لقاء الأحبة *3*

بالسلامة أميرة، و إن شاء الله تكون طريقك مسهله و ربنا يحفظك،،،
و ما تنسينا من دعائك الجميل،،و طلطلي يا قمر

فلسطين يا أختي.. سلامتها شهودة وربنا يطمنك عنها يا رب..

نوني.. والله نفسي نقعدلنا لو ساعة عالمسنجر صبحية زي زمان.. بس زمان أول تحول..

ما بصدق أضبلي كم غرض والولد نايم.. وبس آجي بيكون البيبي تبعك قرب يشرف وبيحرمنا الجمعة الحلوة.. تقومي بالسلامة يا رب.. وطمنيني دايما..

إيمان حاسة فيكي بالرحيل والله.. أنا كان عندي تعزيل قبل يومين حسبت ألف حساب للرحيل يا بييييييييييي.. يا رب ترتاحي بالبيت الجديد وتوصل أمك بالسلامة ويهدى بالك يا بنتي..

نونو.. شو هالمواضيع الخلاقة هاي.. من زماتن أنكشي عشان نعرف المبدعات اللي عنا..
ماشاء الله طلعتو مش قليلات.. والله الواحد بيتحمس يتعلم أشياء أكتر وبياخد أفكار..

بالنسبة لهواياتي..

أنا من لما كنت بالمدرسة كنت أتفلسف بالخياطة بس لألعابي.. وهلأ بح..!
بعدين بالمرحلة المتوسطة تعلمت الورد السيراميك كان موضة أيامها.. أبدعت فيه ولسة أشغالي ببيت أهلي شاهد..وماما بتستعرض فيهم دايما.. هدول شغل بنتي.. إحم إحم..

بالجامعة توقفت الإبداعات والهوايات.. جفااااف..

بآخر فصل .. بتذكر قلتلكم تعلمت المكياج بصالون عند وحدة بحارتنا.. والحمد لله بتقنه يعني ما عملت ميك أب بصالون غير بحفلة الوداع وبعرسي.. حتى بجاهتي و حفلة خطبتي أنا عملته..
وبعدني ما كتبتلك شي يا عنودة.. والله حقك عراسي كنت ناسية بس هلأ ما معي وقت.. بلكي سناء بتخدمك وبتفضل علينا..

بعد ما تزوجت وقبل ما أحمل.. تعلمت المساج والتدليك الذاتي.. طبعا عندي هالهواية من زمان.. بس قرأت فيها كتير وبدور على كل جديد وبتعلمه.. وكتير بستعمله.. لحالي.. لأبني .. لزوجي.. ولأمي الله يشفيها لظهرها.. وكنت أعمل لستي علاج طبيعي فترة أسبوعين بعد ما صابتها جلطة.. والحمد لله رجعت تحرك إيديها منيح..

من الأشياء اللي تعلمتها بحكم العشرة مع زوجي.. فك وتركيب ما يتعلق بالكمبيوتر من إكستنشنات(كل الأسلاك اللي ورا.. طبعا مش بس 3-4 أسلاك.. لو تشوفو جهازي بتفكروه مقسم تبع بريد من كتر الأسلاك فيه يمكن 20 وصلة وسلك.. من ضمنها.. فيديو.. و(طابعة وفاكس وسكانر)
تعلمت كيف أحول الفيديو ل CD .. والعكس كمان.. وتعلمت مونتاج الفيديو ومونتاج الصور.. بس مش بالفوتو شوب.. (جاري البحث في سبل تعلمه)..
ما بتتخيلو كيف تعلمت.. زي ما قالت نونو.. لحالي بدون ما أحكي لحدا .. وأحلى شعور لما بفاجئهم بنتيجة شغلي والكل بينبسط لأنهم مش عارفين إنه شغلي أصلا..

يعني الصور اللي تعلمت فيهم .. صور عرسي.. والفيديو كمان تبع عرسي.. عملت فيهم حركات لهلأ مش عارفة كيف عملتها..
والأحلى من هيك لما إجا إبني.. صورته من أول يوم فيديو بالمستشفى وضليت أصوره لحد ال3 شهور عملتله فيديو بمونتاج بيجنن بعتناه لسلافي وإخواني عالأردن طار عقلهم فيه.. وعملتله كل 3 شهور مع بعض بCD.. وآخر شي عملتله عيد ميلاده على CD طول النهار مجنني بده أشغله إياه عالتزون(التلفزيون) بده يثوف الببو..

آه صح ونسيت كمان هواية تزيين الضيافة(التوزيعات) تعلمتها بضيافة إبني لما ولدت.. جبت قماش وألعاب وحلو وعملت سلة بتجنن عملت ضيافة ولادتي بإيدي.. ومحتفظة ببعضها لهلأ والأحلى من هيك.. حطيت عليها صورة إبني بعد ما ولدته بكم يوم..

ورجعت عملت ضيافة بعيد ميلاده وحطيت صورته مع دعاء..

هادا غير هواية الطبيخ والنفيخ.. بطبخ مكسيكي-روسي- إيطالي-تركي يعني طبق أو طبقين من كل بلد بعجبوني بعملهم كتير طيبين..
طبعا بالإضافة لكل طبايخنا العربية بكل الجنسيات.. حلو مالح حامض.. شو ما بدكم أهلا وسهلا.. زوروني وجربو..!!

هادا اللي متذكرته هلأ وبتمنى ربي يفتح علي ويصير عندي وقت أحفظ قرآن لأنه هادا هدفي القادم وبتمنى ربي يعينني وأحققه..إدعولي
كنت حافظة جزء عم وجزء تبارك.. هلأ حتى عم .. صرت أنسى منه.. يا رب لطفك..!

تسلمو يا زينة المنتدى .. عنودة وزهورة..

ربي لا يحرمنا هالطلة الحلوة .. وبحاول أطلطل من عند أهلي بس أسافر..

يا رب يجمعنا دايما على خير ولا يفرق شملنا..

تسلمي أميره خجلتيني،،،
كلك ذوق، و إن شاء الله توصلي بالسلامة،،،

السلام عليكم :)

كيفكم .. ان شالله طيبين

ايمان حبيبت قلبي يسلمووو والله القلوب عند بعضها وان شالله يجي يوم ونشوف بعض علي الواقع :(
والله ياومك في السلامه ولاتنسي تدعيلي :(

اميره تروحي وترجعي بالسلامه ... والله يعينك علي السفر شو ممل وخاصه الطريق اوووف وبهذا الحر ... بس احيانا بتكون ممتعه <<< خفت اهبط عزيمته بس انا اكره السفر لمسافات طويله ومو بس السفر وكمان المشاوير الطويله بحب اضل في البيت اسبوع مااطلع ولا اطلع مشوار وبعرف اني رح انبسط فيه بس الطريق طويل لاوصله :42:
وتروحي وترجعي في السلامه

زهره كيف صحتك اليوم

عنودتي كيفك ياعروس قوليلنا جهزتي جهازك او لسه ....

نونو موضوعك حلو ... وان شالله اليوم بجاوب عليه

فلسطين كيف شوشو اليوم

سنا كيفك

واوشا كيفك

وكندا كيفك وشو عامله في هذا الشووبات

وهيك ماخليت حدا في ذمتي ومسيت علي الجميع

وهلاء بدي اروح اخذ لفه في المنتدي ... بس خايفه اضيع :(


سلام