صدمتي بإختي وامي !!!!

كرهت الناس صايره شكاكه وموسوسه اول مره امر بلحظة ضعف انا كنت دايما وضعي احسن منهن كنت قويه وموظفه واخذ حقي وحقهم بس لما طحت طلع وجه ثاني اول مره  اشوفه والله من حبي لها على كل الي سوته فيني وانا صغيره كنت رافضه زواج عشانها بونسها بعيش معاها لين ماهي قامت تعايرني وتتهمني فعلى طول وافقت على الي تقدم لي عشان اثبت لها اني مومعقده مثل ماتقول بس الموقف الاخير سبب لي صدمه ماني عارفه هالقساوه وين كانت مخشوشه انا انا الي كنت اسهر اذا مرضو واروح واودي واعطي واداري واواسي انا انا ينقال عني خبله من وراي انا يتقاسمون فلوسي بينهم ويوم احتجت محد عطاني انا اذا دخلت يقطعون سالفتهم كنت عبالي اني عندهم وين ليش يمه جذي ليش كت حاسه بس هالموقف اكد لي اشيا كثيره ربي يبي يوريني عشان اوقف خبال الي اسويه تدرون يوم تزوجت. احس اني خنت امي وخليتها بروحها كل مادق ابجي اقول سامحيني تزوجت بس والله ماخليج تسوي نفسها زعلانه وتخليني ابجي لين اموت ماتهون علي !! عبالي متاثره بفراقي اخوي يقول ياخبله تسكر السماعه تقول اذتني وتروح عند صديقاتها تبي تحسسني بالذنب عشان اعوضها ماليا وصج كنت لما ازورها اعطيها هدايا واعزمها افخم مطعم في كل زياره 
والله نفاسي كان بس اشرب حلبه حتى ريوق مافي ولاغدا ولا عشا وانا ممنوعه نشويات صفق وجهي
اذا جاعو طلبو بينزا !!!! غير القطه الي قطوني اياها ومنعو عني الناس ماشوف اخد من صبح لين ليل بس تعبت تعبت عيوني تدمع موقادره

صبيح عين السيح انا مثاليه شوي وكنت رافضه خدم ابي اهتم بولدي ماذريت اني بجيب بعمليه ولادتي متعسره انا الحين جبت خدامه توها جت مضطره بس ماخذه اجازه مع ولدي مابي اقطه عليهها بس الحين كارهه الناس حاسه بيغدرون فيني وقمت اشك حتى بزوجي اتوقع اني صرت مريضه نفسيا ادعو لي اتشافى لاني فجاه اذا تذكرت نفاسي انهار وابجي اقول لو اني مرضت اعوذذ بالله شيسون فيني اذا ام ماحست فيني الناس شلون لايعه جبدي من كل شي 
والفلوس استحي اوقفها مو طبعي اوقف الخير بس والله قلبي يعورني مدري لي اجر او لا 
الحين اذا زرتهم ماتكلم ومبين وجهي مخطوف وهذي امي احبها والله احتاجها بس ليش تصرف جذي شصاير بالدنيا

امي غصب عني اعاملها زين بس قبل كان بحب الحين لله فقط وهذا التحول مؤؤؤلم جدا بس غصب 
بس اختي شنو تصنفونها دايم ساكته اذا شافتني وتحب تفط كلمه تغثني من عمر بس اقول صغيره توها بس بنفاسي مسكت ايدها داخله الغرفه تاخذ حاجه اقول خليك شوي سولفي علي تراي بنجن تقول اسفه بروح ادرس وهي ملتدرس تقعد تسولف  مع صديقاتها هذي شنو وصفها والله ربيتها مثل ام  طقوني اخواني بسيتها لاني ادافع عنها ماسمح لحد يهينها انا كنت اغسله يوم صغيره واسيحها وامشطها للمدرسه. الله هو وكيلي حلاص بروح احاول انام الله يهدي عيني 

الفلوس وقفيها بطريقه حلوه
خذي لك بيت ن طريق البنك
راح ياهذ ثلاث ارباع الراتب واعتذري لامك انك راح تنقصين المبلغ اعطيها 500 ريال
بنفس الوقت ضمنتي عمرك بيت ملك

حبيبتي انسي كل اللي راح وأمك وأختك الله يهديهم ربي عوضك بطفل وزوج اهتمي فيهم واهتمي بحياتك وبيتك ولاتخسرينهم زي ماخسرتي أمك وأختك الله يهدي بالك ويصبرك ان شالله