زوجي قال لامه مو لازم تنامين عندنا .. ومفكره اني انا محرضته // تم الرد

والله جربت اجيها بالكلام الحلو
ومره كنت انا وهي لحالنا .. وصارحتها قلت لها يا عمتي انتي عارفه وضعي
انا من خلقتي بدون اهل اعتبريني بنتك وانا اعتبرك امي ووالله اني بكيت ذاك اليوم وانا افضفض لها ولما شفتها ساكته قلت رق قلبها وضميتها ودفتني من حضنها
والله حاولت احسن علاقتي معاها بس هي ما تحبني .. عشان انا ابوي لما توفى عمي اللي هو زوجها كان يبي يتزوج امي عشان يضفنا انا واخوي بس امي ما رضت
وعاد ماعرف اذا بينها وبين امي مشاكل من قبل او عشان امي مو سعوديه والله ماعرف بس هي وخواتها ما يحبون امي ابد

مواضيعك كثيره بالقسم
كنتي تتهربين من الحمل الا وعندك شغاله عشان تساعدك بولدك وتنتبهين لحملك
والحين عندك شغاله وطاح زوجك صرتي تحمميه وتلبسيه وتوكليه ولا قلتي حامل
ويوم صارت أمه بتنام قلتي ما اقدر اخدمها لآني حامل

يختي راجعي حساباتك زين
الله يهدي الجميع

بغض النظر عن كلامها زوجك ((طرد امه)) وبس نقطه على السطر

قصتك مشاببهه لقصة وحده اعرفها
تعرض زوجها لحادث وتكسر وزوجته حامل

زوجته ماقصرت جهزت له مكان عندها يرتاح فيه بعد مايطلع من المستشفى ونفس الوقت امه وابوه مجهزيله مكان عندهم ببيتهم

اخذووه امه وابووه لبيتهم وقالوا لزوجته ولدنا نبغاه عندنا حتى يتعافى نعطيه من علاجة ونستقبل ضيوفه ونهتم فيه
ونوديه الحمام
انتى تعبانه ارتاحي عند اهلك واذا حبيتى تزوريه مااحد يمنعك

طبعا هي ماقالت شئ وكل يوم تجي تزوره

ليش انت وزوجك مكبرين الموضوع

تراها امه مو احد غريب

دامك ما قلتي شئ ما غلطتي 
لكن حاولي قد ما تقدري تكسبيها 
لان بعض الامهات يغاروا من زوجات ابنائهم 
وهذا وضح من وصفها لك بإنك ساحرتية 
لانها تشوف حبه لك
فدام ظهرت هالنقطة 
تجنبيها في حضورها يعني حاولي ماتلفتي نظر زوجك كثير في حضورها وانتي ذكرتي إن زوجك عارف اسلوبها معاك فاطلبي منه يساعدك على كسبها وتصفية القلوب 
قوليلة في وجودها لا تميزني ابدا ولا تظهر لا خوفك ولا حبك مراعاة لها وتفادي للمشاكل 
والله يصلح مابينكم ويتمم لك حملك ع خير