاشياء اللي ممكن تخربها وخلي الاشياء اللي تتحمل وماتكون خطيره عليها
    اذا نزلت شي من مكانه حاولي تقنعيها ترجعه
    تعلقها فيكي طبيعي بعض الاطفال كذا
    اذا مدت يدها على احد احظني الضحيه وبعدين اطلبي منها تعتذر منه
  4. @faith_5

    سوسيو
    اكيد في مواضيع ممتازه في النت عن تربيه الطفل وكيفيه التعامل مع كل شخصيه بس انتي اهم شي لا تمدي يدك عليها حتى لو غلطت فقط نبهيها وامنعيها بلطف وكرري ان هذا الشي غلط بدون ما ترفعي صوتك عليها ممكن تغيري تعابير وجهك اذا في اشياء تخليها تصيح …
    معلومه قريتها ومهمه جدا ..
    الطفل مايعرف الصح والغلط اذا كمل سنه ..
    لأنه حتى لو خاصمتي او ضربتي ماراح يستوعب معنى الصح والغلط الا بعد ان يتم سنتين ..
    ولايعاقب الا اذا دخل ال3 سنوات ..

    حاولي عوديه فهميه الاشياء الصحيحه بس لاتضربي وتصارخي لو ماسمع كلامك
    وكرر غلطه لأنه ينسسى ..

تابعي تجارب أخرى من هذا القسم.