زوجي رجع من السفر وقال لي وجهك يحتاج عمليات تجميل..شوفو السخافه بس/ استوفى الردود

ياعزيزتي غالبا من طي الموضوع وحكى العضوة تفهمين وضعها في بنات ماتقدر تتركه لظروفها الخاصه وظروف العالم كثيره وصعبه وبعضههن لا ياقلبي تدلع او تكبر موضوع تافه والله اعلم بالنوايا والغرض ليس تعبد للرجل ابدا لكن وحده مقطوعه من شجرة وصابره على مدمن ويضربها لانها ان تطلقت بتهيت فالشوارع ومعها عيال وهى متاقلمه مع وضعها بس تبي حل في موقف ما او طارئ يعينها مع العلم هى عاجبها وضعها اجى انا واقولها انحاشي احسن لك واحرش واحرض وانحاشت وانقتلت او اغتصبت وضاعت روح انسانة وصار بعيالها شئ بسبب نصيحه هى في محلها ربما لكن ماتصلح لاي شخص هنــــا لب الموضوع هذا انا عن نفسي ان بغيت انصح احد اكون حاطه هالشئ في بالي هذا مايمنع انه فيه عابدات للرجل ومقدسات لمجرد ذكر اسمه ::twirl::

انا ما قصدت نقول لها ان زوجها غلطان ونشجعها تنحاش منه
مو هذا قصدي لاني ادري كل وحدة لها راي بتحطه

لكن اني انا كمتصفحة الاحظ ان زوجها غلط وهي ردت الغلط بغلط
اقوم اتناسى غلط الرجل عليها واحط حيلي فيها
واقل ادبي عليها واستنقص منها بعبارات (الله يعينها عليك زين ما اعطاك كف الخ )
قمة الخسة والدناءة والله ولا لها اسم ثاني غير كذا

فهمي الحين وش قصدي؟

عندي كم ملاحظة بس اتمنى ما تزعلين..

اولا: تزعلين انه كلم امه انتي غلطانه هذي امه وشي طبيعي انه راح يكلمها اول شي بالعكس لازم تفرحين انه بار بامه..

ثانيا: انه يرد من السفر ومايلقى لقمه ياكلها سوري هذا اهمال منج.. لازم تروينه شكثر انتي سنعه ومداريته.. والمفروض تكونين عارفة انه ماذاق اكل البيت من مده.

ثالثاً : بينتي له انه في الاهم منه وهو انشغالج باعمالج ومابينتي فرحتج انج شفتيه بعد سفرة ولو كانت لمدة يوم.. وكان بأمكانج تخلصين امورج فبيت اهلج وتستعدين كل الأستعداد له،، ماعليه هذا رجال ويبي اهتمام حاله حال طفل صغير..

ربي يهدي بالكم ويصلح مابينكم..

شوفي ياقلبي إحنا لو شايفين الرجال غلط كان قلنا لمعلوميتك أنا ضد أن المرأة تكون خانعة
وفي فرق تكوني خاضعة وبين خانعة

لكن أسلوب الأخت الله يهديها بصراحة مافي أي إحترام لزوجها ولاتقدير بل فيه كثير من الإهانة له
كزوج وله حق عليها وحق عظيم زي ما لأمه حق عليه وهي سبب زعلها كله ترا مكالمته لأمه
يوم يقول لها وجهك يحتاج عمليات تجميل
والله انا يوم أشوف العنوان جاية ومجهزة كلام صلخ لزوجها بس يوم قريت موضوعها لقيتها هي أساس المشكلة وزوجها يوم قال هالكلام ترا بقصد تعبير مجازي يقصد يبي لك تفكين العقدة
اللي بوجهك وتضحكين :redface::biggrin:
يعني ماكان يقصد يتمسخر عليها وعلى خلقتها وهذا واضح جداً من خلال كلامها هي بالموقف اللي صار كله
وأنا أحيي في الأخت صاحبة الموضوع صدقها في سرد المشكلة
ودام أنها إنسانة صادقة وقالت الحق
فهي أكيد تحب تسوي الصح ولا تحب تظلم أحد لكن هي خانه التعبير وحسن التصرف
وكلنا يجينا حالات ونطنقر بعد ما أحنا ملايكة
بس والله أنا استحيت من نفسي وأنا أقراء أسلوبها في إستقبال زوجها
ونصيحة الزوج عشان تعرفين تعيشين أعتبريه ضيف في إستقباله وتوديعه وحشمته
إعتبريه ضيف أول مرة يجيكم
وصدقيني هالطريقة حتى مع الأهل والأقارب إستخدميها والله راح تشوفين كيف الجميع يحبك
وينبسط منك لكن نصيحة أخيرة سويها لوجه الله أولا ولاتقولين ما يستقبلوني كذا ولا ما يسوون كذاك خليها لوجه الله ثم لكسب القلوب

شوفي ياقلبي مهما كان بينهم من مشاكل دامهم رجعوا المفروض رجعوا أحسن من أول
وبيدها هي تغير زوجها
طبعا أنا رديت على مشكلتها زي ماهي كاتبة وماحبيت أسأل عن خصوصياتها الثانية
وكنت حاسة من خلال تصرفها أنه فيه شيئ بينهم قديم بس ماحبيت أتعرض له عشان مانتوسع
بالكلام ويمكن هي ماتبي تقوله
لكن مشكلتها كما عرضتها الغلط منها هي وغذا بنقعد عند كل أختلاف بيننا نجيب
الدفاتر القديمة ونقراها صدقيني ماراح تتغير حياتها إلا للأسوأ
عشان تبتدي حياة جديدة وسعيدة أنسي الماضي لأنه راح وتصالحوا ليش تنبشينه
وكلام بالماضي نقصان بالعقل
ونصيحتي لها إذا هي حابة تعيش براحة تنسى الماضي ولا تحاسبي الرجال على بره بأهله أبد
تخيلي أخوك لو يسوي زي ماتبغيين أنتي من زوجك ويترك أمك على جنبك
أيش شعورك أنتي وكيف شعور أمك
والله يصلح لنا ولك الحال والنية والذرية