°ˆ~*¤طيـر الفرح غنا وبديارنا عـلا..ملف التباشير الثالث مواليد يناير وفبراير2014¤*~ˆ°

متابعة النقاش، صفحة 206

شاركي في النقاش

سجلي الدخول لإضافة تعليق.

التعليقات

2,000

  1. @nsaym_khyr

    الف مبروك ام حسان وغالية الكون ومس هاله ويتربون بعزكم ان شاء الله والعقبى للباقين
    ام عبدالسلام ومسك العطورالله ييسرك امركم ويهون عليكم
    غروب
    اتوقع معك شمم حاولي تشمين حلتيت وتحطي شوي منها في ماء شوي وتحركينها حتى تصير مثل الحليب وصبيها على فوطة والبسيها بإذن الله راح ينفتح معك الرحم الله يسهل امرك وامري وامر كل مسلمة يارب

  2. صباح الخير
    اخباركم كروشات احس خلاص استسلمت بنطر الولاده متى ماجت جت

  3. @roh_aboha_oamha_1

    " الحمد لله حتى يبلغ الحمد منتهاه ..
    والحمد لله الذي بنعمته تتم الصالحات ..
    أنجبت طفلتي الجميلة في هذا اليوم ..
    فاحمدك يارب ما أجملها من نعمة "
    " جعلها الله قرة عين لي ولأبيها وجعلها الله من مواليد السعادة "
    عقبال الباقين إن شاء الله

