لو حدة قالت لك هذي مو بنتك ايش ردك شوفًوا ايش صار لي 😔/ استوفى الرد

مرحبا اخواتي
لا استغني عن نصائحكم بس هالمره ما ابغى نصيحة بس بقولكم موقف صدمني ماتوقعت اننا نسينا الرحمة وعدم الشماته ونسينا ان لا نسخر من ابتلائات الاخرين بقلكم ولو كنتوا مكاني ايش راح تعملوا 
انا طبعا موظفه  في يوم وانا مداومة اتصل فيني زوجي قال بنتك تعبانه وعليها حراره فقلت جيبها لي ناخذها سوا على المستشفى 
المهم حتى تكونوا بالصوره انا كل اطفالي الاربعة انابيب اللهم لك الحمد زوجي عنده تشوهات مستحيل احمل طبيعي الا اذا شاء الله فكان ماعندي مشكله الكل عارف ان اطفالي انابيب 
المهم جبت بنتي وكل صاحباتي مجتمعات قالت صديقة بالله جيبيها بسلم عليها جيبتها كانوا جالسين بالمكتب اكثر من تسعه وكانت الاداريه علاقتي بها رسميه يعني اكلمها مره كل شهرين ثلاث لان والله ما ارتحت لها حسيتها ماتحبني من اول ماتوظفت دايم تحاول تجرحني او تغلطني او تنتقد شغلي قلت يمكن احد قايل لها شي عني واول مادخلت ببنتي الكل فرح فيها وباسه وصار يقول الله يخليها لك اما هي والله العظيم يابنات قامت تقول شكلها مو بنتك شكلهم مرجعين لك اجنه مو اجنتي والبنت ماتشبهك وصارت تضحك قدام كل البنات واكثر من ربع ساعه اقسم بالله يابنات وهي مستمره وانا عملت نفسي اضحك وارد عليها اقول لو مو بنتي عاجبتني واصلا عادي هم خيورني واخترتها لان اعجبتني وصارت تقول طيب ليش اطفالك مايشبهون بعض لا يكونوا ماهم اخوان وكملت حتى صاحباتي اتفاجأو والله العظيم انربط  لساني وبطلت اعرف ارد واخذت بنتي وطلعت وقلت حسبي الله ونعم الوكيل 
ابي اسالكم بنات هل الانابيب صارت عيب 
وهل انا غلطت اني تكلمت ان اطفالي كلهم انابيب ؟ 
احسها قذفتني وظلمتني 
انا عادي عندي والله ماهز فيني شعره الحمد لله بالعكس نعمة ربي مغرقتني بس ايش تستفيد الوحده لما تجرح اختها بالاسلام وش تحس فيه 
اريد ارائكم !!!!😢