°ˆ~*¤طيـر الفرح غنا وبديارنا عـلا..ملف التباشير الثالث مواليد يناير وفبراير2014¤*~ˆ°

متابعة النقاش، صفحة 75

شاركي في النقاش

سجلي الدخول لإضافة تعليق.

التعليقات

2,000
  1. @may_fyotshr

    غروب الشرقية
    صباح الخير لا حول ولا قوة الا بالله رجع قفل الرحم لين 2 كنت تعبانة من امس الى اليوم حتى بولدي الثاني ما تعبت كذه كنت اشهق من قوة المغص توقعت يكون 5 او 6 لما كشفت قالت بس 2 قلت امس وصل 3 تقريبا قالت والله ذه اللي بين لي يارب يا كريم فرج لي …
    اللهم فرج كربتك وييسر ولادتك ونفسي وجميع الحوامل
  2. أهلين وسهلين
    رب أوزعني ان أشكر نعمتك التي أنعمت علي وعلى والدي و أن أعمل صالحا ترضاه و أصلح لي في ذريتي إني تبت إليك و إني من المسلمين الحمد لله ولدت البارح جبت ولد.. ولله الحمد من قبل ومن بعد في الاولى والاخرة 
    الله يبارك فيكم ويسلمكم شكرا لكل من بارك ودعا الله يتقبل ويكتب لكم بالمثل...    
    انا قصتي بدت من يوم الجمعة الصباح  صار فيه جماع  وتروشت بمويه دافيه وشلت شعر المنطقه من فوق بالمكينه بس ماقدرت اكمل ودهنت الحوض بالكريم الحار اللي يشبه الفقس بس كثير حر جلدي وغسلته بالصابون والمعقم ديتول حق اليد وبالسدر يالله خفت حرارته وحسيت بتانيب ضمير لايكون صار للبيي شي  ولما جاء الليل صرت امشي وادور في اكثر من مكان وحسيت اني اجهدت ذاك اليوم واخر الليل بعد ماخلصت حمام تكرمون نزل معي افرازات غليظة معهاادم احمر على وردي شكيت هل هو سداده ولا لا.. السبت ماكان فيه دم مع الافرازات ورجع كل شيء زي ماكان تقريبا ورحت لاهلي وقعدت اشغل نفسي بتجهيز اغراض استقبال المستشفى ..وكان التحجر والشد يجي ويروح مافيه شي ثابت..الاحد قلت لزوجي استعد يمكن اليوم اطلعك من عملك خلي بالك من جوالك لكن ماحصل شي .. لكن في الليل رجعت لي الافرازات الغليظة لكن هالمرة مخلوطة مع دم اغمق على بني تقريبا .. يوم الاثنين كان فيه طلوق متباعدة غير منتظمه والمها متفاوت ومحتمل بس ماتعرفين وش تسوين بنفسك وكيف تقضين باقي وقتك..حجزت موعد يوم الثلاثاء الصباح مع دكتوره ناديه في حبيب التخصصي ورحت سويت تخطيط لنبض الجنين وحركته وكنت اقول للممرضة اني حاسه بطلوق حطي لي جهاز التخطيط اللي يحسب الطلوق يمكن اولد في الليل قالت بسال الدكتوره .. لما خلصت ودخلت ع الدكتوره وكانت مستعجله عندها عملية قالت باكشف عليك من تحت اتاكد ولما كشفت فزيت ماكنت مستعده نفسيا لهالنوع من الكشف فتعبني شوي قالت مافيه شي روحي البيت ما انفتح ولا سانتي احبطني كلامها لاني كنت مفكره انه مع الام الطلق الي احس بها من فتره يكون اقل شي فتح ولو سانتي ..المهم قالت ارجعي البيت واذا انتظمت الطلوق ذيك الساعه تعالي .. طلعت منها محبطه بس الافرازات والدم  مستمره معاي وفي زياده .. رحت مشيت في الوادي اغير من نفسيتي المكتئبه بشوف اثار المطر بس كانت الطلوق اذا جت تشغلني شوي رجعت العصر ولبست حفاظه عليها منقوع حلتيته ونمت وقمت  قبل اذان العشاء بشوي يالله لحقت ع المغرب ثمن العشاء وبعد العشاء سويت حليب بالقرفه وكمون وبدت الطلوق تتواتر وتشتد وزوجي مو عارف كيف يتصرف معي وهو يشوفني بالغرفة احوس بنفسي واتوجع وياساجده يا قايمه يا افرك بالارض يامتسنده ارفع نفسي  عن الارض واول ماتفكني الطلقه اقرا على نفسي وانفث   ودهنت بزيت الزيتون بالحبه السوداء بطني وظهري ووجهت مقفاي للدفاية وحسيت الدفايه الحمدلله تساعد في فتح الرحم .. بعدها زوجي تعب مني ونام  وانا قعدت  اشرب زمزم واقرا قران ايات من سوره الفتح ومن سوره مريم ومن سورة الزمر و افتح بسرعه المصحف والقي نظرة اذا فيه ايات ممكن المعنى يأثر في وضعي اقراها  وايات