السلام عليكم
حبيباتي زوجي اول مرا يعزم اصحابه في البيت
انا قررت اعمل برياني ، ومحشي كوسه ، وصينه خضار بالجبنه والدجاج بالفرن وفته بطاطس بالذنجان هذي الاشياء الحمدلله مرا اضبطها
بس ابي كمان اكلات مجربينها وتكون لذيذه لان العدد شوي كبير وابي انوع اكثر
وكمان ابي حلى كاسات سفره يكون شكله انيق ،
حتى تحطو لي روابط اكلات مجربينها
الله يسعدكم لا تطنشو لو برفع الموضوع فديييييتكم
شاركي في النقاش
سجلي الدخول لإضافة تعليق.
التعليقات
12- وعليكم السلام والرحمه....حبيبتي ماشاء الله احس اصنافك روعه وكثيره....طيب جربي حلقات الباذنجان اقليها...ثم اخلطي بالخلاط ثوم وزيت زيتون وشوي كمون وفلفل اسود وورقه نعناع وشوي خل وحبه طماطم ورشه ملح وضعي هالخلطه فوق الباذنجان وزينيها بذوقك....وبعد سوي متبل وحمص....وبالنسبه للروابط ياليت افيدك بس داخله ارد عليك لجوالي....والحلى عندي بس مايمدي اكتبها شوفيها بحسابي بالانستقرام اذاعندك....وان شاء الله اكون افدتك
- مادري الصور طلعت ولا لا بس الحلا روعه شكله
- موفقه
- اللي بتسويه مرا كفايه ما شاء الله
زيدي حلا و نوعين سلطه - حلا كاسات المارس روووووعه وكششششخة
الطبقه الأولى بسكوت دايجستف مغمس في حليب غمسة وحده سريعه وكسريه وحطيه في الكوب وبعده صبي شويه توفي سايل يمكن ملعقه صغيره لاتكثرين بيصير حالي والطبقه الثانيه اخلطي علبه دريم ويب وعلبه قشطه و5ملاعق سكر بودره و10 حبات كيري ووزعيها على البسكوت وخليه يجمد وفي حمام مائي حطي 6 مارس ابو ريال وملعقه زبدة لين يذوب وشيليه من النار وحطي علبه قشطه واخلطي وخلي الخليط يبرد برى الثلاجه وصبيه على الطبقة الثانيه بس اهم شي ماتصبين المارس وهو حار وبرديه والزينه على ذوقك وعوافي وعساك عالقوة يارب
مواضيع مشابهة
تابعي تجارب أخرى من هذا القسم.