يا اخوات انا في العقد الثالث من عمري ..
ودي اسالكم من شي .. انا ماعندي رغبه في الزواج والارتباط بشخص اخر .. وماكنت افكر بالموضوع ابدا او اتخيل نفسي اني متزوجه رغم المضايقات اللي القاها من اللي حولي والكلام اللي اسمعه احيانا منهم .. اذا ضقت مره وماعاد قدرت اتحمل ادعي ربي اني اتزوج بس ما احس براحه وسعاده زي باقي البنات اشوفهم يدعون يارب نتزوج وادعو لنا واللي تنخطب تفرح وتنبسط بس انا لمن انخطب ما افرح زي باقي البنات بالعكس يجيني ضييييق وخووف وبس ابكي واكره اللي حولي الين ينتهي الموضوع وبس اسمع طاري الزواج او احد يكلمني فيه ما ارتاح واضيق وينقبض قلبي
انخطبت اكثر من مره وكان ارفض بدون حتي ما استخير واخر مره اهلي وافقو لانهم يعرفونه ويقولو لي لمتي بترفضي خلاص ذا يناسبك واستخرت وكنت ضايقه من وقت ماكلمونا اسبوعين لا انام زين ولا اكل زين وبس ضايقه وابكي واجو البيت واتفقو مع ابوي وانا ادعي ربي انه اذا مافيه خير يصرفه عني بعدها هم خلاص بطلو ما عجبتهم الشروط .. والله بمجرد ان ابوي عطاني الخبر انها انتهت كأن هم وانزاح من قلبي قمت اضحك واسولف ومبسوطه ومرتاحه يحسبوني اهلي بضيق او انقهر بالعكس حسيت براحه ..
ما ادري يا بنات انا وضعي كذا طبيعي او لا
وفي احد صار معاه مثلي او لا ..
الحمد لله ماتعرضت لتحرش وانا صغيره عشان اقول هذا السبب امي وابوي كان محافظين علينا الحمدلله ..
بس ما ادري وش فيني بالضبط وذا طبيعي او لا..ارجوكم اللي معاها شي يفيدني تعلمني عليه وجزاكن الله خيرا ...
انا عضوة سابقه معكن ولكني سجلت بمعرف اخر ..
شاركي في النقاش
سجلي الدخول لإضافة تعليق.
التعليقات
22مواضيع مشابهة
تابعي تجارب أخرى من هذا القسم.