قصتى المحرجه مع جارتى والتانغو
السلام عليكم اخوات بدخل فى الموضوع على طول عندى جارتى رحت لها مره واحده وكلمتها تجى يوم عندى ولاجات اعتذرت المهم مرات تبعت لى بالواتس وانا ابعت ليها المشكله انا جوالى مابيشتغل الايكون عنده ايميل وطبعا كان عندى ايميلى سجلته فى الجهاز عشان اقدر استعمله جوال معقد لمهم بعد فتره فرمت جوالى ونسيت الباسورد حق الايميل عشان كذا ماقدرت استخدم ايميلى تانى فاضطريت استخدم ايميل زوجى عشان اقدر استخدم الجوال يوم بتصفح فى جوال زوجى القى كل الارقام حقتى فى جواله ليه لانى استخدمت ايميله وظهرت كل الارقام عنده المهم قررت انى امسح الارقام من جوال زوجى لان كل الارقام اللى عندى ظهرت فى الواتس والتانقو اللى فى جوال زوجى من ضمنها رقم جارتى فى نفس اليوم الفجر دخلت على جوال زوجى فى التانغو ابغى امسح رقم اللى اعرفهم واولها جارتى المشكله:frown:بالغلط ضغطت على زر فى التانغو طلب بوضع صورتها الشخصيه اكيد اللى عندهم تانغو بتعرفو هذا الزر اللى انك بتبعتى طلب لفلانه انها تحط صورتها الشخصيه والفضيحه بايميل زوجى يعنى الحين هى حتفتكر زوجى هو اللى بعت لها الطلب وحتفهم زوجى غلط واانو بيشاغلها وحتكون عرفته من صورته اللى فى التانغو وهو مسكين ماليه ذنب الموقف مر عليه فتره وماقدرت انساه كيف اتصرف اطنشها واخليها تفهم غلط ولا افاتحها بالموضوع تخيلو شقه اخوها فى نفس العماره اكيد حتكون كلمته وحاكون وطيت راس زوجى فى العماره كلها لانها بالتاكيد حنكلم جارتها التحت لانها تعرفها مع العلم كلمت زوجى بالموضوع طبعا بهدلنى وقال لى اتمسكين جوالى تانى ونصحنى انى ماافتح معاها الموضوع يقول هو حتفهم انى بدراى عن زوجى هو غلط وانا كشفته وجاى اعتذر من تصرقه حيقول لى لو فتحتى معاها الموضوع حتفهم كذا ايش رايكم امشى بنصيحته ولا اسكت ولو انتو فى مكانى كيف حتتصرفون والله ماابغاها تفهم زوجى غلط ونحن جيران وهى طيبه وزوجها طيب ومطوع معليش طولت عليكم وكلامى ملخبط صراحه بقيت اخاف على زوجى من بعد هاالموقف