وش رايكم بالى تكلمني وتكلم خواتي بالدور تقول اخطبوني لااخوانكم/ خرج عن مضمون الموضوع

الصراحه اسلوبك بالحديث عنها مقزز! وش اللي عنست هي وخواتها وتسردين اعمارهن!
البنت انتي علقتيها بمزحك السخيف يوم قلتي خلاص حجزتك واضح انها متعقده وماتبي تجلس ببيتهم ودها تتزوج وتشوف عيالها ياليت ماتستخفين فيها والله يكتب لها اللي اطيب من اخوانك

اهم شئ الضحكه اللي حاطتها كل شوي

الشئ الثاني مدري على أي اساس تحكمين على الجمال والجمال نسبي اللي تشوفينه شين غيرك يشوفه حلو

البنت ماتصرفت هالتصرف الا من ثقل بخاطرها وهم

وانت تضحكين عليها وتلعبين بمشاعرها , عطيتي كلمه ورد غطاها وفهمتيها بلطف ان تصرفها عيب وموحلوه بحقها مو اخذتوها تسليه

لو انتوا يالاخوات من الاول عطيتوها بالوجه وقفلتوا الباب كان ماصار اللي صار

الحين عطي امك وابوك خبر عشان ماينحرجون لاحد سألهم والشئ الثاني اخوانك رجال يعني ماراح يضرهم فهميها ان لطلع هالكلام بيضرها هي لان بيحسبونها مخطوبه وهي مو مخطوبه اخوانك بيخطبون وبيمشون بطريقهم وهي حتى لو احد جاد بيصرف النظر لانها طلعت عن نفسها اشاعه بالخطبه بتقطع رزقها بيدها

ومن الاخر سوا لها حظر واتس او بيبي ولا تردون على مكالمتها واتفقوا انت واخواتك واقطعوا عليها الطريق

تراك فضحتيها خلاص حتى اسم اخوك قلتيه فالموضوع يعني اي وحدة تعرفكم تقرا يمكن تعرف هالبنت خصوصا انك ذكرتي كل شي عنها و موو زين تضحكين عليها بكرة الدنيا تدور عليك و يجون بناتك مكانهم و تتحسرين اتقي الله و احمدي ربك ع عقلك و انك تزوجتي

حتى لو انكم ما تبينهم لاخوانك
انصحيها هذي جاهله وصغيرة ما تعرف
هذي الحركة يمكن تسويها مع ناس ثانية غيركم
وترسل صورها انتي بنت حلال ومحترمة حذفتي الدردشة واكيد راح تحذفين صورتها يمكن بعدين تروح لناس ماتخاف الله وتضيع نفسها وتضيع اهلها وتشوة سمعتها انصحيها وانا اختك تبرءة للذمة لاتجي يوم القيامة وتقول انك ما نصحتيها
وانا من رايي انك تسعون في تزويجهم حتى من غير ما يدرون على الاقل سوي اللي تقدرين علية .
واحتسبي الاجر ولا تنسين حديث (عن أبي هريرة رضي الله عنه ، عن رسول الله صلى الله عليه وسلم ، قال : من نفس عن مؤمن كربة من كرب الدنيا ، نفس الله عنه كربة من كرب يوم القيامة ، ومن يسر على معسر ، يسر الله عليه في الدنيا والآخرة ، ومن ستر مسلما ، ستره الله في الدنيا والآخرة ، والله في عون العبد ، ما كان العبد في عون أخيه ) رواه مسلم .
الله يفرج همهم وهمك ويسر اموركم وامورهم

   من باب حسن الظن بأخيك المسلم أقول إن شاء الله إنك مو متشمته فيها 
لكن ليتك سترتي عليها وسويتي مثل خواتك وتركتيها هي بتفهمها من نفسها
لكن الآن تصحيحاً للوضع قولي لها اخوي عنده شروط ما تنطبق عليه والله يرزقك بالزوج الصالح.
البنت خايفه على نفسها ويحق لها لكن الله يصلحها طريقتها مره خطأ لذلك اكسبي فيها أجر ونبهيها وإذا تمادت وأزعجتك احضريها وخلاص مافي شي بالغصيبه وأنا أختك.
الله يرزقنا ويرزقها وأخواتها وجميع بنات المسلمين بالأزواج الصالحين
الذين يقرون أعيننا إنه سميعٌ مجيب.

موفقه