ليش زوجي كذا!!! ؟؟؟؟

السلام عليكم ورحمه الله وبركاته 




طبعاً مالي فتره متزوجه وكنت من متابعات عالم حواء كثير كثير اقرا مشاكلكم واغلبها مع احترامي تاففهه 




يابنات لاتدخلون الشيطان بحياتكم 
يعني صدق استغرب من بعض المواضيع وينفقع مخي منها مثل اللي تقول زوجي رافض يعطيني رقم الباسوورد تبع جواله !! 
انتي مالك اي احقيه انك تفتشين جواله مطلقاً 
لكل واحد مهما قرب الشخص الاخر له شي خاص فيه  
من اول يوم دخلت فيه على زوجي وهو عارف رقمي السري ولا يوم مسك جوالي يفتشه وانا بعد مفتوح قدامي 24 ساعه بس ولا مره فكرت افتح جواله 
ليش نفتح على انفسنا باب مسكر ليييش !؟ 
يكون بعلمك اذا حاب يسوي شي يبي يسويه براضك ولا بدون رضاك ولو عرفتي ممكن يستوي الامر عنده ويسوي اللي يبي قدامك 




الشي الثاني 
لحد يدري بأي شي يصير مع زوجك لو امك 
واقولها صادقه  بدايه زواجي بما اني بغربه كنت اقول لمي عن اشياء قالها زوجي لي بمزحه وانا قايلتها ضحك امي تفسر الامور لشي ثاني شي غير مغزاه فلذالك بطلت اقول لها اي شي يخص زوجي سوا مشاكل او عادي 
محد يعرف زوجك كثرك ... 




كثثثير اشفق على اللي كل مجلس تسب زوجها او حتى تثني عليه جاب لي حط لي قال لي 
ماله داعي العالم يدرون عنك وعن حياتك الخااااصه 




الناس ماتعطي خير ⚠️




اخر شي 
اهتمي بزوجك مثل اهتمامك بنفسك 
دلعيه واذا شفتيه معصب اسكتي صدقين هالشي يخليه هو يرجع ويعتذر لك 
الرجال مايحبون كثر الكلام اذا حسيتيه مل لاتزعلين بالعكس سكري الموضوع وشوفي لك شغله ثانيه 💕
 اهتمي بلبسك بشعرك بطبخك خلك انيقه 
كل يوم غيري لبسك وشعرك اهتمي فيه والريحه اكيد اهم شي 
خلك كل يوم شكل جديد خليه يحسك حيه ادري تبي تقولون وهو ؟ ليش مايبلس لي ليش مايسوي انتي تعودينه على هالشي اشتري له ملابس اهديه عطر  غيري تسريحه شعره اشياء كثيره بيدك بس يبي لها اسلوب 👌 
الابتسامه مهمه بنات انتم كبل تأثرون ببعض وبنفسيه بعض كثير خلك بشوشه ومبتسمه دايم  




اذكر مره رجع زوجي من الدوام وكنت جالسه بعيد عنه وبجوالي لاهيه حسيته عصب بس ماقال شي 
بعد كم يوم قال لما ارجع من الشغل ابي ابتسامه واهتمام ابي احد اؤي له ✋ 
 
يارب مااكون ثقلت عليكم بالكلام واسفه للأطاله 
ووالله العظيم ماقلت كذا الا من حبي لكم واتمنى لكم حياه سعيده الله يسعدكم اجمعين