قسما بالله ماحدني اكتب الا ابي شور ورأي حكيم وش أسوي ء؟؟؟ وعذرا ع الجرأة في الطرح

يمكن عنده مشكله او مرض مفروض تقولين له يروح طبيب يكشف ويتعالج
واذا رفض استخيري بالانفصال والله يكتب لك الخير

لا تقهريني وتقولين كبيره مين بياخذني!! يااختي عيشي حياتك عيشي عمرك!! ليش تظلمين نفسك وتربطينها بحياة رجال!!
اجلسي يوم من الايام وقرري! اتركي شغل البيت منتي ملزومه فيه, روقي وسيلك شي يدفيك وفكري فكري فكري,, اذا قررتي شاوري مستشار اسري وياااكثرهم,, شاوريهم بقرارك واسبابك وشوفي وش يقول!

ترا الحياه مو معناها اللغوي والشرعي زواج
الحياه فيها صديقات فيها اهلك فيها جيران فيها وظيفه فيها مناسبات فيها زميلات عمل فيها وفيها زفيها,, مو بس زوج

حبيبي بقولك وجهة نظري وانتي فكري واستخيري

هذا قدرك ياقلبي وهذا اللي ربي كاتبه لك اذا تصالحتي مع هالنقطة اول خطوة عشان تتحسن حياتك
خلينا واقعيين انتي بعمر مافيه خيارات كثيرة وممكن لو تركتيه ماتلاقي غيره ، السؤال هنا "انتي مستغنيه عن وجود رجال في حياتك ؟" اذا ماعندك مانع احسبي كل العواقب اللي بعد الطلاق واستخيري في تركه

اما لو انك ماودك ترجعين لايام العزوبيه عندك ثلاث حلول ؛
ياانك تجيبين طفل يشغلك
او انك تعيشين حياتك بعيد عنه بمعنى تزيدين علاقاتك الاجتماعية زيارات او اعمال تطوعية
او انك تتوظفين

في كل الحالات ياقلبي "تأقلمي" مع هذا الرجل وطبعه وشخصيته
واعرفي كيف تتعاملين معاه بحيث مايزعجك تصرفاته ولا تزعجه تصرفاتك

الله يكتب لك الخير وين ماكان

الله يكتب اجرك استخيري الله في حياتك معه
وليس حياتك مجبوره تعيشي معه من حقك الامورالزوجيه وهو يعتبر ظلمك والمفروض هو ادرى بوضعه في الحياه الزوجيه الخاصه كان ما ظلمك معه وان كان عنده شي من ضعف جنسي يتعالج مافيها شي

وانتي من حقك الاولاد لان مرح ينفع الشخص الا الاولاد اذا اصلحهم الله وهم زينة الحياه
وهذا من حقك شرعي
لكن انتي حاولي تصارحينه بالوضع وانه مايصير كذا