المتزوج ؟

بنات اش رايكم في الزواج من متزوج

احس تجربه كبيره واخاف اكون خسرانه فيها رجل تزوج على زوجته عشرة عمر ولهم سنين

افكر في الموضوع كثير رغم انه كل اللي يخطبوني متزوجين بس ارفض اخاف من الطلاق واخاف من دعوت زوجته ومااحب المقاارنه :humm:

كلها اساسيات لازم الواحد يفكر فيها بس اش اسوي اخاف يروح العمر وانا انتظر الشاب عمري 29 كم شهر ويبدا عالم الثلاثين ادري بتقولو لسى وعادي وكل البنات بس خلاص ودي اشووف ولد ولا بنت في حضني احس خلاص المبزره تزوجو وانا جالسه انتظر مهند وهذي اكيد مو مشكلتي لوحدي كل البنات نفس الشي وطبعا التحطيم انه حتى المتزوج يبغى كل شي بالسر وهذا اللي يخووف بس اقووول اتزوج واطلق اهم شي اطلع ببنت ولا ولد اكمل حياتي معاه ماادري موضوع حبيت نتناقش فيه وابغى كمان تجارب المتزوجات من متزوج كيف الاستقرار

اللهم هب لنا ازواجا صالحين اللهم ارزقنا ماتمنينا واكثر يااارب ارزق كل بنت تتمنى الزواج الزوج الصالح التقي النقي آمييييين آمييييين آميييييين
:biggrinlo

8 تعليق 4,489 مشاهدة

شاركي في النقاش

سجلي الدخول لإضافة تعليق.

التعليقات

8
  1. معرف بصراحة ولا اقدر انصحك بشي

    بس ليه تخافين من دعوة زوجته ماسويتي حرام ولاهو انتي اللي خطبتيه هو اللي فكر وخطبك

    انتي خلي تفكيرك فنفسك هل تقبلين تتزوجين متزوج

    ترا انتي ماكبرتي حتى تخافين اشوف بنات فوق الثلاثين وعادي عندهم
  2. @aaashk_alanakh_2

    ياقلبي حاسه فيك لأني مثلك عازبه واكبر منك 
    ماراح اشجعك واقولك تزوجي متزوج ولا راح احطمك واقولك لاتاخذينه
    لأن كل وحده تشوف الموضوع من زوايه خاصه فيها 
    العمر يركض الله المستعان ومابيدنا حيله
    ............
    المُحزن ف الموضوع انو الناس يشوفونا كبرنا وتقل فررررررص الزواج بالنسبه لنا،،" وهذا الوااااااااااقع للأسف
    مع انو الثلاثين سن النضج والشباب 
    بينما المضحك ف الموضوع سن الثلاثين مطمع للمعدد الله المستعان
    بس نصيحتي لك ياقلبي لالالالا تقبلين زواج بالسر
    ولا ترخصين بعمرك 
    سلالالامات ايش اللي بالسر .!! اللي يتقدم لك ويقول بالسر
    قولي له الباب يفوت جمل 
    كرامتك فووووووق كل اعتبار
    ونصيحتي الثانيه لك<< ماعليه تحمليني شوي انا اختك الكبيره هههههه
    اذا تقدم لك الرجل الطيب المعدد وانتي راضيه استخيري ووافقي
    ولا تسمعين اللي تقولك
    لا تبنين سعادتك ع تعاسة غيرك .!!
    لانها ماجربت انها تنحرم من كونها زوجه وأم 
    وبعدين هو اللي جاء وطق بابگ 
    الله يرزقنا الازواج الصالحين العزاب والذريه الصالحه
    فرج رب العالمين قريب بإذن الله
  3. حاسه فيك الله يكون بعونك
    عين بالجنه وعين بالنار
    انصحك انك تستشيرين والدك ووالدتك وتاخذين برأيهم

    ولا ترضين نهائي بموضوع السر
    لأن يبغى بالسر يكون خايف من زوجته أو اهلها وما يقدر يواجههم
  4. @braaa_anth_9

    حبيبتي لانقولي كبرت وعمري بيروح وهالكلام اللي يحطم 
    اول شي الارزاق بيد الله سبحانه وتعالى 
    ثاني شي وخذيها مني انا زوجه معدد وانصحك
    ابعدي عن المتزوج واياك تفكري فيه والله مايجيك الا الشر والمشاكل ووجع الراس  ..
    والله لو تكديها شيبه عند اهلك انها اريح لك من المعدد وهمه ومشاكله 
  5. @fatn_43

    ياقلبي ادا انتي استخرتي الله
    في شخص اتقدم لك سواء متزوج أو عزابي وتم الأمر فهدا نصيبك
    وان ماتم فهو شر وانصرف
    احنا مانلوم البنت لما توافق على متزوج عاقل وعنده عذر مقنع تعرف من خلاله انه ماهو ماخدها نزوة
    مو هي اللي اختارت هو جا لعندها
    لكن نلوم اللي يتقدم لها شخص متزوج ويشكيلها عن مشاكله مع حرمته وتحزن عليه
    بحكم انها بتعوضه
    وانه مو مرتاح معاها وتوافق عليه رغم انه اتنكر لعشيرته
    وتجي بعدين تبكي وتشتكي
    دي أقولها تستاهلي هو لاتعرفيه ولا يعرفك وافقتي تنقذيه من تعاسته سعادته مو بيدك ولا لك شغل فيها
    لكن انتي ماشاءالله كبيرة وواعية ومن كلامك مبين وتعرفي ادا بايع
    ايش دنبك تدخلي بين مشاكل زوجين
    هو يقدر يخرج منها بس انتي اللي تعاني انتي الضحية
    ترى الدعاء لايرد وانما يرد القضاء
    قولي ربي هبلي من الصالحين ربي هب لي زوج عازب خالِ القلب اكون انا اول حب له واخر حب
    لا تستسلمي والحي في دعائك
    (الله عز وجل يقضي الشيء ثم يجعل له موانع فيكون قاضيا بالشيء وقاضيا بأن هذا الرجل يدعو فيرد القضاء والذي يرد القضاء هو الله عز وجل فمثلا الإنسان المريض هل يقول اللهم إني لا أسألك الشفاء ولكني أسألك أن تهون المرض لا بل يقول اللهم إنا نسألك الشفاء فيجزم بطلب المحبوب إليه دون أن يقول يا رب أبق ما أكره لكن الطف بي فيه خطأ هل الله عز وجل إلا أكرم الأكرمين وأجود الأجودين وهو القادر على أن يرد عنك ما كان أراده أولا بسبب دعائك فلهذا نحن نرى أن هذه العبارة محرمة وأن الواجب أن نقول اللهم إني أسألك أن تعافيني أن تشفيني أن ترد علي غائبي وما أشبه ذلك.) < منقولة هالجزئية علشان تفهميني
    الزواج شرع الله ولكن نراعي فيه الإمكانيات والضروف
    اسأل الله ان يرزقك الزوج الصالح خالي القلب اللي يسعدك بقربه .

تابعي تجارب أخرى من هذا القسم.