هـ الأشياء الي تصير لي خيره أو ماحالفني الحظ !!ادخلوا واحكموا
السلام عليكم ورحمة الله وبركاته
مراحب باخواتي الي ماولدتهم أمي (معتبرتكم فعلا الي تواسوني ومالي احد افضفض له غير الله ونعم بالله)
مالكم بطويله
انا ياحبايبي انسانه طموحه اقوى من الكلمه مش بس بمعناها يعني المستقبل مهتمه في لدرجة اني قبل انام اتخيل وش بكون بالمستقبل وحياتي انا شاطره في المدرسه تخرجت من الثانوي بنسبة ميه بالميه وخشيت قدرات وتحصلي ونسبتي بثمنينات وفوق ..طبعا اخوي الكبير قالي تحبين تبتعثين برا تدرسين طب قلت اكييد وكانت على حساب الدوله برنامج الملك عبد الله لان نسبتي عاليه جلست افكر اخترتلي المدينه بحثت عنها تعلمت انجليزي كثير خلال هالفتره طبعا سحبت على الجامعه على اساس اني ببتعث وقعدت في البيت احلم واتخيل مرت 5 شهور تقريبا وقالو تم قبولك رغم رفض الكثير من المسجلات للابتعاث يعني كانو 44 الف صاروا 16 الف مثلا وانا من ضمنهم بشرت امي وجاء وقت انا نسافر قبلها باسبوعين اخوي قال لامي انه مايقدر يسافر وعمله مايسمح وهالاشياء لانه محرم بكيت صح عشاني حطيت امال بس تذكرت انها خييييره من ربي يمكن نموت هناك وبديت اواسي نفسي ومازلت طموحه عدت سنه وسجلت في الجامعات وماحصل قبولي بطب (الحمد لله ما كان ميولي له بس اهلي حابينه) انقبلت بقسم تحضيري لتخصص احبه واميل له بقووه الزبده عديت السنه التحضيري وجيت على النتايج وظهر لي اني قبلت بتخصص اخر غير الي تمنيته ورضيت بقدر رغم ان معدلي عالي دخلت على التخصص ال2 وماعجبني ولا حسيته ميولي وهو يميل للرسم وانا اكره هالشي قمت حولت فصل دراسي ثاني لتخصص اخر يختلف عن الي قبلهم
الزبده هالتخصص حلو بس مشكلتها اي بنت نسبتها عاديه تدخله انا على كذا متحططمه احس جهدي وتعبي ضاع وامالي وطموحاتي صارت تراب كان ابوي يلقبني بالقاب فخر وبالاخير ماصار الي تمنيته قعدت افكر اقول يعني انا صدق حظي طايح ليه بشي الي احبه واتمناه وافكر مايصير انقهر لو سمعت ان بنت تخرجت وصارت ...... احس يجيني قهر بس يعلم الله مش حسد بس اتذكر نفسي بديت اكره نفسي واسب نفسي بالفشل والترم الثاني بتبتدي دراستي واحس باحباط مالي نفس اكمل وحتى ما اضمن مستقبله بديت احمس نفسي اني راح ادرس هالتخصص واجيب امتياز وادرس ماجستير ودكتوراه بس اوسوس عن مستقبله بذات كثير بنات عاطلات ومتخرجات بتخصصي وانا اتمنى الوظيفه
طيب يابنات قصتي طويله حاولت اختصرها ابيكم تنصحوني انا صدق مزودتها بتفكير عن المستقبل والوظيفه ولا هذا المفروض لكل بنت طموحه يعني نفسي انسى وابتدي ادرس بجهد بس اتذكر طموحاتي والفرص الي كانت بتصير واتحطم نفسيتي زفت ذلحين يارب لك الحمد
ثانيا يابنات مر عليكم بنات درسوا ماجستير و دكتوراه بعد وصاروا دكاتره في الجامعه لاني جد نفسي اصير دكتوره جامعه بس خايفه من المستقبل ادري الارزاق بيد الله بس اقدر احقق ولو نصف حلمي !
صلو على النبي