التشنجات من الأيباد والأيبود كثرت هالأيام وش السبب ؟؟

السلام عليكم ورحمة الله وبركاته

اللهم صل على محمد عدد ماذكره الذاكرين وصل عليه عدد ماتعاقب الليل والنهار الى يوم الدين

مافيه بيت بها الوقت مافيه هالأجهزه


ومافيه طفل ماعنده هالجهاز




موضوعي كتبته اليوم لاني والله متضايقه من اللي قاعد يصير لأطفالنا



ترك هالجهاز مع الاطفال بالساعات يعني الطفل وهو بعمر الأربع سنوات وأقل تلاحظين حماسه مع هالألعاب


طفل بعمر التسع سنوات من جماعتنا الآن له سنتين بغيبوبه والسبب الآيباد تركته امه يلعب ليلة العيد وقت طويل

بحدود الثمان ساعات ولما رجعت له وهو في حالة إغمآء وتشنج

وحده معانا في القروب إختها بعمر الثمان سنوات نفس الحاله لعبت من المغرب إلى السآعه 10 ولقيوها متشنجه

لكن الحمد لله صحيت من الأغماء لكن ترجع لها الحاله كل ثلاث اسابيع والسبب شحنات كهربائية من الايبود

وهذي الطفله ضحية الأيباد كمان ربي يصبر اهلها




وفيه بعض الأمهات وهي رايحه للسوق أطفالها صغار ومعاهم هالأجهزه ولا حول ولا قوه إلا بالله

طيب إيش أضرار هالأجهزه ؟؟؟؟؟؟أولها الصداع المتكرر


عدم الإنتباه والتشتت الذهني يعني طفلك مايستوعب ودايما مشغول بها الألعاب آلام بالمفاصل لانه على وضع جلوس واحد مايتغير


الإدمان يحس طفلك انه طفشاااان وذابحه الملل لأنك منعتيه من الجهاز دقايق يزود حساسيه العين والصدر


لاقدر الله التشنج أذا وصلت هالشحنات للمخ




طيب وش الحل !!!!



الحل بسيط تحديد وقت اللعب سآعتين فقط باليوم




كل نهاية اسبوع تطلعون اولادكم للبر وللرمل بدون أحذيه لان الرمل معروف بسحب الشحنات الزايده


يا أمهــــات أطفالنا أمانه مسؤلين عنها


الله يحفظ لنا أولادنا

27 تعليق 22,298 مشاهدة

شاركي في النقاش

سجلي الدخول لإضافة تعليق.

التعليقات

26
  1. @mdry_osh_aby

    مافي اي مصدر موثوق فية ان وسن ماتت بسبب الايباد
    حتى حساب ابوها بتويتر ماذكر الايباد ابدا
    بهارات واشاعات الواتس مايخلونها حتى بمصايب الناس

    الله يجعلها شفيعة لاهلها ويصبرهم على فراقها
  2. @vanity

    الاجهزة كلها لها اضرارها وتحديد الوقت مهم جدا

    لكن ما اظن ان سبب الوفاة هو الايباد

    اتوقع انه بعض الاطفال عندهم الجاهزية للتشنج فيحدث لهم لكن اسباب الوفاة بيد الله
  3. @osayf_hor

    صاحبة الموضوع
    جزاكم ربي جناته كل من رد
    أما عن موضوع وسن صراحه هو مشآبه لموضوع ولد معارفنا وهذا متاكده منه ان سبب الغيبوبه الأيباد مدة سنتين
    ولسى ماصحى
    والأجهزة هذي خطيره
    وبعيد عن موضوع وسن إذا موتها من الأيباد أو من غيره
    متفقين على خطورة هالأجهزه

تابعي تجارب أخرى من هذا القسم.