لكل من ردت علي في موضوع بنت زوجي تبي تقتلني#دمج#رد 79

هذا الكلام اللي دايماً اقوله لكل وحده تربي عيال غيرها يمكن ماتكون جاده في كلامها بس مايمنع انو تربيتك ضاعت فيها انتي مابينتي ايش الكلام اللي دار بينها وبين صديقاتها وهل كان كلامها جاد او مجرد تخويف ع العموم خلي ابوها يشوف كلامها ويعرف انتي ليش تبغي تعيشي لوحدك وقولي له انك ماقصرتي معاهم وجا الوقت اللي يستقلو فيه عنك خصوصاً انو اخوها كبير يقدر يدبر اموره والله يعينك

من البداي كان المفرووض تعيش عند امهاا لكن خلاص قولي لابوها وش صدر منها من غير مايقوم يضربها حراام يمكن قالت هالكلام لحظة غضب

هذي المشكله انك غصبيتها بالقوة على شئ هي ماتبغاه فكيف تبغينها تحبك اوتتعلق فيك
وتقارنين فيها ببنات الجيران انهم سنعات
تسنعت بكيفها ماتسنعت بسلامتها لا تفرضين نفسك ولا ااوامرك عليها
عندها اب وعندها ام يعلمونها ويسنعونها
انتي صرتي بعينها زي اللى تحارشين ابوها عليها وتبينها تخدمك
البنات وهم البنات يتاففون من امهاتهم بخصوص المطبخ
شلون انتي يازوجة الاب
حتى ولو من حقك تامرينها عشانك ربيتيهم
انتي رضيتي بشخص متزوج وفرضتي نفسك عليهم وهم انفرضو عليك عشان كذا الحياه مشت
اما اللى تسوينه اكيد ماتتقبله بنت زوج
المشكله انها مو متقبله منك شئ لدرجه انك قاطه نفسك عليها وهي بدت تختنق منك ومن تدخلك بحياتها
خلاص اعتبريها مش موجوده اعتبريها ولا كنها هنا
هي تلاقينها قالتها لانها طفشت من تصرفاتك معها وحرصك وهي رافضه هالشئ منك


واذا دخلت على تويتر موجريمه
بس الجريمه علمتي ابوها وهو عصبي الله يعلم وش سوا معها

طبيعي ماوصلت لهشئ الا انها طفشت منك تدخلك بحياتها
خلاص اتركيها لله وادعي لها ربي يهديها وزي مادعيتي ان زوجك يحبك
ادعي ان ربي يكفيك شرها
وهي قالتها بلحظه زعل اكيد وشئ شايلته بقلبها انها ودك تفتك منك
فخلاص اتركيها بحالها ساعدتك بالبيت زين ماساعدتك الله معها هذي مش بنتك عشان تفرضين اوامرك عليها
منتي منحده عليها
كلها كم سنه ويجي نصيب وتروح معه
ويبقى المعروف بينكم
اعرف حريم تزوجوو رجال وربو عيالهم
وبعضهم حبوو زوجة ابوهم وبعضهم لا
ومشت حياتهم لا اغصبوهم على تنظيف وطبخ ولا اي شئ كنهم اميرات لان خلاص تجاهلووجودهم
فانتي كذا تجاهلي وجودها كل مافكرتي انها موجوده بتضايقين انها ماتساعدك و و و ماتنظف ومدري
ايش
تجاهليها بترتاحين وهي بترتاح

من رأيي مجرد نقاش عادي او من قهرها منك وكلامها مع صاحباتها فضفضة

وإذا علاقتك حلوه مع أهل زوجك كلميهم وهما يكلموها وانتي معاها كم واجهه علشان ماتنكر

وأدعي الله يسخرها ويحنن قلبها عليك