اتذكر انها مكتوبة في ورد الولاده الى ان وصلت اول غافر وخلاص الطلق حمى لدرجة المشي صار يتعذر الا بصعوووبه بعدها خلاص ماقدرت اتحمل قلت لزوجي يشغل السيارة ويركب ولدي الكبير كان نايم وبسرعه ركبنا وانا طول الطريق يا افتش يا اتغطى انفاسي اسحبها واتشهد واذا مسكتني الطلقه ماعاد اعرف افرد حوضي ع المرتبه .. كانت الساعة 11 ونص تقريبا والشوارع نوعا ما معقوله زحمتها بس الجو كان باااااااارد المهم ماصدقت اوصل المستشفى باب الطواري واركب العربيه وبسرعه ع غرفة الكشف في البدايه كان الكل مشغول عني وانا مدري وش اسوي بنفسي ابن ادم ضعيييييبف واالحمدلله شوي جتني ممرضة جابت لي سرير وجت  دكتوره هنديه مناوبه وقابله شاميه وصاروا لاهين يشبكون فيني خرابيطهم ويستجوبون معلومات مني وانا شي اقدر اجاوبه وشي لا من التعب  مدام فيه سكر فيه ضغط  فيه ولاده قبل كيف ولاده قبل  فيه دم فيه مويه متى يجي مويه كثير ولا شوي الخ الخ من الاسئلة والاستجوابات يااااه الله يثبتنا عند السؤال لما يحطونا حبايبنا في قبورنا.....الي حصل بعد كذا انه تبين بعد الكشف ان الرحم مفتوح الى 7 سم الحمدلله وقعدت في  الطواريء اتلوى من داخلي من الالم واحاول اتذكر شي عن السيطره على التنفس شيء اتذكره وشيء لا بس مافيه مثل الالتجاء لله لا اله الا الله الواحد الاحد الفرد الصمد الذي لم يتخذ صاحبة ولا ولد .... فعلا تشوفين بعينك ان كل هلتجهيزات والطاقم الطبي ماتنفعك مقدار ذره الا برحمة رب العالمين .. تشوفين من حولك كيف الحياة تمشي وانتي في عز تعبك تسمعين من يسولف عندك ويضحك وكيف ان الحياة مارح تتوقف عليك سواء متي او حييتي وان من عمل صالحا فلنفسه وان احسنتم احسنتم لانفسكم مواعظ كثيييييره تجيك عمليا في لحظات بسيطه لااله الاالله  .. بعد كذا وصلت اني اطلع صوت الزحر فالقابله والممرضات لما سمعوني خافوا قالوا ولاده ويرجعون يخلوني ارقد على جنب ويخلوني اسكر رجولي ويغطوني بالشرشف ويجروني بين الممرات والمصعد لغرفة الولاده ولما يسمعوني ازحر يقولون لا يامدام لاتدفعين انتظري لما نروح بك غرفة الولادة ونجهزها لك .. طبعا في ذاك الوقت مو بالامكان مراعاة مثل هالطلبات..بس الحمدلله بسرعه دخلت غرفة الولادة وتجهزت بسرعه وبدت مرحلة الدفع راس الجنين وهي اصعب مرحلة وتحتاج طاقه وجهد وقوه ونفس دفع قوي يندفع مثل الية دفع البراز بس على اقوى واطول ويبي لها صبر وطولة بال وقوة تحمل وسيطرة ع النفس وتوجيه الصوت داخل الجسم وعدم تضييع طاقته في الصراخ وضغط الجسم على اسفل والراس والرقبة على اسفل وقت الدفع وقت ماتجي الطلقة .. هالامور كلها كنت اضعف من اني اقدر عليها خصوصا ان عندي نسبه الهيموجلوبين والحديد ناقصه وهالاشياء لها دور في دعم التنفس واعطاءك طاقه  فلما لاحظوا هالشيء ركبوا لي طلق صناعي في المغذي وصراحه رغم المه لكن الحمدلله ان هالنعمه متوفرة لان طاقتي لحالي ماتكفي و كل طلقه تجي احاول ادفع واحاول والقابلة جينا مدري جهان مصرية تحاول تشجعني تقول بطلة بديت اشوف راسه يالله كملي اطول لكن يبدو انها ماشافته بس تحاول تعطيني دعم معنوي عشان اقوي الدفع لكن ماش مانفع معي وكم طلقة تجي واحنا على هالحاله لين حسيتها بدت تطفش مني وتعطي توجيهات مباشره اكثر حدة وجهي الصوت لجوا التأوهات لبرا ماتنفع امسكي الشي الي كنه قير سياره حولين السرير علشان تضغطين عليه وانتي تزحرين ...وممرضتين عند بطني يدلكونه وقت الطلقه على امل انه ينزل ويتزحزح لتحت ..