مرحبا بنات
أكيد فيه كثير منكم أمهات و ربات بيوت فأكيد منكم اللي لها خبرة بالأطفال
أنا عندي بنت عمرها سنتين و شهرين و هي بكري ولا عندي غيرها
فيها عادة غريبة كرهتني فيها لدرجة صرت ما أرحمها على كثير مواقف عقب ما غلاها كان معشش بقلبي
فرحت فيها و كنت أتأمل تكون لي البنت الصديقة اللي أفتخر فيها و أحبها و تكون متعلقة فيني
لكن للأسف بنتي يوم عن يوم أكتشف إني آخر وحدة بالدنيا متعلقة فيها
و الله يا بنات قايمة فيها و مدلعتها و ما أنومها إلا بحضني وجنبي على الرغم إن زوجي طفش من نومتها على السرير معنا
لكن قلبي متعلق فيها و أرحمها ما تنام إلا انا خامتها
تدرون وش اللي حرق قلبي و قهرني
إنها صارت عند الناس تروح لهم و تجلس معاهم و تتركني
يعني قبل كم يوم كنا بالحديقة أنا و رجلي و بنتي
قامت من جلستنا و راحت قعدت مع عايلة ثانية و صارت تقلط معهم و تجلس معاهم
و كمان موقف كنا جالسين بصالة انتظار بمستشفى انا و زوجي و بنتي
تخيلوا قامت من بيني و بين زوجي و راحت قعدت بين حرمتين و راحت تحبهم و تخمهم
اليوم أنا بالمستشفى و كنت بالانتظار و مقعدتها بحضني
شوي إلا قامت من حضني و راحت عند حرمة ثانية و قالت لها بنتي خميني و خمتها الحرمة و حطتها بحضنها
يعني تخيلوا بنتي تقوم من حضني و تروح تطلب الحضن من حرمة ثانية
اليوم بالانتظار تتنقل بين الحريم تبيهم يشيلونها و تحشر نفسها بينهم وفيه اللي طردتها
انقهررررررت من بنتي ولا كأني تعبت ولا أعطيت و لا رحمت
أشوف كل طفل متعلق بأمه و بنتي تصيح ما تبيني ... ليه ؟!!!!
شئ طبيعي أو لا ؟
و ترا نفس الشئ مع أبوها لا صارت رايحة مع أبوها تبي الناس الغرب ولا تبي أبوها
ليه طيب ؟
أحتاج نصايحكم و خبرتكم يالأمهات اللي عندهم أطفال لأني بديت أفقد تعلقي ببنتي
الله يصلح لكم النية و الذرية
شاركي في النقاش
سجلي الدخول لإضافة تعليق.
التعليقات
22- ووواه يازينها الله يخليها لك سنتين لسى صغنونه تبكي تكتشف الناس والعالم اللي حولها شوي بس تكبر راح تفهم ماعليك ﻻتخافي اغلب الاطفال كذا
- لا حبيبتي عادى طبعا انا بنت بس اعرف صغار زي بنتك لزم يزورون الناس ويحبونهم بس انتي ابدي خذريها وخوفيها لان اخاف عليها احد يشيلها وهي ماتدري بس هي طفلها تحسب الناس كلهم زي امها وابوها
- والله انا أشوف الوضع عادي الأطفال يختلفون
في منهم من يشوف الناس لو تناظرينه بس جلس يصرخ تقول مقروص
وفي أطفال يتقبلوا الغرب تقول متعشي معاهم
ياشيخه أريح لك مو احس ما تروحي مكان وجلست تصارخ من الخوف :07: - مكبررره الموضوع جداً .. حاطه عقلك بعقل طفله سنتين .. بنت اختي كانت كذا تسحب على امها وابوها بالحدايق وتترزز عند الناس وتسلم عليهم .. وبالجمعات والعزايم ما تستوحش من الحريم بالعكس تبوس ذي وتضم ذيك ..
هي طفله ومستمتعه بحركتها وانها تمشي وتروح ويمكن تكون محبوسه بالبيت ما تشوف احد غيرك انت وابوها .. واول ماتطلع تستغل الفررصه ..
وحركاتها من برااااءه لا تقسييين عليها صغيره ولا تعرف الصح من الغلط المهم راقبي حركاتها وانتبهي لها من الناس .. وتبقى قطعه منك وبتكبر بحول الله وتفهم وتصاحبك .. - حرام توووها صغيره انا يوم قريت العنوان قلت بنت تفهم
عندي ولدي كان نفس الشي ومرات أحس باحراج
اتوقع هالتصرفات لانها مقابلتنكم 24 ساعه ويوم تشوف ناس ثانيين تروح عندهم
انا ولدي قلتلج كان جي بس مره سافرت عنه وخليته عند أهلي
والله من يومها مايفارقني لو ادخل الحمام
شي طبيعي الطفل الاجتماعي يحب يترزز بين الناس
وايد صادفتني مثل المواقف
مواضيع مشابهة
تابعي تجارب أخرى من هذا القسم.