خواتي حبيباتي انصحوني فانا بحاجه لنصايحكم

السلام عليكم ورحمة الله وبركاته
خواتي والله اني أحب لكم الخير كما احب لنفسي
ابي منكم تنصحوني بكل شي يفيدني في هالحياه فانا لي خمس سنوات متزوجه وأحس اني اجهل بعض الأمور فمثلاً انا لما تزوجت مافي احد نصحني باي شي يعني انا حملت علا طول
يعني أطفالي ثلاثه تحت بعض ونا ماني معارضه علا حكمة ربي والحمدلله
بس تمنيت اني استانست بأول سنه من زواجي
او اني رتبت حملي لأني الحين توي صغيره وجايبه ثلاثه تحت بعض والحمد لله بس تمنيت لو احد نصحني يعني من خواتي او امي والله الحين مادري كيف أروح او أتسوق حتا زوجي طفش اذا رحنا وذا سافرنا هذا يصيح وهذا ورا وهذا كل شوي ننزل عشان اغير البامبرز
والله طفشت وحياتي صارا كلها للأطفال
والله لما اشوف الي تزوجو قبلي ومامعاهم الا واحد والله ابكي وأقول ياليت امي او خواتي انصحوني لأني ماعرف شي والله حتا لما أنام اذا خلصت من هذا وجيت بنام قام الثاني يعني يتناوبون اذا نام الثاني صاح الثالث
حتا لما أكون بزواج أتعذب والحمد لله علا كل حال

12 تعليق 1,626 مشاهدة

شاركي في النقاش

سجلي الدخول لإضافة تعليق.

التعليقات

12
  1. @alfgr_29

    أحس هالأشياء ماتحتاج نصيحة فيه نت يعلمك بكل شئ يفيدك لو مافيه نت واضح إن الأطفال يتعبون والحين خلاص عرفتي كلي مانع إلين يكبرون والله يعينك على التربية وإن شاءالله ينفعونك بعدين
  2. @yonan_1

    ادعي الله يسخر لك اطفالك ويسخرلك الي حولك ..

    اددعيه دعاء المضطر ولله لن يردك خائبه ..

    اللهم صل وسلم على النبي محمد
  3. @naanaaah_16

    صراحه الله يعينك ويفرج همك 

    ولكن تأكدي إنه لكل مشكلة حل ، أولا استعيني بالله وليس بخلقه

    ثانيا أمسكي ورقة وقلم واكتبي اولويآتك يعني مثلا بيتي زوجي

    أولادي دراستي صلة الرحم ووووو الخ 

    جنب كل نقطة شوفي وش تحتاجين عشان توفرين الراحه لك والطرف

    الأخر مثلا أولادي احتاج انظم نومهم واكتبي خطتك بهالموضوع

    مثلا الساعه تسعه نوم اليوم ترويش بعد العصر اجلس معاهم 

    وهكذا الى أخرة بإختصار اعملي خطة لحياتك اعتبري اللي 

    تمرين فيه درس وامتحان واختبري نفسك وقدراتك 

    حاولي تكلمين زوجك اذا كان رجل متفهم بإنك بحاجه للي يساعدك

    بالتالي اما انه يشاركك في المهمة او اذا كانت حالته المادية جيده

    يقدم على شغآله 

    اهم شي الورقه والقلم وسجلي الأمور اللي تحتاج منك وقفه

    والله يسهل أمرك

تابعي تجارب أخرى من هذا القسم.