اللي تتابع بالشميسي وولدت فيه قريب تدخل

انا ****لله ناويه اولد فيه بغيت اسالك الله يعافيك كيف فتحتي ملف
انا الان بالثامن وبالتاسع ****لله بروح الرياض لاني حاليا بالقصيم هل يقبلوني ؟؟

اهلا ام فارس الله يسهل عليك
ماعرف اذا يقبلونك اولا لاني من سكان الرياض
رحت لمستوصف الحي وطلبت تحويل وعطوني موعد ورحت للشميسي بالموعد المحدد لي وبس

رفع

إذا تبين نصيحتي وعن تجربة خليك في مستشفى دلة افضل لك
اولا: انا اعرف دلة والشميسي وعن خبرة دلة افضل
ثانيا: مهوب شرط ان الاهلي قيصري والحكومي طبيعي صدقيني لو استدعت حالتك قيصري بتولدين سواء اهلي او حكومي لان فيه حالات تصعب معها الولادة الطبيعية ويكون الجنين عرضة للخطر او انقطاع النفس
ثالثا: اعرف لك الكثير من معارفي واقاربي ولدوا في دلة طبيعي لان حالتهم طبيعيه
وهناك من كانت حالتهم تستدعي القيصري مثلا وحدة كان فيها توأم وطلبت قيصري خوفا من الطبيعي ومع ذلك ما استعجلوا وقالوا مادام فيه امكانية فالطبيعي افضل وحالوا معها بالطبيعي ولكن كان احدهما معترض فحولوها قيصري
والثانية كان جنينها منقلب فحاولوا معها حتى اخر لحظة ودخلوا الاشعة معها في غرفة الولادة حتى يراقبونه لاخر لحظة وحولوها قيصري 
ولو كانوا يبغون قيصري كان ماتعبوا وولدوها قيصري من الاول
رابعا: اعرف اكثر من وحدة تعسرت ولادتهم في الشميسي وحولوهم قيصري
وآخرهم اختي قبل يومين كان جنينها معترض وانفتح الرحم لكن ماخرج لانه صعبة خروجه معترض فحولوها قيصري 
اخيرا: التساهيل من الله وليس في مستشفى معين وعليك بالدعاء 
وعناية الاهلي سواء دلة او غيره افضل بكثير من الحكومي فمثلا في الحكومي ياخذون الطفل بعد الولادة شوي بعدين يتركونه عندك تلبسينه وتعتنين فيه ويمنع المرافق وياخذون الطفل وقت الزيارة فقط
والعناية من النظافة في المستشفى والخدمة لك اقل بكثير من الاهلي 
وبخصوص انك ماتقدرين تغيرين دكتورتك في الاهلي فمالهم حق اتصلي مباشرة على المواعيد واحجزي عند اي وحدة تبين وادخلي عليها وملفك وكل تقاريرك فتكون محفوظة في الكمبيوتر
هذا اللي عندي وابغى افادتك وماكتبت لك الا يوم شفت حيرتك وترددك

الله يرزقك الولاده السهله الميسره يارب العالمين