السلام عليكم
سبحان ربي اليوم طرى على بالي اسوي معجنات لذيذه اخذها معاي لبيت اهل زوجي لان عازمينا ع الغدا وجلست من الصباح ضبطت الدجاجه ونظفتها وغسلتها وحطيتها ع النار وعجنت عجينتي بحافظه وحطيتها على دفاية الزيت عشان تخمر زين واذا نص ساعه وابو عيالي توضأ طالع بيصلي الجمعه بالمسجد تو نزل الا طفى علي الكهرب وفرني كهرب ما مداها تستوي الدجاجه
اتصلت عليه حاطه ع الصامت عشان ما يزعجه بالصلاه
قلت خلني اصلي واجهز البصل والجزر عشان بس يرجع الكهرب احمس الحمسه واحشي العجينه
فعلاً جهزت الخضر وقطعتهم ورحت للعجينه بشيك عليها واجهزها للاستعمال
تو رفعتها الا تزلق الحافظه من يدي وتطيح العجينه ع الارض ووتعرفون عجينه لقطت اوساخ وبعض الشعيرات من الارض
قلت بيت عمي ما لهم نصيب يجربون معجناتي والحمد لله على كل حال
جمعت العجينه وحطيتها بكيس وتخلصت منها ونظفت الارضيه وتجهزت رحنا للغدا بدون طبق
حظ اوفر ان شاء الله بالمرات القادمه
شاركي في النقاش
سجلي الدخول لإضافة تعليق.
التعليقات
5- بالتوفيق
- يا حياااااتي
اننننقهر كذا اذا كنت متجهزة بسوي شيء ويخرب
بس ان شاء الله خيره
فيه موقف للآن مانسيته
صار لي وانا صغيرة بالمتوسط
كان بيجي لنا ناس
فسويت كيك
وماكنت متعوده على بيتي كروكر
فيوم زان وبرد
قلبت القالب
ولأنها هشه انكسرت الكيكة
والله احباااااااااط الى الحين اذا تذكرت الموقف انقهرت
صغيرة ومتحمسه بسوي شيء ويخرب - سبحان الله مالهم نصييب فيها
خيره بغيرها - الله يعوضهم باكله حلوه من ايديتك
وخيره بغيره - ياعمري علييييييييييييييييك
مرة أحس بإحساسك لما أشتط وأبي أسوي شي ويخرب والا تتجمع الظروف ضدي على قولتك
الحمدلله على كل حال وخيرة من الله
لكن اذا تبين نصيحتي لا صرتي معزومة خذي معاك حلا جهزيه من الليل حلا ينفع يجلس من اليوم اللي قبله بالثلاجة او حلا قهوة وممكن تسوينه بكاسات او علب كشخه وغلفيه عدل وخليه لثاني يوم
وتفرغي يومها لكشختك
مواضيع مشابهة
تابعي تجارب أخرى من هذا القسم.