محتاااره مع ذالرجال ماادري وش اسوي اخ بس

مرحبابنات اخباركم بقولكم سالفتي انامتزوجه بكمل خمس سنوات وعندي طفل وحامل زوجي من اسبوع فاتحني في موضوع الزواج يبي يتزوج ثانيه انابكيت وانهرت وحلفته باغلظ الايمان وش فيني نقص ويحلف يقول والله مافيك مايعيبك كل شي فيك زين بس هدفي من الزواج تغيروتجديدنشاط زوجي يارب لك الحمدحنون وكريم وطيب ولاعنده خرابيط يقول ابي بالحلال وحقوقك محفوظه بنات انااعرف زوجي انسان اصيل موكذاب قول وفعل مويقولي ذالكلام تسكيته عشان ارضى لاصادق في كل شي يقوله يقول مالهاالايوم في الاسبوع ولالهامصرف ولاتجيب لي عيال ولاشي قلت اجل اذاتبي تتزوج طلقني قال استحاله اطلقك قال اجل وش فايده زواجي اناابي حرمتين على ذمتي ابي احس بذالشعورقلت اجل تزوج وخلني على عيالي ولاتلمسني ماابي منك شي قال لوماابيك كان قلت جزاك الله خيرورحت اتزوج بس ماابي علاقتي تخرب فيك ابي حياتك زي ماهي ماتتغيرحتى يوم زواجي ماراح تحسين فيه بعلمك بعدكم شهراني متزوج ولااحديدري من الناس وبعطيك رضاوه وبعطيك الي تبين يقول من غلاتك جاي اشاورك لواحدغيري كان تزوج والي يزعل يزعل والي يرضى يرضى يابنات بموت من القهرمااتخيل زوجي مع وحده غيري ويقول باخذوحده اكبرمنك واقل منك في الجمال اخاف يابنات ارفض ويروح يتزوج من وراي وانصدم بعدين ولايمل منى وبعدين يتزوج واقول طلقني يقول اقعدي على عيالك وماابي اخسرزوجي يقول لواتزوج بتتغيرنفسيتي للاحسن وبينعكس عليك وعلى حياتك وكل شي في صالحك يابنات عارضته وناقشته. ويقولي فكري وفكره الطلاق شيليهامن بالك اناماابي احديتشمت فيني اذادروان زوجي متزوج ولااحديناظرني نظره شفقه وخايفه لويتزوج انهاتحمل بعدين مافيه شي يتخبى وش اسوي يابنات ذالموضوع اتعبني وارهقني مجردالوحده تدري ان زوجهامع وحده غيرهايجن جنونهايارب اختاري الي فيه صالحي وثبتني وش اقوله يابنات مره تعبانه نفسيتي من الحمل وهاذي السنه سنه تخررج لي من الجامعه يقول لاتخافين ماراح اتزوج الالين تخلصين من الجامعه وتولدين بالسلامه نوروني يابنات وش السواه