السلام عليكم
مشكلتي منذ ايام رحنا السوق وكنت اشتري واختار وجالسه اشاور زوجي واحسو مو معيا
التفت عليه لقيتو مركز بشي ورايا لما انتبهلي يسوي انو يقرا اللوحه
لما التفت لقيت مجموعة بنات كاشفات متمكيجات وعبايات مخصره ويهرجو ويتقضو
طنشته لكن خرجت من المول وانا مدفعتوا مبلغ وقدرو اول مره يدفعوا
ورحت لقسم العبايات قلت للبائع ابغا طرحه طويله تنفع اتلثم فيها وابغا عبايات ملونه فين مكانها
زوجي يناظرني مصدوم ليه قلت كدا انا عبايتي ع راس ومحتشمه وعيوني م اكشفها
قالي منجد تبغي لثمه ووعبايا ملونه قلت ايوه
عشان ماتطالع بالرايحه والجايه خلاص انا جنبك وتشوفني ع الاقل نظرتك لي ماهي حرام وكنت بقمة برودي وهدوئي
سكت
وقال لا مافي عبايا يلا نخرج وخرجنا
وبالسياره يقول اخر مره اوديكي السوق مايصلح لك قلتلو احرم نفسك الي مو قادر تمنع عيونك عن زنا النظر تعاقبني ليه وانا ماعمر العيبه خرجت مني
تشاكلنا وتخاصمنا لنا يومين مانكلم بعض
هو مشكلتو انحرج من نفسو اول مره يعمل كدا زوجي ملتزم ماعليه حركات قبل كدا
بس ماحبيت امشي الموضوع
دحين انا مابغا اصالحو لانو غلطان وماعترف
وبالنفس الوقت اول مره يصير كدا ونحنا لنا سنين متزوجين ولامره خليتو ينام زعلان دايم اراضيه ويراضيني المره دي ماعرف ليه مافكر يعتذر ونايم باليومين برا الغرفه وهادي اول مره
كيف اتصرف بعقل وحكمه لان صعبان عليا حالنا
شاركي في النقاش
سجلي الدخول لإضافة تعليق.
التعليقات
27- لاتراضينه ولاتعتذرين وطنشيه
انتي ماغلطتي بشي. وتصرفك كان سليم
مصيره يرضى - اوووووووول وحده تبرد بطني بشخصيتها وردها ع زوجها
ما احرضك على زوجك بس
كويس ماسكتي له والا كان تمادى امي ياغلا الدنيا اوووووووول وحده تبرد بطني بشخصيتها وردها ع زوجها ما احرضك على زوجك بس كويس ماسكتي له والا كان تمادى
صدقيني لو كنت انا بسوق واشوف كاشفات ومتكشخين اكيد بالتفت واقعد اطالع فيهم وانا بنت فما بالك هو الله يقرب قلوبكم لبعض- صاحبة الموضوع #83639465الله يجزاكم خير
احلام يائسه صحيح راح نطالعهم بس المفروض هو كرجل بالغ عاقل ملتزم يعرف حدود الله
ان النظره الاولى لك والنظره الثانيه عليك
حتى لو شاف يقدر يغض النظر
وغير كدا ماعترف يحلف انه يقرا اللوحه ماصدقتوا صراحه الي زعلني الانكار عادي الانسان مش معصوم بس يقدر يتعذر يعترف مو انكار وقرارات تعسفيه تجاهي :( - تصرفك سليم
انتي ماغلطتي هو الغلطان
انتظري لما يعتذر
الله يسخركم لبعض ويهدي زوجك يارب
مواضيع مشابهة
تابعي تجارب أخرى من هذا القسم.