  4. @shmaa_albnfsg

    روح أبوها وأمها
    " الحمد لله حتى يبلغ الحمد منتهاه .. والحمد لله الذي بنعمته تتم الصالحات .. أنجبت طفلتي الجميلة في هذا اليوم .. فاحمدك يارب ما أجملها من نعمة " " جعلها الله قرة عين لي ولأبيها وجعلها الله من مواليد السعادة " عقبال الباقين إن شاء الله
    جيتكم بقصتي..
    بعد ما تميت 5 ايام بالتاسع بديت امشي نص ساعة تقريباً وبعد ما تميت 10 ايام صرت اشد بالمشي 
    اروح للممشى واحيناً السوق وامشي لين اتعب .. واذا رجعت للبيت اسوي لي زعتر بري بكوب واشربه
    ويوميا اشرب كوب يانسون وكمون وعسل ..اليوم 13 من التاسع جتني انفلونزا وكنت خايفة تجي الولادة بهالوضع لانه عندي احساس انها قربت ولادتي .. وبعد 3 ايام تحسنت شوي الحمد لله ورجعت امشي 
    وسويت التمرين الي يفتح الرحم الي موجود هنا بعالم حواء.. لكن صراحة ما حسيت ان له تأثير 
    الكورة حقة اليوقا بديت اتمرن عليها بعد 10 ايام من التاسع
    باليوم ال 16 من التاسع قررت اني اتحرك صدق وبديت استغفر طول الوقت وانا امشي وادعي ربي بالفرج
    وبعد ما تعبت من المشي صرت انزل وارقى بالدرج وغسلت الملابس واشتغلت بالبيت لين انكسر ظهري وبديت احس بشوي الم
    وبعدها صار جماع وبدا الالم يزيد بعد ما كان خفيف.. قمت الفجر يوم الاثنين والالم زااد صليت وجهزت شنطة عيالي عشان احطهم عن اهلي.. واستمريت امشي والالم يزيد .. بعدها خف شوي وانا حسيت بارهاق ونمت
    ووقمت من الالم الساعة تسعه وكان شديد قومت بنتي وخليتها تلبس واكلت تمر وحطيت زعفران بموية قران وقريت عليها ورد الولادة والالم يجي ويروح وانا كنت احتريه يشد لكن تفاجأت انه بدا يخف تدريجياً لين اختفى لساعة 12 بعدها حسيت اعصابي تلفت .. وبنتي وولدي ينتظروني اوديهم فرحانين!!
    سويت قهوة لزوجي وجلست شوي وبعدها انسدحت شوي. الساعة 2 بنام لاني كنت تعبانة طول الليل والصبح
    لكن ما امداني 3 بالضبط جاء الم شديييد بعدها تجهزت وطلعت حطيت عيالي عن اهلي ورحت لدكتورتي
    كشفت علي ولقت الرحم مفتوح 2 سانتي وسوت تحريض وقالت اذا زاد الالم باذن الله 6 ساعات وانتي والدة
    رحت لاهلي وشربت مرة وخرابيط مدري وشي صراحة وشربت قرفه وبعها زااد الالم وصار متتابع كل ربع ساعة.. بعدها رجعت لبيتي لحالي يمكن كانت الساعة 11 ، المفاجأة ان الالم راح!!
    وقتها حسيت البيت كئييب بدون عيالي وانا كل شي اختفى فعلاً خنقتني العبرة .. ولعت رقية الولادة من اليوتيوب ونمت 
    قمت الساعة 4 على الم فضيييع وشفت  افرازات بنية .. تجهزت ولبست يمكن نص ساعة وبدا الالم شديد وكل 20 دقيقة تقريباً قومت زوجي وطلعنا والطريق طويل لمستشفى دلة تقريبا نص ساعة او اكثر..
    كان يوم باااارد وهواء شديد نزلت ودخلت بسرعة للطوارئ كشفت وطلع الرحم مفتوح 4 او 4 ونص
    ونقلوني لغرفة الولادة 
    كنت وقتها فرحانه واقول بنفسي يازين الطلق الطبيعي ما يجي ورا بعض زي الصناعي لا فيه وقت ارتاح فيه
    رقيت وودخلت الغرفة الي اجلس فيها لين ينفتح الرحم 9 او عشرة
    غيرت ملابسي وعطتني الحقنة الشرجية .. تقريباً ساعة والالم يزيد وفيه طلق بس بارد.. وصلت الساعة 7 او اكثر وانا اتالم قاست ولقته 6 وبعدها ما تغير شي .. وبالاخير جت دكتورة وقاست وقالت لها تعطيني طلق صناعي :(  ويوم قلت لا ما ابي جلست تقنعني وتقول شوفي طلقك باارد وانتي بتتعبين من الالم وتجلسين على هالوضع يمكن 12 ساعة .. بالاخير استسلمت لاني من امس كله اتالم وبالاخير تقولي 12 ساعة على ما اولد
    وصراحة ساعتها اقتنعت انه ربي كاتب لي اخذ الصناعي مهما حاولت اتجنبه.. حطت لي الطلق الصناعي بالوريد.. وبدا الجد والالم يزيد وناديتها ابي الحمااام وقالت لا سوي بمكانك وصراحة عجزت بعدها بوقت مدري كم حسيت اني ابي الحمااام خلااص وناديتها وقالت لا توك سوي بمكانك قلت لا مقدر شوفي احس انه شديد
    بعدها اقتنعت وشافت اثره مفتوح 9 ونص
    بسرعة غطوني ونقلوني لغرفة الولادة وقالت لي يالله اذا حسيتي بالدفع دفي بقووة 
    وجلست هي والي معها يسولفون .. وانا احس اني احلم وكأني بسكرات الموت.. وفجأة حسيت بالم الدفع واصرخ اناديها نيرس ادف؟
    قالت ايه ايه يالله اشوف راسه واختبصوا وبسرعة راحوا ينادون الدكتورة وانا خايفة ادف وهي ميب عندي :(
    اقبلت الدكتورة وتقولي يالله يالله ايه دفي .. وادف وادف لين يسرها رب السموات والارض وطلع كتكوتي الصغير وكنت اناظرة زي الحلم كان السر ملفوف على رقبته فكته وشالوه وغسلوه وعيوني تلحقه حبيبي
    وبعدها خيطت وصراحة حسيتها مخلصة جلست وقت طوييل تخيط وانا جننتها بس اتألم 

    شالوني وحطوني على جنب ودخلو وحده بكرية بنفس غرفة الولادة الي كنت فيها وانا اسمعها يا حياتي تتالم 
    وتهاوش الي عندها والدكتورة تقولها لا تصرخين لا تتكلمين دفي عشان تخلصين وهي تصرخ عليها مقدر انا اتألم
    رحمتها وجلست ادعي لها.. 

