كل ماتودين معرفته عن مدينة الملك فهد الطبيه

                  صباح -مساء الخير ياأحلى حوامل 

المعلومات عن مدينة الملك فهد الطبيه للأسف قليله وكل وحده من البنات تكتب اسأله ولا نشوف جواب شافي 
ياليت كل وحده تكتب اللي تعرفه معرفه أكيده عن المدينه الطبيه وتكتب تسائلها هنا والإجابه تكون هنا علشان مانتشتت ...

* اللي اعرفه عن مدينة الملك فهد الطبيه أنه لازم يكون عندك ملف  وإذا رحت للطوارئ وأنت عندك ولاده يستقبلونك وبعد الولاده ياخذون على الطبيعي 5000 آلاف والقيصري 10000 آلاف وهذا كلام موظف الاستقبال لي قبل شهرين  يقول المبلغ ردع للي يجون وماعندهم ملف  لأن المستشفى للحالات التخصصيه فقط وأضيف أنا للي عندهم واسطه بعد...
واللي تفتح ملف علشان الولاده يتقفل تلقائي بعد الولاده إلا إذا كان فيه حاله خاصه لاقدر الله
*فيه يوم بالاسبوع يكون المناوب فيه بالاسعاف دكتور وهذي مشكله يعني لو جتك ولاده في ذا اليوم  لازم يكشف عليك الدكتور من تحت  علشان يدخلك ولاده ..(أنا رحت لهم وأنا ماعندي ملف كنت تعبانه وقلت ابروح أشوف كيف الوضع لقيت المناوب في الاسعاف دكتور وقابلت عامله شكلها سعوديه قالت لي بس اليوم دكتور وغالب ايام الاسبوع دكتورات ...وممنوع دخول الزوج معك في الاسعاف حتى لو كان المناوب دكتور وإذا رقيتي فوق يدخل الزوج معك)

لكن فيه اسأله مالقيت لها اجابه أتمنى ألقى لها اجابه هنا 
1/لو اشترطت مايدخل علي دكتور رجال يتقيدون مثل مستشفى اليمامه واتحمل المسؤليه ولا مايهمهم يدخلون الدكتور عادي أقصد عند الولاده مو الطوارئ؟
2/  بالنسبه للخياطه هل ممكن يخيطك طالب أو طالبه مبتدئه لأن المستشفى فيه طلاب يتعلمون مبتدئين ؟و لأني قريت عن وحده تقول خياطتي زفت مدري خطأ لأن اللي خيطني مبتدأ !!!!!!!!هذا الكلام لو كان حقيقه  مصيبه  ....
أخاف نغتر بشكل المستشفى واسلوب الطاقم الطبي وآخرتها يتعلمون علينا ....إذا كان الكلام هذا صحيح أنا عندي أني أولد باليمامه أهل الخبره ولا أتورط بمبتدأ أو مبتدأه  يلعبون فيني ويحوسوني ...
رجاااءا اللي عندها إجابه أكيده تكتبها أما توقعات وقيل وقال لأ... نبي نستفيد 
واللي تعرف أحد موظف هناك تسأله وتفيدنا ...

12 تعليق 10,929 مشاهدة

شاركي في النقاش

سجلي الدخول لإضافة تعليق.

التعليقات

12
  1. @am_rzan_5

    مشكورة على المعلومات
    وبالنسبة لأسئلتك ماعندي خلفية
    أنا بعيالي أولد في اليمامة وهذا حملي الرابع راح يكون في اليمامة إن شاء الله مستشفى خبرة ودكاترة كبار
  2. @am_shhodh_otroky

    الله يجزاك خير عالمعلومات
    بس حبيت اسال للي عندها خبره
    انا عندي ثلاث ولادات قيصري والحين حامل
    هل يستقبلوني لو اروح لهم من الحين للمراجعات والولاده
    ولا لازم عالشهور الاخيره اروح لهم
    ولا مايتقبلون الي بمثل حالتي
  3. @imaram

    اهلا
    بقولك بحكم تجربتي عندهم
    طبعا بكريه كنت وراجعت عندهم من الثامن /واسطه طبعا
    بالمراجعات كنت ادخل ع رجال غالبا بس ماحصل كشفو الا مره واحد سوا لي سونار علشان المشيمه

    ووقت للولاده دخلت الطواريء كانت باكستانيه جفسه
    وبعدين ودوني التوليد قابلتي هنديه والدكتور المناوب رجال وتحته طاقم حريم لو احتجته او بغيته يولدني يدخل او في حالة تعسرت الولاده اكيييييد يجونك رجال هذي متاكده منها
    انا الحمد لله ماتعسرت بس دخل وسالني اسئله وكشف ع بطني هلشان يتاكد من راس البيبي وطلع ولا عاد شفته
    وقت الولاده جتني دكتوره هنديه اتوقع ومعها ممرضتين وقابلتي وولدتني وخيطتني ماشفت رجال الحمد لله
    طبعا ولادتهم بالنسبه لي كانت كويسه بس التنويم قلق حقين الحضانه حظوظ بعضهم تتعاون وبعضهم لا والا غصب ترضعين طبيعي ولو صدرك ماينقط بهذلوني وطلعت ع طول ماقعدت كملت اربع وعشرين ساعه والده وقلت بطلع

    الطلاب انا ماشفتهم بس هم عندهم وكثير اعرف ولدو فيه مادخلو عليهم طلاب بس دخلو رجال على بعضهم بسبب تعسر الولاده
    بس لما من بكره جل دكتور اطفال يكشف ع بنتي استأذن انه يساعدونه الطلاب وعادي خليتهم
    وبس اتمنى افدتك
  4. @roaa_fgr

    صاحبة الموضوع
    العفو حبيباتي 
    و أضيف لكم معلومه مهمه اللي عندها نيه تفتح ملف عندهم لازم قبل الخامس أنا رفضوني لأني جيتهم بالأشهر الأخيره والحمدلله راضيه لأني مستخيره ....

تابعي تجارب أخرى من هذا القسم.