ماتمنيت غير اشيل بداخلي عيالك :(
ماتمنيت غير اشيل بداخلي عيالكL
السلام عليكم ورحمة الله وبركاته
بنات انا عايشة في نفسية مايعلم بها غير ربي سبحانه وتعالى و أنا متأكدةانه خيره لي .. وكل شي يختاره لي ربي اكيد خيره بس تعرفون طبع الانسان
L
بقولكم قصتي باختصار و اريد شور منكم واتمنى اتمنى من البنات انهم مايردونعلي ردود مثالية .. والي بترد تفكر الف مرة قبل لاترد لان الي انا اعيشه شي وربيصعب
انا تزوجت وعمري 19 و انا من دولة خليجية و زوجي من دولة خليجية ثانية
تزوجت في هالعمر لاني امووت عاليهال .. ووالله احلم فيهم ودايما اتخيل انيام و ارضع ولدي وادلعه و ادرسه يعني هالغريزة اكيد موجودة في كل بنت ويوم خطبنيزوجي حلمت اني بيب ولد جميييييييييييييل و كان مصدر للتفاءل المهم مرت الأحداث وتزوجنا و بحكم اني ماعرف اصلن شو هي العلاقة الزوجية والوالدة مافتحت معايهالموضوع .. كانت دايما تقولي الافضل هو يعلمج او يخبرج كيف .. عشان ماياخذ فكرةعنج فابدا ماكان عندي فكرة عنها ولا كنت احب اقرا وايد يعني قلت خلها على الله
ماكنت حاسة ان في الموضوع اصلن فيه مشكلة
يعني ماريد اشرح وايد بس مافيه انتصاب طبيعي يعني ثواني ويروووح وماريدادخل في التفاصيل
مع الايام صرت اساله ليش جيه يعني حسيت ان مب طبيعي قالي انتي تتوترين وكذالهلسبب مايستوي الانتصاب
و انا شكيت بنفسي قلت يمكن والله ولا لحظة شكيت ان فيه شي
ومع الايام خلاص تعودت عليه و مع ذلك اشووووووووووووووف هالشي بقووة وهنيخلاص تأكدت ان في شي بس انا مو عارفة شو بس عرفت ان هالشي يعتبر ضعف جنسي كبيروكملنا كم شهر وكل ماتجيني الدورة كنت انهااااااااااااار كني في عزا و اتضايق وكانيقولي الله كريم وامه الي هي اسميها عمتي كانت دايما تدور في حجرتي(كلامخدامتهم)اذا انا اخذ حبوب منع الحمل ماتدري اني اموووت بشي اسمه ريحه يهال
كملنا كم شهر و انا رحت افحص وكانت الدكتورة تضحك علي تقولي انتي حتىماكملتي سنة علشان تخافين هالخوف وفحصتني وكلشي قالت الحمدلله مافيج الا كل كل خيرلاتخوفين نفسج مب شرط يصير الحمل من اول او ثاني شهر
ناس مافيهم شي وحملو بعد6 او 7 شهور او حتى سنة
ومابي اشوفك جاية الا بعد سنة
لان هالفترة ماقدر احكم عليها
و انا طبعا تضايقت لان احس اني بالمرة ماستفدت منها بشيL
عقبها رحت لثانية وكان نفس الكلام بالضبط
ومع الايام سالتني عمتي قالت شو قالولج الدكاترة قلت لها والله الحمدللهمافي شي بس قالولي استمري على الفوليك اسيد اللي هو الحديد
والمهم هي ماعجبها الكلام لانييي كملت 5 شهور ومافي حمل وماتدري ان قهريانا اكبر من قهرها خاصة ان هذا اول ولد لها يتزوج وتبي تشوف ذريته و انا وربيمالومها
المهم قالت لزوجي انت روح معاها يمكن هي خاشة شي او شي ماتبي تقوله وزوجينوعيته طيب وعلى نياته وقالي كلام امه بشكل عفوي وقالي لازم اروح معاج لان امي مبمطمنه لروحتج بروحج بيني وبينكم تميت اصيح في داخلي يعني تحسسني ان فيني شي وانيخاشة عليهم
المهم رحت و الدكتورة فحصت جدامه وقالت انا ماشوف الحمدلله اي مشكلة(والدكتورة عمتي هي الي اختارتها ) بس انتو الحين كملتو 6 شهور و6شهور مع علاقةدايمة ومافي حمل اكيد في مشكلة
انا هني دمعت قلتلها يعني مشكلة كبيرة قالت لا .. بس يمكن يكون شي يخصالهرمونات
قالتلي انتي سوي تحليل هرمونات و خلي زوجج يسوي فحص حيوانات منوية
المهم رجعنا البيت وزوجي قال والله مب مسوي الفحص وين عايشين
(طبعا لان مجتمعنا خليجي و عندهم المرة هي الي فيها العيب اما الريالمستحيل)
المهم انا قلت بسوي الي علي وان كان فيني مشكلة بحلها واذا مافي بقلبالدنيا وبخليه يسوي التحليل
المهم سويت والحمدلله كل شي سليم
فبديت بمشووار الصياح و اترجااه يسوي فحص وطبعا بعد مامرت4 شهور علىالموضوع وافق وبالغصب
وطلع فيه ضعف كبير بالحيوانات المنوية والحركة والمشوهة100% يعني حالتهصعبه جدااا
ومايصلج لها الا حقن مجهري
االمهم انا ماخليت هالشي عائق جدامي
ومارضيت استسلم وقلت الله كتبلي هالشي ولازم انا اسعى وربي مابيخيب رجاي
وطبعا نسيت اذكر لكم اني طالبة متفوقة بدراستي و اكمل جامعة وباقيلي سنةعالتخرج باذن الله
و قلتله ليش مانسوي اطفال انابيب
قالي انا اسوي اطفال انابيب؟؟؟؟؟ شو شايفتني عقيم
بس واللله ماكان قصدي اجرحه لكن مافي غير هالحل وعصب علي وقالي اذا ربيبيعطينا بيعطينا طبيعي انا مابسوي اي شي
المهم نسيت اقولكم لما درت عمتي ان المشكلة منه طرشتلي على تلفوني رسالةتميت اصيح منها اسبوع ومن ضمنها احنا اكرمناج واحترمناجج والحين شفتي العيب منهشفتي نفسج؟؟ الله يهديها ماريد اتكلم عنها بصراحة
بس جد تضايقت انا ويييييييييييييييييييييين واشوف نفسي وين
لو شفت نفسي ما انهرت جدام الدكتورة اصيح من الصدمة توقعت شي عادي!!
لـــي رجعة .. واتمنى الكل يدعيلي و يرشدني و تعتبروني مثل اختكم و اناوربي في كل كلمة اكتبها صادقة