من لها خبرة في العمل التطوعي تشاركنــا ...

شوفي ياقلبي ابحثي في التويتر يمكن في بنات من نفس مدينتك مسويات قروب تطوعي
تقدرين تنضمين لهن حنا عندنا بعرعر××××××××
يمنع إدراج حسابات على العام .. تم الحذف
الاشراف
هالبنات ماشاء الله عليهن لهن بصمه رائعه بالعمل التطوعي مع انهن بالبدايات

الله يجزاك خير ويكتبه في موازين حسناتك
حبيت اساعدك ببعض النصائح

اول شي اسواق العثيم عندهم بطاقات كل بطاقه فيها ١٠٠ ريال يعني تبدلين الفلوس اللي معك ببطاقات وتوزعينها على المحتاجين وهم ياخذون اللي يحتاجونه والعثيم مستحيل يرجع لهم ريال واحد بكذا تضمنين ان اللي تعطينهم يشترون شي محتاجينهم ومايضيعون الفلوس بشي ثاني

وبالنسبه للاسر انت انشري بين الاهل مثلا اللحين وقت شتاء ارسلي بالواتس رساله للاقارب والمعارف انه انا حاليا اجمع ملابس وبطانيات وابشري مواد غذايئة وملابس للاسر المحتاجه واللي يعرف اسر محتاجه يدلني عليها


مع الوقت بتلقين نفسك جمعتي عدد كبير من الاسر وممكن توظفين وحده من هذي الاسر المحتاجه تشوفين لك وحده ثقه وشخصيتها قويه وتخلينها تزور الاسر وتتاكد لك من وضعهم وهل هم فعلا محتاجين والا لا هذا طبعا اذا انت ماتقدرين على هالنقطه لانه صعبه الواحد يدخل كل بيت

لو كنت بالرياض كان قدرت افيدك اكثر

ولاتستهينين بالقليل ممكن اول ماتبدين ماتجمعين الا مبلغ بسيط لكن مع الوقت ان شاء الله يتبارك العمل ويكبر والله يجعله خالص لوجه وينفع فيك يارب

بالتووفيق

جمعيىة واعي متخصصة بالاعمال التطوعية وتقدرين تسجلين معهم

حتى ممكن تداومين عندهم ثلاث ايام بالاسبوع

وتختاري اي مجال تحبي للتطوع

مرضى السرطان او الايتام او كبار السن

هي بالرياض

واسألي اذا لها فرع بالقصيم

الله يسعدك شوفي لو عندك امكانية تساعدي بشيء الله يحيك
ان الفكرة من القروب يكون من نفس المنطقة حتى يكون بينا اجتماعات بحيث يكون العمل فعلا اكثر فاعلية لكن شوفي لو بايدك شي ممكن تساعدي فيه راسليني على الخاص