تجمع خاص جدا جدا لكل وحده كان شعرها عادي وصار كثيف بعد العنايه اوشعرها خفيف و

للرفع ..

بنااات اشرياكم اخلط الروب مع الثوم بالخلاط ؟؟

لأن اذا خلطته بروحه يصير وايد قوي واذا خليته بس يغلي مع ماي على النار احسه وايد خفيف ، والطريقتين اثنينهم يخلون شعري جاف شوي مع ان شعري الحمدلله فيه لمعه ومو جاف

ف افكر اخلطه مع روب عشان يصير مو وايد قوي وبنفس الوقت عشان الروب يطري الشعر..


وفي خلطه ثانيه وايد حلوة لقيتها بس قلت اخذ رايكم .. وهي 5 ثومات، جرجير ، وجوز هند بس طبيعي يعني اكسره واخذ الي داخله واخلطه مع الثوم والجرجير ..

miss daragh اشرايج فيها ؟ عشان تفيدنا اكثر .. لأن الجرجير وجوز الهند الطبيعي وايد زينيين حق الشعر.. وبنفس الوقت تخف الريحه..

وبنداوم عليها نفس الشي اول شهر كل يوم وثاني شهر يوم وترك، والي بعده مرتين بالاسبوع.. والشهر الثالث مره بالاسبوع وباقي الايام زيت برشووت..

لأن عندي اختي مسكينه وايد شعرها خفيف ومشكلتها ماتداوم على شي، بس .... نهايه السنه راح يتقدم لها وقلت لها لازم من الحين تهتمين بشعرج واهيا متشجعه وانا قلت بسوي معاها هالخلطه شان تتشج :)

والشامبو طبعا راح نستخدم السدر ، لأن الخلطه مافيها زيت يعني ماتحتاج حق شامبوو ..

انشالله اليوم راح اقولها عنها ومن باجر او الي بعده نستخدمها

اخواتي شكشوكه مالحه
واموت بحبيبي
اتمنى احد يفيدنا بخصوص استفساراتكم

بنات يلا خلاص لووول ادري دوختكم بس اخر شي وصلت له هو :

قلت حق اختي عن الخلطه والحمدلله اقتنعت فيها واهم شي اقتنعت انها لازم تدوام عليها.. وانشالله باجر نروح نشتري جوز هند وسدر..
وهذا برنامجنا الي بنمشي عليه انشالله :

- الخلطه : جوزة هند ، 5 ثومات ، جرجير ..
- الشهر الاول : نخلي الخلطه كل يوم ( 7 مرات بالاسبوع )
- الشهر الثاني : يوم وترك ( 3 مرات بالاسبوع )
- الشهر الثالث : مره بالاسبوع وباقي المرات الي بنغسل شعرنا فيها راح نخلي زيت برشوت
- الشامبو : السدر

بعد الثلاث شهور طبعا راح نوقف الخلطه هذي، بس السدر ماراح نوقفه لأن راح نوقف الشامبو الي عدم شعرنا ونستخدم بداله السدر على طوول :)
وراح نستخدم زيت برشوت يعني قبل كل غسلة شعر او 3 مرات بالاسبووع :)

وعن سبب اختيار هالخلطه : اهم شي ان فيها الثوم والجرجيير لأنهم من بعد فضل الله سبحانه وتعالى اهم الي يخلون الشعر ينبت ويقوونه .. جوز الهند لأن ماشالله يعطي كثافه ويطول وينعم ويلمع .. وجوز الهند راح يكون طبيعي احنا نكسرها وناخذ مايها واللب الي داخلها ..
والسدر لأن خلاص لي متى نستخدم الشامبو الي يحرق شعورنا :( وبعدين الخلطه ماراح تكون دهنيه عشان نستخدم شامبوو ..

وعن الريحه راح نتحملها بالـ 3 شهوور، بس نفكر في طريقه لها .. في طريقتين عطوني رايكم :
1- نحط جلي مع السدر : فايدته حق الي مايعرفها اول شي الريحه حلوة، وثاني شي لأنه يفيد الشعر لأن يحتوي على الجيلاتين ويعطي كثافه حق الشعر..
2- ان نستخدم بخاخ زين الاتات الي قلت لكم عنه..

انتو شنو رايكم عن الريحة ؟؟

يالله بنات انشالله يوم الجمعه او السبت راح نبتدي .. من تبدي معانا انا واختي ؟؟

والله ينولكم الي في بالكم انشالله :)

هــلا أختــــي الغالية missdragah
جربي شامبو ميتال الأندونيسي (( بالحلبة الأبيض وغطاه أحمر )) + خلطة أنا قريتها في المنتدى بس ما أدري مين كاتبها كانت عبارة عن ( زيت النارجين + سابلة + ماسكه + ساق الحمام )
وأستمري على الحنه والله ما في مثلها تخلي الشعر مع الإستمرار أسود والشعرة قاسية ولامعة
أنا بصراحة كل أسبوع أحني شعري والزيت أستخدمه يوم ويوم لا وتعالي شوفي الناس الكل يقول وش تستخدمين لشعرك ....
وأتمنى إنك تدعين لي من كل قلبك
تحيــاتـــــي
:26: :26: