ليتك تعاتبني واعرف شنو ذنبي .. موضوع للنقاش

@slah_almaarfh

 


ليتك تعاتبني واعرف شنو ذنبي .. موضوع للنقاش




●●●

السلام عليكم ورحمة الله وبركاته...

بصراحه حابه اطرح موضوع وابي رايكم فيه ..

اذا عندك شخص عزيز عليك حيل وعلاقته فيك قوية .. وعايش معاه بالحلوة والمرة ولما تقعد معاه ويجي يوم الا تلقى الشخص اللي تعزه

متغير عليك ومعاملته مو مثل كل مرة ولما تسأله يقولك ماكو شي ولما تصر عليه او تمر الايام وتسأله يقولك انا شايل عليك اشياء وااجد وانا

ماكنت ابي اقولك علشان مااعاتبك ولا اضايقك ولا اقسى عليك .. ولما تسأله شنو الاشياء اللي شايلها عليك يقول مدري ناسي وانا ماابي

اعاتبك لانك عزيز علي .. وانا اشيل وانسى ثاني يوم .. ولو اشيل عليك كبر حبة العيش مااقولك .. ويجي يوم وينهي كل شي بينكم وانت

ماتدري شنو السبب ولما تسأله ليش يقول مدري .. اشياء واجد

شرايكم بهذا الشخص ..؟؟

وشنو موقفكم ؟

وهل تعتقدون ان الشخص لاصار عزيز عليك ماتعاتبه وتشيل بقلبك وتسكت وماتعلمه بخطأه اذا خطأ؟

ولاتعاتبه علشان ماتخسره ؟؟

ابي رايكم بصراحه

17 تعليق 2,467 مشاهدة

0 0

شاركي في النقاش

سجلي الدخول لإضافة تعليق.

التعليقات

14

  1. @mshaaar_dafyh_6

    انتي متاكده انها زعلانه عليك امكنها مو زعلانه وفيه ناااس يحبون السكوووت احيانا
    باالنسبه لسؤالك انا من النوع الصريح يعني اقول للي زعلني ليش زعلت منه بس احيانا اذا صارت السالفه تافهه والشخص هذا حساس واخاف على شعوره مااقوله

  2. @candy_11

    فيه ناس هذا طبعهم
    انا طبعي اذا احد زعلني سواء غالي علي واحبه او مااحبه
    مااوضحله ولااناقشه اقعد زعلانه ممكن شهر كامل
    ولااكلمه ولاكأنه فيه
    طبع شييييييييين شييييين ويتعبني بس مااقدرت اغيره :(
    لين يمل الضحيه :( ويجي يعتذر ولازم عذر قوي لين ارضى
    مع ان قلبي ابيض وطيبه بس مدري ليش هالطبع الشين

  3. @doomh

    حبيبتي اللي تحسيه بدا يبعد لاتحاولي تتعذري وتلحي لمعرفة الاسباب اللي يحب يعاتبك ويكمل معك عادي مايشيل في خاطره كل شي 

  4. @sdym_aabdalaazyz

    وعليكم السلام ورحمة الله وبركاته
    العتب صابون القلوب .. لو عزيز تغير علي بسأله ايش السبب واذا تهرب من الاجابه اوقال مافي شيء واستمر علي تغيره علي بأقول له مع السلامه هو من طريق وانا من الثاني

  5. @taabt_agaml_bdhkty

    الناس مو مثل بعض
    انا اذا زعلت أصير على الصامت وما أتكلم مع أني بداخلي أتمنى عشان ارتاح
    ويبين عليا لآني أصير رسميه واختصر ورضاي صعب
    مع أني طيبه وحنونه بس هالطبع شين ومتعب لي كثير

تابعي تجارب أخرى من هذا القسم.