تجربتي البئيسة في ولادتي بمستشفى الهدا:(

انا ولدت بكري والثاني فيه 
طبعا زي ما قلتي يدخلونك قسم الولادة لوحدك تحت رحمتهم واللي يولدون الممرضات فقط اذا الولادة طبيعية
 في بكري جتني ممرضة فلبينية كبيرة. زي العسل تروح وتجي وتصبرني لين ولدت والحمدلله بيسر لكن الطامة كانت بعد الولادة اللي تخيط دكتورة مصرية حسبي الله عليها ماحطت لي بنج نهائي وتعذبت في الخياط داخلي وخارجي بدون بنج وقعدت اصيح وابكي واقولها مافي بنج لكنها مستعجلة وبدات في الخياط وقالت مايصلح الحين افك الخيوط واخيطك مرة ثانية تحملي تعبت اكثرمن الولادة  ولاني غصب عني اتحرك انشدت الخيوط جلست فترة  طويلة مااقدر امشي زين او اجلس والحمدلله على كل حال 
ولادتي الثانية رحت عندهم كل شي تمام لكن للاسف اللي جلست معي وقت الولادة ممرضة سعودية شكلها متدربة ماتعرف لشي اشتد علي الطلق وطلبتها ابرة مسكنة زي بكري وهي تقولي اصبري مو الحين وتعطيني الكمام واشفط منه بدون اي فايدة بس تعبني لين خرج الراس وانا على جنبي ولسى مافصلو كرسي الولادة طبعا مع الالم صرخت وانتبهت وما عرفت تتصرف نادت على الممرضات الفلبينيات وجو بسرعة  ورجعت راس الجنين جوا علشان تعدل الكرسي واجلس وضعية  الولادة واتحرك بصعوبة وولدت بدون مسكنات كاني في البيت حسيت بنزول الراس والسبب جهل الممرضة بس هالمرة بعد الولادة جلست اقول للمرضة حطي بنج للخياط كل شوي اقولها وفعلا بنجتني ولاحسيت بشي والحمدلله 
من جد الولادة انتي وحظك اهم شي ربي يسخرك ممرضة تعرف تولدك 
هالمرة بروح خاص وانا على اعصابي اخاف انهم مادييين الله ييسر ويهونها علينا  

كأني استعدت ذكرياتي في المستشفي العسكري

نفس كل شيء حتي الخياط بدون بنج

ويلوموني الحين لو قررت أروح خاص مع انه كثرت مشاكله


الله المستعان

معروفه المستشفيات الحكوميه وممرضاتهم تتكلم الوحده من خشمها وكذا تجهيزاتهم
وهذا السبب الي مخوفك من الولاده مره ثانيه روحي مستشفيات خاصه عنايه وأهتمام وراحه وخدمة وكمان دكتوره خاصه فيك حتى تولدي والله ييسر على نساء المسلمين

الف الحمدالله ع السلامه

نعم هيا مستشفى حكومية للي تسال اسمها مستشفى الهدا والقوات المسلحة

جزاكم الله خير جميعا..والله ماكتبت تجربتي الا للتحذير عشان ولا وحدة تفكر تولد عندهم