اخطر حادث حصل لطفلك خبرينا//قديم

بذكر لكم موقف قبل كم سنه عمر ولدي 4 سنوات وكان قبل المغرب برمضان مجهزين السفره وننتظر بالاذان المهم جا ولدي من وراي ومعاه قلم بيده كنت ابي اخذه منه ومديت يدي على وراي حتى امسكه وفجاه طاح والقلم بيده وجا بعينه يوم شلته كل وجهه دم ويبكي ةانا ابكي واصارخ لا عينه تصب دم بشكل فضيع وجلست ابكي بقوه واقول انا السبب وبسرعه وداه ابوه وعمه للمستشفى وانا معهم ابكي باسياب المستشفى واقول انا السبب ودخلوه نظفوا عينه سبحان الله فعلا يوم قالوا في ملائكه تحفظ الاعين لان عين ولدي ماجاها شي نهائي سبحان الله بس الجفون تقطعت من فوق ومن تحت وكانوا يبون يخيطونها بس ابوه رفض والتآمت لحالها الحمدلله والحين كل ماشفت عينه الوم نفسي مع ان مافيها شي بس اتذكر الموقف

ياكثر الحوادث 
اخر واحد دخلت الحمام الا بنتي ام سنه وشهرين لافه شاحن الجوال على رقبتها 
وجهها ازرق وماتنفس 
بس الحمدلله فتحته منها وجلست اضرب فيها لحد ماردت من الروعه اضرب فيها 
يالله صاحت 
انتبهوا من اسلاك الشواحن 
والله اني طووول اليوم مصحصحه معهم الله يهديهم
بالاكل والقهوه اخاف من الحار
والسياره واذا طلعنا اخاف عليهم 
كل شي يخوف
استودعناهم الله

الله يحفظهم يارب ولا يورينا فيهم مكروه
انا اكثر اخطائي مع عيالي المهاااااااااااد والقبوع حق الصغارين اللي يمهدون
دايم اتنبه ع اخر لحظه واقوم مفزوعه واحمد ربي انه نبهني واثاريه داخل وسط المهاد ووجهه ازرق من الكتمه
انتبهو يا امهات من المهاد والقبوع القبوع مره لقيته مغطي وجه بنتي كله وصايره زرررررقاء البنت بس ربي ستر عليها ونجاهل اللهم لك الحمد انتبهووووو

الله يحفظهم يارب
بنتي قبل كم يوم كانت تلعب بالولاعة الصغيرة وماكنت خايفة منها لأنها ماتعرف تولعها وغير انها قدامي جالسة مابيني وبينها حتى شبر وبسم الله ظغطت عالولاعة وطلعت شرارة جهة عينها وانحرقت شعره مادري هي من رمشها او حاجبها او شعر راسها لانه كان نازل على وجهها بس اعتقد انه من شعر رمشها
اللي خلاني اتأكد انه انحرقت شعرة طلعت ريحة حرق على طول وياقلبي عليها انفجععت وفزت من مكانها
انا خفت ان عينها اتضررت واسألها تقولي ايوا تعورني واغطي عينها السليمة بيدي واسوي لها حركات بيدي واسألها ايش سويت والحمدلله تشوف فيها وعدت على خير اللهم لك الحمد
والله الحامي يارب
استودعتهم الله اللذي لاتضيع ودائعه

الله يحفضهم ي رب ولا يورينا مكروه باطفالنا
هذا حصل لبنتي قبل اقل من شهر كنت استشور باستشوار السراميك وجات بسرعه وحطت خدها وانحرقت وانفجعت خفت انه جاء بعينها وقمت اصارخ واستودعها الله والحمد لله ماجاء الا بخدها وديتها المستشفى وصرت احط ميبو وعسل طبيعي وهو جاء باسفل الخد وعلى شكل خط والحمد لله خف كثير كثير بقي شي بسيط وكان الحرق سطحي دعواتكن مايبقى اثر والله يحفظ اطفالنا