شاركي في النقاش

سجلي الدخول لإضافة تعليق.

التعليقات

42
  1. @shykhh_17

    صاحبة الموضوع
    جزاكم الله خير اخواتي على ردودكم الطيبه


    انا قلت لآمي فكرة ان ندور على حرمه وبنتها ماعندهم سكن ويعيشون معنا لان الفيلا فيها ملحق كبير بثلاث غرف ومطبخ صغير وثلاث حمامات ووصاله كبيره والحوش واحد الملحق والفيلا ..... منها اجر ومنها ونس لآمي ولي

    ولازلت ادور لكن بالخش لان محد سوا هالشي من قبل بالعيله واخاف ينتقدوني

    محتاره والله يجيب الي فيه الخير

    وشي ثاني حاسه ان كل العيله بصف وانا بصف ثاني كراهيه بدون سبب بدت من اخت زوجي وقادت باقي العيله معها

    الغريب لما مجموعة ناس مختلفين بكل شي الا على كراهيتي متفقين !

    كيف هالشي مادري كنه اختبار لي على الصبر

    الحمدلله كل شي عندي مال وخدم وتجاره وزوج وعيال ......لكن بدون ناس

    يمكن ماتصدقون لو اقول لكم كراهيه بدون سبب ..... نفور مش طبيعي ..... انا لساني حلو مع الكل وجيران امي يحبوني لاني اكرمهم واخاف على مشاعرهم الكبار يحبوني والصغار حتى الخدم..... ماعدا اهلي المقربين


    هالشي خلا عندي احساس بالنقص رغم وجود كل شي عندي


    من فيكم مثلي وقدرت تنجح بحياتها وتتناسى اهلها ؟
  2. @ghrb_alohdh

    أنا زيك تقريبا وأختلف عنك بالقصور المادي ...بعدت سنوات عن الأهل لظروف نفسية قاهرة ..وكان لي أم وحيدة زي والدتك ...لما جيت أرجع لأهلي تعبت كثيييير حسيت إني لاني قادرة استوعبهم ولاهم فاهميني ....


    جربت جبت للوالدة رحمة الله عليها حرمة فقيرة لكن إنسانه طيبة جدا ..وخليتها تزورها بشكل يومي تسليها طبعا بأجر ...وبالفعل صارت تزور الوالدة حتى توفيت رحمها الله .


    ليتك تجربين طريقتي لعل وعسى تلقين وحده قريبة من عمرها نشيطة وراعية مقعد وحديث وسوالف والله معاك حبيبتي .
  3. ليتك يختي ساكنة معي في نفس المدينة إللي أسكنها
    كان إتزاورنا وإتعرفنا على بعض ويمكن نرتاح لبعض ونفتح قلوبنا لبعض
    لكن ربي إن شاء الله راح يرزقك ويسخر لك ناس وصديقات وجيران طيبين وحريم حلال يارب وتتزاوروا إلين ما تطفشي من كترة الخرجات والعزايم واللمات
  4. @am_aalyo

    يا قلبي الله يسخر لك الناس الطبيه

    شوفي ذي ما قالو لك الخوات صعبه تتبني بنت لانها مسؤوليه كبيره بذات مرحلة المراهقة

    انت قلتي عندك اخ طيب ليش ما تجتمعو يوم في الاسبوع تجيبو عشاء من بره وتتقي مع زوجة أخوكي تسوا حلي و قهوه وتجو من العصر وبعدين أخوكي يجي بعد ما يخلص شغله منها اولادك يلعبو مع اولا أخوكي وتغير جو وانتي سوي برنامج يعني تغيرت جو

    وكل يوم لو تقدري زوري امك حتي لو ساعه هي تفرح صدقيني لو تجيبي كل الناس مافي ذي البنت

    اتفقي مع أخوكي و زوجته والله ينصرك و يساعدك

تابعي تجارب أخرى من هذا القسم.