شاركي في النقاش

سجلي الدخول لإضافة تعليق.

التعليقات

48
  1. @bsmah90

    مبرووووك عسى ربي يبارك فيهم ويحفظهم لك
    ومشكوره على ذكر قصتك
    وبإنتظار البقيه ...
  2. @alaml_oalhb

    صاحبة الموضوع
    جاء موعد السحب بس كيف ومبايضي لسه ماوصلت حتى 18 المهم مع التفجيريه تكبر 2 مل .. خفت بس والله والله ذيك الايام ايماني بقدرة ربي مرررررره كبيره كاني متاكده انه مابيخيب ظننا فيه مؤمنه بعطائه وكرمه احساس يابنات حلو كنت اشوف الكتور مجرد سبب ،، بعلاجاتي اول كنت اطلع من العيادات بقلبي متعلق فيه ابي اقعد عندهم الى ما اخلص العﻻج .. هالمره انتظر بس اخلص من العﻻج واشوف بطني قدامي تعلقت بدعائي والصدقه ،، الصدقه اهم شي كنت مجمعه مبلغ ابي اشتري فيه حاجه مرررره خاطري فيها بلحظه استرخصت المال وكل شي بالدنيا عرفت كم وحده محتاااجه للفﻻوس تصدقت بكل اللي معاي ،، الله يثبت الاجر بس ماقلت لكم رياء قلته ابي تستفيدون بس يعني ﻻ تعرفوني وﻻ اعرفكم ... المهم اخذت الاب ه التفجيريه وبعد 48 ساعه رحت لهم دخلوني غرفه فيها حمام الله يكرمكم انا وزوجي انتظرنا الى ماينادوني للسحب اعطو زوجي علبه يحط فيها الحيوانات المنويه قمت بهالوقت اصلي ركعتين ودعيت ربي يسهل امرنا ويسهل الاسباب لنا شوي جت الممرضه واخذتني بسرير الى غرفة العمليات كان الدكتور داخل ينتظر كان فاتح المصحف يقرء قرأن ،، اعطوني بنج كامل ماحسيت اﻻ وانا بنف الغرفه اللي كنا فيها انا وزوجي نزل بعدها دم شوي الحمد لله ماحسيت بالم بعدها ﻻني قريت من اول انه فيه الم رحنا البيت وقعدت انتظر 5 ايام
    كل يوم اقول اليوم بيدقون قلقت شوي دقيت عليهم اسال قالو تعالي بكرا الصباح ،،، حلمت قبلها بيومين مختصر ان فيه هدايا تتوزع ولي منها كانه اخوي او زوجي اللي جابو الهدايا المهم فاتتني التوزيعه الاولى بعدين قالو لي فيه ثانيه هدايا هنا اخذت خاتم ولبسته بيدي عجبني مرررره واشوف ساعه حقتي من اول نت لابستها بنفس اليد اشوف يدي ومره معجبتني ،،، قمت من نومي مستبشره خير قمت مبتسمه بعد يومين رحت لموعدي عشان الترجيع دخلوني غرفة العمليات وكانت المثانه فيها مويه مامليتها مره عشان ﻻ تتعبني وقت ضغط الدكتور تقريبا عرفت اقيس الماء للسونار بالمثانه من كثر السونار اللي اسويه قبل كاستين ماء يكفوني قبل الموعد بساعتين يعني اوصل عندهم يكون الماء ملئ المثانه وراني الدكتور البويضات الملقحه وقال فيه 3 من الدرجه الاولى يارب لك الحد والباقي درجه ثانيه يالله الاحساس حلو وانا اشوف اطفالي قدامي هههههههه اقصد الاجنه قال الدكتور كم حابه ارجعلك ابي اقوله كلهم حرام كيف اخليهم ههههههه
    بعدين قال يكفون 2 عشان الهرمون عندك مرتفع مرررره خطر لو زدنا ... ورجعلي اثنين ،، سويت قبل تلقيح صناعي بس مانجح الترجيع حسيت بالم والجكتور يفتح الرحم ، اما وقت ترجيع الاجنه الحين ماحسيت بالم بس كنت خايفه انتظر الالم ,، الحمدلله ربي سهلها علي ومرة بخير وقالي الدكتور ايش اكل يعني اتغذى حليب و.... ح كتي طبيعيه ممكن اسوي لي سلطه بشويش امشي ما اوقف كثير بس ما اجلس كثير ﻻزم حركه خفييفه قعدني عنده 4 ساعات اول ساعتين وﻻ حركه ثاااابته بمكاني حتى البول الله يكرمكن لو حشرت وانا منسدحه انادي الممرضه تفضيه لي بطريفه وثاني ساعتين ممكن اروح الحمام وارجع بس قلت لكم عرفت مقياس الماء اللي يكفيني ماحتجت الحمام غير اخر الساعتين الاوليات بعد 4 ساعات جابولي وجبه كنت ماخذه جهازي محمله فيه القران قعدت اقرء سورة البقره قضيت الوقت ورحت البيت انتظرت اسبوعين وقال تعالي سوي تحليل الحمل عندنا مجاني وﻻزم تخبرينا لو نجحت العمليه لو سويتي التحليل خارج المركز انتظرنا اسبووووعين اول اسبوع كانت حرارتي ترتفع وتنزل كل ربع ساعه تتغير الحراره والاسبوع الثاني الى 5 ايام تقريبا الام دوره قبل التحليل بيومين اختفت الالام ماحسيت وﻻ بشي اليوم 13 جبت تحليل منزلي نفسي اشوف الخطين كاني متاكده اني حامل هههههه
