°ˆ~*¤طيـر الفرح غنا وبديارنا عـلا..ملف التباشير الثالث مواليد يناير وفبراير2014¤*~ˆ°

اوركيدا
سألت سمية عن الخياطة .. قالت على حسب خياطتك السابقة نخيطك .. بس وصي الدكتورة اللي تولدك .. لان خياطتي الاخيرة عند الفريح تجميل ومو ذاك الزود .. وانا اتمنى تولدني سمية .. بس الله يستخير لنا الخيرة ..

ممكن ولدك متاثر بولادتك عشان كذا كثر تبوله
لان اذكر وحدة من قريباتي يوم ولدت تاثرت اكبر بناتها بينما اخر بنت عادي ما تاثرت ولا غارت من المولود الجديد

عشان كذا عطيه حنان وكثري من مدحه .. ولا تطقينه اذا تبول لانه بيزيد
واما تبوله بالليل لبسيه بامبرز بالليل عشان ترتاحين ويرتاح
انا ولدي تم ٤ سنوات ودخل الخمس وللحين اذا جاء ينام البسه بامبرز

واذا دخل الصيف بابدا اعلمه يترك الحفاظة بالليل

مشكورين بنات ترا انا ضربي على يده وعلى ظهره يعني مو ذاك اللي يعور ومشكلته ترا من قبل اولد ماله دخل البيبي الجديد وقد عرضته على طبيب ما شاء الله سليم ما يعاني شي بس وربي تعبت حتى وهو صاحي يتبول ينسى نفسه باللعب والسوني والايباد شلت كل شي عنه مرات يتذكر مرات لا يعني هو يمكن هو يتبول باليوم كله مره وحده الاغلب ومرات يمر ايام ما يتبول الليل والله على تعبي ونفاسي اقوم له بالليل اوديه والفجر ولما يصحى الضحى احصله احيانا سواها هنا جد اعصب وطبعا عشاني عند اهلي باقي مو قادره اتحكم بالسوايل لما امنعه غيري يعطيه بس امس رجعت ادعي الله يهديه ويساعدني على انه هادي ومطيع وخجول بس ذا الطبع فيه اللي ينزفزني

شوفي غروب حماتي عندها بنت مثل وضع ولدك وتعبت معها وبالاخير ودتها لشيخ يقراء عليها ومن قراء الشيخ البنت صارت ماتقدر ترفع نفسها من وجع كليتها وصارت ماتقدر تمشي يوم كامل من وجع كليتها ومع القراءه كل يوم الالم يخف وبعدها صارت البنت ماتبول 

جربي ارقيه وشوفي

غروب
انا نفس معاناتك
بنتي صف اول ولازالت تسويها بالليل
مقرفتني ومحومة كبدي
بس والله مااقولها شي لانه مو بيدها
تخيلي بهالبرد قبل لاتطلع للمدرسة احممها حتى هي طفشانة من نفسها..
اتبعت كلللل السبل ولا فيه فايدة
وعدتها بمكافآت وتفاهمت معها وماافي فايدة
وعلى قولة فاتن الغسالة الحين شغالة بمفرشها:(
ظهري انقسم من شيل البطانيات الله يصلحها
وكله كووم واذا تحمست باللعب تجيب العيد بس شنسوي هذي قدراتهم ولازم نتحمل..
واحد من اخواني وصل خامس وهو يتبول ليلي مع انه ماشاء الله اذكى واحد بس هي فروقات

فاتن
انا استخدم الشبة لحالها الحين..