علموني كيف اتصرف تعبت من شخصيتي قدام خوات زوجي

يااختي دام اسلوبهم معك سذا لا تروحي يمهم خلي بينكم سلام بس لا تجيبي لنفسك عوار قلب الله يسعدك

حبيبتي انتي طيبه بس الناس الخبيثه ماينفع لهم ولا معاهم الطيب
اولا بالنسبة للبس اخته قدامه مصيييييييبه وحرام
وقولي لزوجك انه هو يمنعها تلبس كذا قدامه
يقولها مثلا لو جاته بلبس قصير مررره او مفتوح الصدر
قومي استري نفسك او روحي تستري بعدين تعالي
يكشمها ويقهرها

وعن تطاولهم لأغراضك امنعيهم بالطيب بالقوة مايمسكونها
جربي بالاول بالهدوء اسحبيها منهم وقولي بلا لقافه او عييييب ماتعرفو العيب!!
ولو ماشفتي نتيجه بالطيب صرخي فيهم كم مره اقووول هذه لقافه وتطفل
صدقيني شوي شوي يحسبوا لك حساب

وعن كلامهم ومسخرتهم قد ماتقدري ردي الكلمه بعشره حسب الموقف
ولو تقللي جلسه معاهم افضل يعني خلي جلستك وام زوجك موجوده او زوجك وتدلعي عليه قدامهم

ودائما ادعي اللهم اكفينيهم بما شئت
وافوض امري الى الله ان الله بصير بالعباد!!

الحل انك ماتختلطين بهم اذا كانوا هالثنتين مجتمعات وش استفدتي من جمعتهم الا الضيق والقهر، بالنسبة لانتقادهم لك كل ماقالوا عنك شي في لبس او مكياج ردي عليهم قولي والله عاجبني او يكفي انه عاجب زوجي او مااحد طلب رأيكم خلي ردودك كلها ثقة ،، اذا اعتدوا على اشيائك الخاصة خذيها منهم وقولي مااسمح لكم او تبون شي ومن هالكلام. حطي حدود بينك وبينهم وخلي علاقتك رسمية لان عقولهم باين ناقصة.

مافيه حريم نستاجرها ترد بالنيابه عن الطيبات :icon29::icon30:

يابنت الحلال وعلى نياتكم ترزقون

قولي لزوجك عن الي يصير واذا شفتي مامنه تجاوب مالك الا تطنشينهم

الاحتكاك معهم لابد منه بس سكوتك ان شاءالله انه على اجر ولا تجيبين طاريهم خليهم وادعي بان الله يرد كيدهم في نحورهم
او
الله يشغلهن بانفسهن

ودام ام زوجك مقدرتك ومحترمتك هذي تكفي وجيبي لها من اله

بالعكس انا اشوف انك قويه ولاتحتاجين من احد نصيحه

اللي بترد على تصرفاتهم رد فيه سفاله هذي مثلهم بالضبط

انا اشوف انك متربيه ومحترمه لذلك تفرقين عنهم بالتعامل

تذكري قول الرسول ليس الشديد بالصرعه لكن الشديد من يقوى نفسه عند الغضب

اهنيك على اسلوبك مهم لانه يزيدهم قهر ، انصحك تواصلين وربي تجنين ثمار اكثر من الرد