والقابله قبالي مستعده لتلقي الهدف لكن يبدو هالقول احبطها من الانتظار وكنت خلاص باقولها تحولني عمليه خلاص مافيه مجال الى ان جت قابله زميلتها اسمها داليا فلسطينيه ااعتقد الله يذكرها بالخير اعتقد قالت شو ماولدت قالت لا لما تجي مرحلة الدفع ماتساعد نفسها وتدفع فقامت بحركة اشكرها عليها صراحه وهي انه لما جتني الطلقه طبت على بطني وصارت تشجع بشكل طفولي انه يالله جاء ادفعي اقوى وتحمسني كني طفلة في مسابقه والحمدلله الطلقه اللي بعدها كررت نفس الاسلوب قلت لهم يالله ادفعوه ثانية قالت المصرية انا مانقدر ندفعه عنك انتي ساعدي حالك ومحاولات اكثر وتشجيع وفرك بطن واستغاثه بالله قبل كل شي والحمد لله مادريت الا قطعه لحم طالعة وحطوها على بطني وطلع منها صوت صياح .. احاول استوعب انه الجنين الا شوي سمعت صياحه وتطلع مني مشاعر حمد عظيمه يااااه هو صدق الي اشوفه     الحمد لله رب العالميييييييييين  ياااااه  سبحان مخرج نفس من نفس ومخلص نفس من نفس .. ياترى كيف مشاعر النجاة في الاخرة .. ياترى  بعد ماعدينا  هالعقبة هل بنقدر نعدي باقي عقبات الحياة وننجو.. ياترى سكرة الموت هل بنتجاوز مخاضها بثبات ونجاح .. ياترى الصراط راح تكون مشاعرنا عليه كيف وهل بننجو .. خواطر كثيره مرت علي ولحظات عميقه ايمانية تتمنين انك تعيشين بها طول عمرك لانها تزيح عنك غشاء الغفلة وتبين لك ان هالحياة مو عبث لكن حسافة تجي الدنيا بمشاغلها تلهي عنةهالحقيقه وتضعف همتك في العمل من اجلها.. فهمت الان ليش يقولون  انه الي بعد الولاده يعتبر من اوقات اجابة الدعاء  لانه درجة الايمان وقتها واليقين تكون عاليه بعد تجربه مخاطرة بالحياة حاولت ادعي بالي يجي في بالي ومانسيتكم بنات التجمع من دعائي الله يتقبل
    بعد كذا خرجت لي القابلة المشيمه والحمدلله وبعد كذا جت دكتوره ناديه الي مفترض انها تولدني لكن خلاص فات الوقت فدخلت وهي محرجة تعاتب القابلات على تاخر تبليغها فردوا عليها انه هم بلغوا وسوو الي عليهم وصارت تناظرني نظرات اعتذار وكانه تلقي اللوم عليهم علشان ما اعتب عليها و انا عادي مافرقت معي المهم اني ولدت وخلصت الحمدلله .. جت بعدها تخيط الجرح لكن مدري وش فيني افز منها ومااتحمل يدها وصارت تعاتبني ما اتحرك لانه هالمنطقه خطر واحاول فيها اترجاها تزيد البنج لاني احس بمدخل ومخرج الابره والحمدلله زادت وخلصت من الخياط وهمه بعدها جتني رجفه وبرد صرت اتنفض واعطتني النيرس حبوب علشان تمنع النزيف اعتقد بس شكلها تسبب برد زياده ورجفه... جلست بالغرفة الى ان اذن الفجر وكانت مشبوكه فيني الغذايه ثم ودوني لغرفتي وجت القابلة الي ولدتني تشكرت منها على صبرها معي وشيكت ع الغرز لقت فيها ورم يبدو ان دكتوره ناديه شدتها زياده يمكن لان فزفزتي عليها ماخلتها تركز فشدت علي وورمت فوصت لي النيرس بكيس ثلج احطه ع المنطقه يخفف التورم  الغريب ان دكتوره ناديه مرتني كل صباح بس مجرد تسالني كيف حالك وتمشي ماشيكت ع الغرز  غالبا توكل المهمة هذي لدكتورات مناوبات ..كتبت لي كريم للحلم وكريم لعلامات التمدد وغسول مهبلي وكريم ملطف ينحط ع الغرز  .. الحمد لله .. عناية المستشفى بشكل عام جيده جدا   بس الوجبات مو دقيقين في مواعيدهمةفيها بالاضافه انه ممكن ينسونها من الاساس ومابجيبونها ..النظافه اوكي كويسين .. استجابة الممرضة للجرس نوعا ما فيها بطء وتختلف من ممرضة للثانية ..الحضانه كويسين  وحريصين يوقعوني استلام وتسليم ويلبسونه من عندهم ...وحاطين بالحمام ادوات نظافه وفرشه اسنان وجابوا لي اخصائية تثقيف صحي تعطي معلومات عامة وتاكد على موضوع الرضاعة ..غرفهم فيها تدفئة مركزيه وفيها شاشة اشوف فيها البيبي بس مرات كثير مايوجهون عليه الكميرا  ..بشكل عام الحمدلله راضية عن مستوى الخدمة والله يتمم على خير ويرزقنا شكر نعمته ويجعلها حجة لنا لاعلينا ..والحمدلله من قبل ومن بعد في الاولى والاخرة 

تابعي تجارب أخرى من هذا القسم.