قلنا نتزوج ونرتاح قلقنا زود ، طلب استشارة

مرحبا ..


ربي يعطيكم العافية ويسخر لكم مثل ما تساعدون المنغثين مثلي

أول شي أنا عمري 23 وخطيبي 42
زواجنا مو تقليدي اخذنا بعض وحنا مقتنعين في بعض
هو صاحب تجربة وانا بعد وممكن هذا سبب خوفي إني اتطلق مرة ثانية !

المهم أنو اكتشفت ان الشخص هذا عصبي ! شخصية غريبة

حصل كذا موقف مني واعتذرت يرضى بعد عله ممكن لاني مو عنده للحين !

المهم أنو خطيبي جراح ومرات ياخذ بالعملية اكثر من 13 ساعة قبل اسبوع كنا اوكي وطلعت انا وياه وولدي كأول تعارف هذا الكلام الخميس اللي قبل اللي راح بعده نتراسل ومكالمات عادي من يوم الاحد غط الرجال ! ارسل مدري وينه كلمني الاثنين قال عملية قلت طيب وهيك كلام رسمي بعدها غط يومين ارسل ادق ما يرد طبعاً مو تحسبون ستين الف رساله لا مرة وحده ودقه وحده جا الخميس على اساس موعد طلعتنا الاسبوعي دقيت عليه كلمني برسميه انو ما اقدر اشوفك ومن هالكلام قلت خير اهم شي انت واسحب علي لين قبل شوي مع اني ارسله وادق دقيت قبل شوي رد رسمي مررره قلت له فلان اشتقت لك ما رد غيرت الموضوع قلت بخاطرك شي قال لا قلت اكيد قال اي قلت ليش هالصد اجل قال بيزي تغير الموضوع ورجعت قلت اكيد مو متضايق قب علي يهاوش انو اي لازم اكرر ستين الف مرة لا ما في شي ومن هالكلام قلت طيب هو سؤال لانو استغربت صدك ! بعدها جلست اسحب منه الكلام عن دوامه واهله وهيك قلت ما اشتقت لي قال الا بنزره خخخخخ مالت عليه قلت له ممكن اطلبك قال وشو قلت بشوفك قال مشغول قلت حاول عشاني قب علي يهاوشني لازم اعيد ما تفهمين من مره وحده !

للعلم دايم اذا كان بينا موقف عادي اجلس اعيد كل شوي لين ما يرضى بس مدري ليش قب بوجهي !


المهم خلال هذي السالفه انا وياه كان بينا موقف قبل فترة وكنسل اجازة دوامه حقت الزواج ولما قالي قلت انت ادرى قاهرني ، قالي من شوي انو الزواج خلاص بالصيف قلت الله يكتب اللي فيه الخير قال انتي قلتي براحتك قلت انت قد كنسلت وقضيت لما قلت لي ومن ذاك اليوم وهو كل شوي يذكرني كأنه منقهر اني قلت انت ادرى المهم بعد ما سكر ارسلت انو ياليت تتاكد من موعد الزواج لاني مرتبه حجوزات عليه عشان لو تكنسل عالاقل الحق على نص المبالغ دق بعدها يقولي انا ما حددت ! مع انه محدد ، وانا شاورتك اول ، مع انه ما شاورني ! ما ناقشته قلت له طيب



*** انا مصوره مسجات تحديد الزواج ، ومصورة لما قالي انا كنسلت بدون لا يشاورني ودي ارسلهم له بس خايفه نافض قلبي حسبي الله على بليسه


وش اسوي بالزبط دحينه

62 تعليق 9,529 مشاهدة

شاركي في النقاش

سجلي الدخول لإضافة تعليق.

التعليقات

61
  1. الله يجمع بينكم ان شاء الله بس عندي ملاحظة صغيرة ليش تلحين عليه وش فيك وش فيك خليه على راحته اذا يريد يحكي لك لوحده راح يحكي لانه رح يوالف هذه العادة و تتعبي معاه بعد الزواج و هو انسان دكتور و مثقف اظن هذه الاشياء تزعجه المهم لا تزعلي من تدخلي و لا تنسي تعزمينا في العرس
  2. @mgnon_shaaolty

    انااا اقولك وش تسوين بالزبط دحينه حبيبتي زوجك من النوع اللي يحب التغلي والدلع وهذا الشئ واضح عليه وصدقيني مايمشي زوجك الا الثقل والتطنيش وانك تسحبي عليه سيفووون
    خليه يابنت الحلال ليه تطلبين شوفته دام هو ماطلبهااا اثقلي شوي عليه واغلب الناس ترى مايحبوا تكرار الكلاااااااااااام يمكن انتي طفشتيه باسلوب زن زن زن زن ترى ماينفع هالشي غيري طريقة الزن هذي وان كان تقبلها منك مره والا مرتين ماراح يتقبلها
    انا انصحك اذا كلمتيه خليكي جدا عااادي ابرد ماعندك بس لاتقولين له اشتقت لي حنيت لي ماودك نشوف بعض خذيها قااعده الرجل يطفش والله يطفش من كثرة الزن واذا هو مشتاق لك بيقولك مشتاق يافلاااااااااااااانه وانصحك يااختي مو كل ماطلب شوفتك طرتي له نصيحه ترى كثرة الشوف تمل العين منه
    حتى اذا كلمك وهو معصب او متنرفز اجذبيه لك لاتسالينه ليش معصب ولاتسالينه اشفيك خليه سااكت سولفي واضحكي ونكتي وكنك ماتدرين عنه واذا قالك شئ قولي ابشر ابشر ابشر
    كذا بتخلينه ينطم ويستحي على وجهه ويجي هو يعتذر منك ع اسلوبه الخايس معاك

    موفقه
  3. @alyza_1

    والله ياقلبي عيدي حسابتك في الزواج منه
    انتي مطلقه وعندك ولد وواكيد ماتبين تتطلقين مره ثانيه وكمان يمكن يكون لثمرة زواجكم بيبي جديد
    خليك من الحجوزات الان وفكري من جديد واستخيري
    انسان مثل هذا صعب التفاهم معه
    خصوصا انه المواقف اللي بينكم عاديه وامور تافهه وزعل وعصب بالشكل هذا
    الله يكتب اللي فيه الخير لك

تابعي تجارب أخرى من هذا القسم.