موضوعي لسنعات تكفن تكفن ساعدوني لا تخلني بروحي الله اسخر لكم ازواجكم

اهم شئ ذكر الله سبحانه وتعالى ،،،،،،،وفي الطب النفسي إذا الشخص غير مكانه أو سكنه ،،،يعطيه تفاؤل ويقبل على العمل ،،،عشان كذا نشوف الدول المتحضرة مثل الصين واليابان لأنهم يركزوا على هالجانب المهم ،،زين انك غيرتي مكان سكنك وهذا يعطيك دفعه إلى الامام واختاري لبيتك ألوان فرح فاتحه تفتح نفسك على الشغل بالبيت ،،،،،،وأول وآخر شئ الدعاء ثم الدعاء ثم الدعاء

الله يعينك يااختي..

كل ليله امسكي غرفه لين تخلصين منها

والسوق مليان منظفاات ... روحي السوبر واختاري الاسعار الي تعجبك ..

نامي بدري و اصحي بدري
اشتغلي ساعه او ساعتين و حضري للغداء و نامي و اصحي كملي اشغالك و اطبخي غداكي و اتحممي

المطبخ اغسلي اول بأول
البيت في البدايه كل يوم امسكي غرفه
بعدين ترتيب سريع اول بأول

ماشاء الله البناات ماقصروو

ياأختي اول شي البنات ماقصروا ماشاء الله
ثانيآ سوي تحليل شامل وخاصه الغده الدرقيه وفيتامين د وتريه يلعب بالانسان لعب اذا زاد او نقص المهم حللي يمكن الكسل هذا مرض لاسمح الله
ثالثآ بما انك ناقله لمسكن جديد المفروض تكوني بقمة نشاطك لان البيت توه والأغراض يمكن بسيطه او كثيره ماتفرق لكن أهم شي شغلي قرآن بالبيت وتذكري عيالك انتي ماتخافين عليهم من الأمراض زوجك زين ألي أختارك من بين حريم العالم مايستاهل انه يدخل بيته ويلقى عياله وأطفاله وزوجته بقمه النظافه , صدقيني كلنا نمر بمراحل نتعب فيها ونكسل ونكره الشغل لكن مو لدرجة اننا خلاص نحط في بالنا اني مريضه خلاص واني كسوله واني فيني كذا وكذا لا ياأختي شيلي الأفكار السوداء من بالك
انا الى ألحين ماتعدلت مره واقول الصدق اني بعض الأحيان ابكي من كل قلبي اقول ليش انا كذا واحس بتأنيب الضمير انا عندي بنت وخايفه عليه من انه تمرض من الجراثيم ومن أي شي وهذا ألي يدفعني اني انظف اكثر
شوفي اختي نامي مبكر علشان تقومين لصلاة الفجر وقبل النوم كبري وسبحني واستغفري ولا تنسين وصية الرسول الكريم لأبنته
المهم قمتي مبكر توضي وقبل تطلعين غسلي الحمام لو بمويه علشان يسهل عليك غسله بعدين ألمهم اطلعي وصلي وادعي الله انه يعينك ماحد بيعينك غيره سبحانه وتعالى أطلبي منه العون وتوكلي على الله روحي للمطبخ جهزي فطور عيالك اذا هم يدرسون واذا لا لو تجهزينه اذا قاموا مافيه مشكله وجهزي فطوره واكيد بتكونين نشيطه بهالوقت لانك نمتي مبكر المهم روحي لسريرك ورتبي المفرش ورتبي التسريحه وكل شي حايس رتبيه وصدقيني ماراح تطولين بغرفتك
روحي حطي ملابس بالغساله و وكنسي المكان ألي تجلسون فيه وهو بالعاده الصاله او المكان ألي يكون فيه جلستكم وتتغدون فيه المهم كنسيه وروحي للمطبخ وطلعي دجاجه او لحمه المهم جهزي للغداء وارجعي للملابس طلعيهم من المغسله وحطي غسله ثانيه وبهالوقت تكونين مجهزه من قبل خلطه مكونه من كلوركس شوي وصابون او العملاق وصابون او المهم او ديتول ألي يجي ثلاثه بواحد المهم وغسلي مغسلة اليدين واذا مانفع استعملي جف رشي وافركيه بمكنسه خشنه وتركيه شوي وغسليه بعده بمويه والأرضيه استعملي 101 روعه قوته مثل الفلاش افركيه واتركيه شوي وارجعي له بعد ربع ساعه وغسليه المهم طلعتي الملابس انشريهم ولاتنسين تفتحين نوافذ البيت تقريبآ بهالوقت بتكون 10 قومي عيالك ولبسيهم ومشطي شعورهم ورتبيهم وبعده حطي فطور لهم وروحي للمطبخ غسلي الصحون وكل شي تستعملينه بالفطور وبعده اعطي عيالك ألعاب او اشغليهم بحاجه على بال ماتطبخين الغداء ولاتنسين ترتاحين بعد ساعتين من الشغل كافئي نفسك بأي حاجه تحبينه مثلآ مسلسل او سوي لك نسكافيه مع قطعة حلى او كلمي أمك او أختك او شوفي عالم حواء وشوفي المواضيع ألي تحمسك للشغل
المهم غسل الملابس خليه يوم غسل ويوم لا الكنس للصاله يوميآ لانه مكان جلستكم وأكلكم فيها وسوي طريقتي
انا أحط لبنتي سجاده كبيره شوي بالصاله ونوعيته ألي تكون من تحت بلاستيك يعني اذا انكب مويه او حليب مايجي على فرشة الصاله زين واخليها تلعب وتاكل وتحوس بهالمكان واذا ملت وجت تنام بس اشيل السجاده وانفضه بالزباله وارجعه لمكانه واذا بيسير علي احد فجأه بس أشيله واكبه واصفطه واحطه بالمخزن او على كرسي المطبخ وبكذا تحافظين على نظافة السجاد
غرفة الحريم تنظف و تكنسينه وتمسحينه وتقفلينه وترفعين المفتاح فوق
وعودي عيالك انهم يساعدونك لو بحاجه بسيطه لو يجمعون الملابس الوسخه بالسله حقت الغسيل
واعجبتني طريقة وحده هنا تقول اخذ 3 كراتين او سلال المهم وتدخل للغرفه وتجمع بسله الملابس الوسخه وبسله كل الأوراق والأقلام وبالثالثه نفس الحاجه المهم وتكنس الغرفه وتمسح التسريحه او الطاولات وبعدين تفرز الأغراض ألي للزباله والي للغسل وكذا
واستعمل السلال او كراتين بترتيب أغراضك
ان شاء الله استفدتي من بعض أفكاري
الله يعيننا والله الشغل مايخلص