    بس للاسف طلع خط واااحد ومكسر بعد اوووف ليه ماطلع استغربت بس ﻻنه الخط مكسر توقعت الجهاز خربان ايه نسيت اقولكم اتصلت على شيخ يفسر احﻻم قلت له على حلمي كنت ابيه يقولي انت حامل مررره متشفقه اسمعها وقالي معناه حمل قريب ان شاءالله ،،
    حسيت كﻻمه كانه بشاره من ربي اني بحمل
    قبل التحليل بيوم سمعت محاضره بالبدايه بالليل مدري ليه خفففت ووقت المحاضره بكيت بكيت دعيت ربي انه لو مانجحت العمليه انك تصبرني وتصبر زوجي وقفت وقمت صليت ركعتين دعيت الله فيها ارتحت ونمت الصباح على 9 حتى اظن المركز مافتح رحنا لهم حتى الدكاتره ماهم فيه سولي التحليل وقالت لي لو جيتي العصر احسن ﻻزم الدكتور يقولك النتيجع ومايكلمني الدكتور غير بعد دوامه المهم قالت انتظرياتصاله على الساعه 7 العشاء يووووه لسه بنتظر ورجعنا البيت حسيت ايام العﻻج والاسبوعين وسنين الانتظار كلها كوم وهاليوم بكوم ثاني جانا الاتصال على الساعه 6 وشفنا الرقم الجوال معاي اعطيته زوجي وهو يقولي انت ردي المهم ماقدرت اعطيته من الربكه كل واحد فينا يعطي الثاني الجوال
    ورد زوجي عليه وقاله فﻻن وفﻻنه ايوه قال مبرووووووووووك مبروووك المدام حامل والنسبه مرتفعه يالله قت ماسمعناه ايشكانت الفرحه مابين مصدقين ومكذبين طلع زوجي يبشر اهله وسجدت لله باكيه على كرمه ،، حت الحين تذكرت الموقف والله دمعت عيوني ،،
    المهم هنا الاهم قالنا الدكتور بعد اسبوعين تعالو نشوف كيف الاجنه وقال باين توام من النسبه العاليه كملنا ورحنا له كشف علي وانتظر يقولنا انه طفل او طفلين وقال مبرووووووك اثنينهم ثبتو الحمدلله الحمدلله يارب وشوي يقول لحظه فيه كيس ثالث سكتنا استغربنا وحتى هو استغرب قال الكيس فيه طفل صارو 3 يالله خفت وبكيييت عنده خفففت مررررره شافني ابكي قال لو حابه ننزلك واحد طبعا قلنا ﻻﻻ ربي كتبه لنا ﻻ انا اخترت وﻻ انت ،، قمت وفيني خوف استمر الخوف وكوابيس احﻻم مزعجه الى الشهر الخامس بعدين بالشهر الثاني رحت اكشف سونار قالو لي مبايضك تضخمت اووف وراي وراي هالتضخم دعيت ربي انت رزقتني اياهم وانت احفضهم لي ترقدت بالمستشفى 5 ايام صارت الكليه تالمني شوي بس الحمدلله تحسنت وطلعت صرت اراجع عند دكتوره عرفت انهم 3 حولتني للحكومي طبعا الحكومي كل مراجعه دكتوره غيرمرتين يقولو لي لو حابه تنزلين واحد عشان تحافظين على الاثنين طبعا ارفض بقوه هذا هديه من ربي استحاله افكر انزله
    نسيت اقولكم الثالث صار لوحده من البويضات انقسام قال الدكتور ممكن وراثه وعايلتنا فيها توائم ..
    الاهم اني شفت رؤيا بعد الشهر الخانس ارتاحت نفسيتي وتحولت احﻻمي الى رؤى حلوه وكنت اصحى من نومي وانا فرحانه الرؤيا اللي شفتها طفله تقرب لي عمرها 3 سنين ماكانت تنطق الحروف زين شفتها تقولي ،،، وانا ماسكه وحده من البنات فﻻنه هذي هديه من الله ،،، كلماتها كانتواااضحه والحروف قالته كامله ابتسمت قلت لها ايه ،،، كانت بالحلم اختي معاي العقبى لها يارب ولكم ولكا وحده تتمنى الحمل من امة محمد
    الحمدلله سهليربي امري وولدت وجوني بناتي قعدو بالحظانه 10 ايام تقريبا ﻻن وحده كانت عندها مشكله بالتنفس والحمدلله تعافت ... الحمدلله انتهيت من قصتي وياااارب تفرح كل وحده فيكم ،، اهم شي ﻻ تنسون صلتكم بالله دعواتكم ربي يحفظ بناتي واكيد مابنساكم من دعائي
    فمان الله حبايبي

تابعي تجارب أخرى من هذا القسم.