    وتوته توته خلصت الحتوته


    الي استفدته من قصتي..
    - الدعاء .. الاستغفار..المشي.. كورة اليوغا.. الدرج.. الجماع(اكثر الاشياء الي حسيت لها تاثير واضح)
    - الي طلقها بارد لا تجلس تتهرب من الطلق الصناعي.. لانه بالنهاية رحمة من ربي لها.. 
    انا جلست يوم ونص على الطلق الطبيعي لكن بالنهاية استسلمت للصناعي لان جهدي راااح وظهري تفكك
    وما يعتبر شي..
    - ونصيحتي الاخيرة للبكريات لا تضيعون جهدكم بالصراخ وخصوصاً باللحظات الاخيرة لانه بيأخر ولادتك وتروح طاقتك .. تعلمي طريقة التنفس والدفع وركزي بالولادة.. 

  5. @hbobh_otyobh

    صباح الخير

    الف مبرووك للي ولدو والحمدلله على سلامتهم

    عرووب
    مشكوره حبيبتي اخباري المويا يوم الخميس فضلت تنزل شوي شوي للظهر ووقفت تماما
    طبعا تكسلت مارحت المستشفى خفت يولدوني جاني الم مثل الم الدوره واستمر لليل يجي ويروح لحد مانمت

    قمت الجمعه ومافي الم بس مجرد ما بأت اشتغل بدأ بس اقوى والتحجر زاد وطبعا مافي دكاتره قلت اصبر للسبت
    واستمر الالم يجي ويروح بس محتمل ويوم السبت كان التحجر بزياده مع الم قوي ماصدقت زوجي يجي من الدوام المغرب

    رحت المستوصف الي جنبنا شرحت للدكتوره وضعي لأنها جديده راحت الدكتوره الي اكنت راجع عندها قالت ليه مستعجله على العملية دكتورتك انتي مو بكريه وممكن ينقلب الجنين قبل الولاده

    سوت لي سونار وقالت فيه ثقب في كيس الجنين وتتسرب منه موية الجنين بس الحمدلله موية الجنين ناقصه شئ بسيط جدا مافي خطر وقالت بصراحه بقولك شئ اول مره اشوف جنين جالس بالطريقه ذي مكور على بعضه فعلا كلام دكتورتك صحيح لازم تولدي بعمليه وضع الجنين لايمكن يقلب وكمان حجمه كبير وجالس بطريقة غريبه متكور

    انا يابنات خفت مره لأنها جلست تكشف يمكن نص ساعه ووجهها يتلون حسيت ان في شئ غريب قالت صراحه وضعه غريب الرجول جايه فوق بطريقة غريبه والراس منحني واليدين ملفوفه عليه عسى ماعندي طفل مشوه وماتبغى تتكلم انا

    رجعت البيت ماجاني النوم من الخوف وقالت لازم اكتب لك مضاد تاخذيه عشان الجنين معرض للفطريات تدخل له عن طريق الثقب واعطتني مضاد 1 جرام وقالت روحي لدكتورتك في اقرب وقت صراحه خوفتني مدري ليه رغم انها بشوشه وحبوبه بحاول اروح بكره لدكتورتي المستشفى الي بولد فيها

    دعواتكم يكون كل شئ طبيعي نفسيتي تعبت من كلامها وبس ابكي وافكر

    خوالي
    يعطيك العافيه على قائمة التباشير روووعه ومرتبه جدا جزاك الله خير حبيبتي
    انا شايفه انك من زمان مارحتي تراجعي ليه حبيبتي لازم تطمني ع جنينك ووضعك لاتهملي نفسك

    ام زينب
    طمنينا عليك اش صار معاك ولدتي ولا لا

    غروب
    وهنو
    وتوهان
    واي وحده عندها الالم ومنتظره الولاده سأل الله العظيم رب العرش العظيم ان ييسر ولاداتكم وتكون ولاده مسهله عليكم ويقر عيونكم بشوفة اجنتكم سليمين معافيين يارب

    يابنات الي ولدت بعملية ببنج نصفي ياليت تقولي كيف كانت العملية لاني ناويه اطلب بنج نصفي وتعطيني شوي نصايح عنها مره خايفه وجزاكم الله خير

تابعي تجارب أخرى من هذا القسم.