ابي قرصة اذن لزوجي

مساء الخير حوائيات


بنات باختصار
علاقتي مع زوجي فيها حب نعم لكن علاقة متوتره جدا مد وجزر وتوصل للطلاق 
مدري وش هالحب الغريب يمكن تعود او مجرد تعلق فقط

أنا مجروحه كثير منه لكن العشره واللحم والدم لهم حشمة عندي وعيالي ايضا متعلقين بابوهم

على فترات تجي مشاكل » راح اكتبها لكم بعدين بس بموضوع مستقل


اكثر من مرة اكتشف خيانته هاتفيا او بالنت يعني مافي علاقه جنسيه ولله الحمد والله يعيني عالاولى


الصراحه أنا انسانه دمي فاير مع ذلك احاول قد مقدر اضبط ا?مور
وياما طحت عليه
يابنات أنا انسانه مافتش وراه تاركته بحاله لكن ربي يجيب فضيحته لعندي ومانكر أني فتشت كم مرة بس تركت بسبب وجع الراس 
و?ن نفسيتي منتهيه

يابنات اخر خيانه له كانت مكالمة لوحده قبل افاتحه قلت اتاكد وكلمتها واتس اب وفعلا له علاقه لكن ماعرفت اوصل لاي شيء كمعلومات لها ?ني مالي نيه ا? أني اروح لبيتها واشرشحها 
وطبعا السبب من زوجي بعد فاتح لها مجال ومعطيها وجه تكون بيننا بالنص
ماتركته وحاججته وسديت عليه الطريق وحسيته ندمان لكن ماحسيت بيتوب وتركته بس قلت له الخيانه ملها غفران عندي وسكت 



وماقولكم بالحب ماعوضني ا? معوضني مع بعض المنغصات 
وقلت لكم تجي بيننا مشاكل لكن بتكلم عن الامر هذا حاليا

المهم قبل 3 اسابيع حلمت حلم والله اعلم بنفس هالبنت أني تكلمه واني سويت مشكله مع زوجي كنت ابكي بشكل فظيع فظيع
قمت ونسيت الحلم ومشت حياتي 


اللي ذكرني بالحلم اللي صار امس
وكان الحلم كتنبيه لي سبحان الله

كنا نتقهوى ومالنا فالشيطان طاري وتونا متصالحين قبلها بيوم من خلاف معين 
خارج اطار الخيانه هذي
المهم انه وهو جنبي كنا قاعدين نضبط اعدادات جواله أنا وهو فجاته رساله واتس فتحه عالنيه قدامي وصارت منها هو بسرعه حذف المحادثه وصرف الموضوع أنا سويت نفسي مانتبهت بس حالي انقلب كنت ناوية انفجر بس عيالي الصعار فيه مسكت نفسي وسكت


بنات أنا ابي قرصة اذن له عشان يتادب وانا فبيتي 
وش عندكم من افكار 
فكرت اقول انها دقت علي او كلمتني واتس او او او او بس ابي حركه يعني ابي اخرب بينهم باسلوب كيد و? خربت بينهم اشتغل عليه هو واوريه علومي وهي بعد كذلك بس اول شيء ابي اطبخها بينهم على نار هاديه 

بتستغربون شعوري ماني باردة لكن فعلا الزم ماعلي صحتي بس ابي اعلمه أني ماني مغفله و? استاهل ا?ستغفال و?هو يستحق انسانه مثلي عفيفه 
يحاليا طلبت مصروف اتقضا لي كم لبس وافق وهو من نفسه قال بنروح فندق بس نضبط ا?وضاع ونمشي وانا بشوف وش نهايته 

وكل يوم بكرفه كرف لين يبرد خاطري 
يابنات مادري هل تصرفي ظلم او دوني او اي شيء
لعلمكم أنا انسانه اقدر انشغل بنفسي ودايم اسويها بس هالمرة ابي ابين أني مدري عن شيء وادبه بطريقه مختلفه ابي اجرب هالطريقه واعلمه ان الله قادر يفضحه ولو بعد حين

بنات أنا معكم عضوة لكن معرفي اهلي يعرفونه فلذلك غيرته 
وباقي مشكلتي بكتبها لكم في موضوع ثاني بس حاليا موجعني قلبي مابي اتكلم اكثر وادخل من مكفرات العشير وعشان كذا كتبت هالموضوع يوم هديت شوي عن امس 


وحسبي الله وكفا
?اله ا? انت سبحانك أني كنت من الظالمين