°ˆ~*¤®§§ التجمع السابع مواليد يناير وفبراير2014 تجمع التفائل§§®¤*~ˆ°L/ استوفى الردود

متابعة النقاش، صفحة 301

شاركي في النقاش

سجلي الدخول لإضافة تعليق.

التعليقات

2,020
  1. @royn_o_otyn

    مش فاكرة يالبحر كان كان وزنه في السابع والتامن

    بس وزن جنينك كويس ماشاء الله اهم شي صحته وعلى قولك تكبر ف الارض
  2. السلام عليكم

    مساء الانوار

    كيفكم وكيف حملكم ربنا يتمم لنا ويعدي الايام على خير

    سامحوني دخولي صار قليل ما القى فرصه ادخل بيت وعيال ومافي شغاله طول اليوم اكرف تنظيف كوي وغسيل ومذاكره وبنتي اليوم تعبانه وتعبتني معاها غير الحمل وتعب الحمل الله يأجرنا ان شاءالله

    دبي
    ماشاءالله مبروك على الولد الله يقر عينك به وتشوفيه سليم معافا تمام الخلق

    بنات انا احس بنغزات في المهبل زايده ما اقدر اتحملها اصرخ من الالم وغير الم الطلق كم مره باليوم يجيني واحس الحركه كلها تحت وشئ ثقيل تحت ضاغط على المثانه تعتدقتون ان البيبي نزل راسه تحت الحركه مرره تغيرت صارت بالجوانب وتحت اتضايق منها مره

    وبطني احسها كبرت خايفه يكون البيبي كبير مراجعتي هذا الاسبوع ادعولي يكون نزل الراس تحت
    احس نفسي ثقيله اتحرك زي البطريق واتعب بسرعه واتنفس بقوه حتى زوجي يقول ليه كذا تتنفسي بقوه
    صرت ما احب امشي على طول اتعب ياربي كيف الشهور الاخيره

    ابغى اسألكم كيف تكون ضيافتكم في النفاس انا من النوع الي احس ان الكلفه الزايده مالها داعي بس جماعتنا يحبو يكلفو وتعلمو الحين يسوو بوفيهات وانا مستحيل اعمل مثلهم وضعي مايسمح وغير اني بكون تعبانه وبجيب شغاله بس للتنظيف

    واحتمال ماتبات تجي تنظف وتروح يعني كله فوق راسي وامي كبيره ماتقدر تسوي شئ وناويه اخلي الاستقبال خميس وجمعه فقط عشان تقدر تجيني اختي تساعدني لان عندنا ناس ماعندهم ذوق يجو في اي يوم

    نحنا طريقة ضيافتنا
    اول مايجو الضيوف نقدم قهوه مع شوكلاته وبقلاوه وحلى وتمر اكون انا مسويته
    وبعد شوي المعجنات مع الشاي وكذا خلاص وانا من النوع الي افرزن المعجنات والسمبوسه والكبه عشان ما اتعب

    بس برضه احس فيها كلفه وتعب وماعندنا توزيعات والتزيين والاشياء دي بس في البيبي الاول لو حبيتي

    ياليت تقولو لي طريقة ضيافتكم وتستقبلو الضيوف كل يوم ولا اخر الاسبوع فقط مره محتاره اخاف يتكلمو علي الناس
    وكمان زوجي يكون الجمعه في البيت اجازته ومن النوع الي يتضايق من الناس والازعاج شايله همه غير نفسيته الي تنقلب 120 درجه يكون متعصب طول نفاسي ينكد علي كأنه هو الي تعبان مو انا الحمدلله على كل حال الله يهديه ذي المرره ويكون رايق ويكفيني شره
  3. الصايمين اليوم لاتنسو اليوم نحاول ندعي لبعض ربنا يتمم لنا حملنا على خير ويسهل ولادتنا ونفاسنا
    ولاننسى ندعي للأمه الاسلاميه في كل مكان ولكل مريض وللاموات محتاجين دعواتنا
    لاتنسوني من دعواتكم حبايبي تقبل الله منا ومنكم صالح الاعمال
  4. @asaad_ftah_balaaalm

    حبوبه وطيوبه

    الله يعيينك حبيبتي والله النغزات والالام لحالها كفاية كمان مسؤليات البيت تهد بس الله يفرجها عليك ويهون عليك حملك وتعبك ويتمم لك على خير ويسخرلك زوجك

    الضيافة احنا عندنا شي عادي من الموجود ورح اجيب صينية شوكولاته وبس مافي لاتوزيعات ولابوفيهات لاني ما حاكون في بيتي فما ابغى اكلف على احد غير انه اصلا مافي ضيوف كثير

    ان شاءالله اللي زي وضعك يفيدونك
  5. بنات :bkh:
    كيفكم
    أحس اني غريبه عنكم :pinklove:
    سبحان الله ماكنت افكر اني ادخل على تجمعكم او يمكن اكون بينكم
    لان الخبله أنا ناسيه آخر دورة متى جتني :ohmy: فكذا حطيت من راسي انها بدايه شهر شعبان:22:
    المهم كان عندي موعد قبل امس وقالت لي الدكتورة انو فررررررق بين التاريخ اللي اعطيتينا وتاريخ السونار وانو السونار بااين اني فالاسبوع 27 :08: وانو التاريخ اللي اعطيتهم 22 اسبوع :eek:
    فقالت راح نعتمد على السونار بما اني دلخه :2thmup: وناسيه اخر دورة امتى
    زميلتي يوم قلت لها انسطلت تقول كيف كذا انا قلت لك اني حامل قبل لاندري انتي حامل
    وهي فالاسبوع 25:biggrin:

    عاد جيت استشيركم شراايكم انتم انا معكم ولا مع مارس :huh:
    << آحسني بياعه بقشتها على راسها ماتدري وين تروح :hahaha::icon31:

تابعي تجارب أخرى من هذا القسم.