°ˆ~*¤طيـر الفرح غنا وبديارنا عـلا..ملف التباشير الثالث مواليد يناير وفبراير2014¤*~ˆ°

صباااااح الخيييير
ماشاءالله اليوم التجمع متحرك عساكم دوووووم
ومبرووووك للوالدات

كيفكم مامات مبروك لكل اللي ولدو ويتربو المواليد في عزكم إن شاء الله ...
بنات أنا لي تقريباً ٩ أيام والدة بحكيلكم إيش صار معي أنا بكرية وماعندي خبرة ونفسيتي مرره بس أبكي .. طبعاً الدكتورة وسعتلي من غير ماتقولي ولا شي مدري هما كذا يوسعو من راسهم ولا ياخذو رأيك .. أنا كنت ناويه أكلمها في موعدي الجاي إني ما أبغى توسيع وأبغاها تصبر علي وكلهم قالولي البكرية لازم يوسعولها ومعرف إيش والبيبي بيشق المنطقه وبيشق عشوائي مو زي لمى الدكتورة توسع ومعرف إيش من ذا الكلام .. سبحان الله ولدت قبل موعدي وماتكلمت معاها ..
المهم دحين في الأيام الأولى كانت الأمور ماشيه تمام وأنا في المستشفى كان يعطوني حبوب المضاد والمسكن ولمى رجعت البيت كمان كنت آخذهم وخلاص وقفتهم وماتجرأت أبداً أشوف الجرح أو مكان الخياطة أقصد وكنت طبعاً ولا زلت ما أقدر أجلس أبداً إلا طول الوقت على جنب وأحس بألم أكثر شي جهة اليمين لين قبل يومين شفت المكان وأدري بتقولو غلط ومعرف إيش بس شفته وخلاص وشفت الخياطه لأنه طاحت عقده أو طرف الخيط بس معقود وهيا كان قالتلي الخيوط تذوب وعادي خلاص بس اللي صار من يومين بدأت أحس الألم زاد ورجعت شفت المنطقه هنا اتفجعت صار في شي أبيض مكان الخياطه وصارت منفوخه شوي هنا أيقنت إن خياطتي التهبت مع إن ماعندي خبره بس قلت أكيد هذا اللي صار وصار كأنها مفتوحه أو مدري يتهيألي .. بعدين رجعت أستخدم المضاد دحين ليا يومين ورجعت شفت الحمد لله الأبيض اختفى وخف مكان الانتفاخ بس في شي كأنه الجرح مفتوح شي بسيط أو زي ماقلتلكم يتهيألي يعني دحين بشوف شي أحكر ماعاد أبيض وحستمر عالمضاد كمان ثلاثه أيام وأنا عندي كريم الأسد وميبو مداومه عليهم مع المغطس .. بس كمان لمى أحط المراهم أحس بحرقان مكان الخياطه وحتى لمى أبول الله يكرمكم مدري هوا عادي كذا ولا لأ ؟؟وبستمر عليهم طبعاً لين أحس نفسي أحسن وأقدر أروح المستشفى وأكشف وأطمن ..
سؤالي في أحد صارله كذا من قبل وإذا صار إيش قالتلك الدكتورة .. ورأيكم استنى شوي ولا أروح في أقرب فرصة ..وكمان أحس الخياطه جايه عاليمين بس واصله لين تحت ؟؟
وسؤال ثاني يابنات انحملوني ماعندي خبره وبكريه وخايفه من ذا الموضوع .. دحين هوا مكان الخياطه حيلتئم خلاص وماعاد يبين إنه في خياطة ولا كيف .. والأمور بينك إنتي وزوجك بترجع تمام ولا لأ ؟؟ وكمان في الولاده الثانيه حيوسعو كمان ولا خلاص مو لازم لأن صار عندي عقده من الخياطه والتوسيع ؟؟ أنا صحبتي قالت في بكرها وسعولها بس التاني لأ بس خيطو اللي وسعو البيبي ؟؟
والله يابنات نفسيتي مره بسبب ذا الموضوع وبس أبكي لأنه متعبني نفسياً وجسدياً ؟؟؟
بالله ردو علي حسب خبرتكم إنتو زي خواتي وأبغاكم توقفو معاي بهالوقت زي ماكنا واقفين مع بعض أيام الحمل ... معليش موضوعي ملخبط وماعرفت كيف أرتبه بس كتبته وأبغاكم تريحوني شوي الله يسعدكم ،....

السلام عليكم
مبروك لكل الوالدات والله يجعلهم من الذريه الصالحه
انا متابعه معاكم بصمت والله يهون علينا جميعا ويرزقنا الولاده السهله
اناكنت اتابع في مستوصف واليوم رحت للمستشفى وطلبت مني الدكتوره اعمل اشعه تفصيليه مع انها عملتلي سونار وقالت كل شي تمام ابي اعرف ايش الفرق بينهم وهل الاشعه التفصيليه هي السونار الرباعي او غير وقالت لي الزياره الجايه بسوي لك فحص من تحت انا الصراحه خفت اخاف تقصد تعمل تحريض 
متى الطبيبه تعمل الفحص عادتا اسفه طولت عليكم وياريت اللي عندها علم تفيدني 

انا بكريه :(

روح ابوها وامها
الله يشفيك انا صراحة ماعندي خبره بكريه مثلك بس اسمع مدح كثير
على الخوا جو وانه يساعد على التئام الجرح
واﻻفضل انك تروحين لدكتورتك
الله يقومك بالسلامه ...>>بديت اخاف من سالفة هالخياطه تعب حمل ثم تعب وﻻده ثم تعب خياطه الله يعين :(