اختي الكريمة
الزواج هو اثنين مايعرفون بعض وفجأة انفرض عليهم يعيشون مع بعض وياكلون مع بعض ويسمعون بعض وينامون مع بعض ... مو بس يوم او يومين .. لا .. كل العمر
وكل شوي يتفاجأ واحد فيهم بالثاني
حتى يتعودون على بعض
واكثر الدراسات تقول
انهم مابيتعودون الا بعد 10 سنين
ولذلك يكثر الطلاق دايم خلال العشر سنوات الاولى من الزواج
ويكون الطلاق نادر جدا بعد العشر سنوات من الطلاق
لاتقولين يمكن عشان الاطفال
لا
بس لان كل واحد فيهم تعود على الثاني
الرجال زي النساء انواع
الرجل اللي كان في صغره مدلل وكل طلب يلبونه اهله
بيكون كذا بعد الزواج
يعني في نظره يقول معقول امي ماتقول لا وتيجي هذي تقولي لا
وهو تربى على هذا الشي
يشوف امه مسالمة مع ابوه وطيبة وماتعارضه ومنكسة راسها
كمان يبغى زوجته نسخة طبق الاصل من امه
بل انه احيانا يقول يبغى الكبسة مثل كبسة امه والملوخية مثل ملوخية امه وهكذا
وفي رجال الله يسلمك بعدهم عايشين الصدمة
صدمة الزواج
لانهم افتقدوا حياة العزوبية وحسوا بالارتباط
وصاروا يطلعون حرتهم في زوجاتهم لانهم بنظرهم هم السبب في هالسجن اللي عايشينه
وفي رجال طال عمرك يشوف الدشوش ويشوف جوليا روبرتس ونيكول كيدمان وجنيفر لوبيز
وبعدين يلتفت يلاقي جنبه ( حصة) عسى مافي وحدة في المنتدى اسمها حصة :42:
المهم ويقارن بينها وبين ذيك التماثيل البشرية واللوحات الرسمية
وتنفقع مرارته
ويقول في نفسه انا وش ورطني هالورطة
ضااااااااااااااااااااع شبابي ياويلاه
يتكلم كأنه ملك جمال العالم وهو الشكوى على الله وزين من بنت الناس انها قبلت فيه
وما بتروح نوبات الصرع هذي الا بعد فترة
لما تبدئين تجيبين اطفال ويكبرون وتنشغلون فيهم ويصيرون هم محور حياتكم وسبب سعادتكم
انتي اش تسوين الحين
خلاص انتي نصيبه وهو نصيبك
مثل ماقالت المغرورة بحبك ولا يهونون باقي الاخوات
امتصي غضبه وقوليله طيب في كل شي
وفي نفس الوقت طالبي بحقوقك شوي شوي
ولاتطلبي منه تروحين تتمشين
لا
جهزي نفسك للتمشية وجهزي القهوة والاغراض وحطيه امام الامر الواقع
اذا مانفعت هالمحاولة هالمرة بتنفع المرات الجاية
وغيري من شكلك وقصتك ولبسك
وعيشي حياتك
ولا تخلين اي شخص بالدنيا يكون هو سبب سعادتك وشقائك
الله يجمع بين قلوبكم في خير
ابغى مفتاح شخصيته
متابعة النقاش، صفحة 3