تعالوا نكتشف اسرار الحريم

منورين يا حبايبي 
بعد الحمل لاحظت اني اذا اكلت تطلع لي بطن 
فمره واحنا نسولف عن هالكروشه الاموره 
قالت لي وحده انها اذا عندها عزيمة ما تاكل على الغداء الا شيء بسيط عشان البطن ما تمتد وتطلع راسها 
هههههههههه 

الشيء الثاني وحده اربع وعشرين ساعه صالبه ظهرها وتقول انا اشفط بطني و اصلب طولي عشان اتعود اجلس كذا 
وتقول اكره الحرمة اللي تجلس وظهرها منحني 

عشان البيت يترتب اول باول خصصي لكل شيء مكان 
مثلا اغراض المطبخ في المطبخ مهما كنت تعبانه لا تنتشر في بقية البيت 

وهكذا 


والاشياء اللي مالها مكان معيد جيبي علبة وحطيها فوق الثلاجة او خصصي لها دولاب 
المعم و حطيها فيه 
مثلا ازرار ضايع ما ندري من وين 
وبيجي يوم وندوره اذا فقدناه 


انا حاطه فيه اي شيء صغير ومستخسره ارميه 
مثل اوراق الكب كيك اللي تجي مع الفيريرو روشية اجمعها واغلفها 

و النصف ريال اجمعها لوحده تحب هالاشياء 


و اي حديده او بري القاه في البيت 
مره لقيت واحد وطلع برغي المكنسة هههههههه
مسميتة صندوق التوافه بس مريحني من تناثرها في البيت وبين الادراج 

واللي ابيه القاه ع طول

رفع

جزاكم الله خيرا
اذا تذكرت شيء ارجع للموضوع باذن الله

انا ماعندي اسرار بس مره رحت لبنت خالي بيتها عندنا زواج وبطلع معاها
وجلست اتأملها وهي تحط مكياجها ماشاءالله عليها توب توب في الميك اب تطلع طبيعيه ماكأنها حاطه الا شغل العيون
انا علبالي تخفف الاساس وماتكثر مكياج لاني اشوفها بالزواجات خفيف تقولين ماكيير عالمي اللي مسويلها
البنت عسوله لو اسئلها عن شي تعلمني وتعلم كل الناس بس ماطرالي اسئلها هههههههه
لكن اكتشفت وانا جالسه اتفرجلها تتمكيج للعرس انها تمسك الاساس وتصبه صب على وجهها تحط كميه مهوله والاساس طبعا ماك ودرجته اغمق منها بدرجه المهم انا قلت ياساتر يافلانه بتطلعين مهرج ماخبرتك تشوهين نفسك كذا وقعدت تضحك وتقول اصبري لاتستعجلين وانا اصبر واتفرج ومتأكده انها بتطلع مهرج من كثرة الاساس
بس هي عارفه شغلها خلصت مكياجها وطلعت يابنات ماشاءالله لاقوة الابالله روووووعه تحلفون مافيها الانقطة اساس
والشغل كله في العيون
من يومها عرفت ليش ينشف معي المكياج وماتكون تغطيته تمام مع اني اشتري نفس مكياجها لانها خبيره ودايم تنصحني كلش تمام بس ليش وجهي باهت في الاعراس ومأني حاطه مكياج عرفت السبب وهو اني انقط خفيف واوزعه وخلاص احط البودر واكمل مكياج
والمفروض بالاعراس اسوي زيها اصب الاساس صب كأني ادهن جدار بس يكون اغمق بدرجه من وجهي
وماشاءالله عليها سويت نفس طريقتها بزواج كان عندي قبل امس مع ان العروس بنت خالتي بس سويت في البيت
والله طلعت قمر اول مره اشوف وجهي متغطي كذا وبنفس الوقت مو باين اني مكثره اساس
مدري اذا فهمتو علي المهم والعيون اعرف اضبط شغلها بس مشكلتي كانت في التغطيه دايم باهته في الزواجات
وماتغطي كل شي خاصة ان وجهي كله نمش
والله ماتصدقون اني ماعرفت نفسي واخواتي كلهم يسألوني وين سويتي ويحلفون انه بيرفكت ومو مصدقين اني سويته بنفسي لانه فعلا كان مره مثالي تغطيه وترتيب وطبيعي
هذا بالاعراس بس اما غيرها ماينفع لان قاعات العرس تكون كبيرررررره جدا وكلها اضاءات فأي مكياج عادي بيطلع باهت وخفيف لكن مع طريقة بنت خالي بتطلعون روووووعه
انصحكم فيها