طبعا ضد وبقووووه....وهالمحفظه ربي بحاسبها على كلامها لأن من التنطع بالدين الإسلام ما امر ولاحث و لاسمعنا ايه بالقرآن ولا حديث بالسنه..ولاصحابيه جليله ولا وحده من أمهات المؤمنين خطيبت لزوجها!!!
لو كانت تفقه بالدين الإسلام ارحم واعظم واعلم بالنفس البشريه مستحيل يحمل النفس فوق طاقتها ويهينها ويطلب من المرأه تبحث عن امراه لزوجها!!
بالعكس الإسلام ماحث على التعدد وحذر منه في حاله فقط الخشيه من عدم القدره على العدل!!حتى قبل الوقوع فيه!!
..والرسول صلى الله عليه وسلم رفض زواج علي على فاطمه بغض النظر عن من تكون بس هو رفضه لأنه أذى ومايؤيها يؤذيني!! واحاديث السنه الشريفه دلت على ان كثرة الجماع من المهلكات!! وهاللي يتزوجون ثلاث واربع ومسيار ويزوج ويطلق بحجة الجنس ماسمعوا عن هذا الحديث!!
ماسمعوا عن اجر من ترك فراشه وله امراه حسناء لقيام الليل!! أين المعددين من كل هالأجور وهالعبادات وهو كل ليله مع وحده وعساه يلقى وقت ينام عشان وين فيه حيل يصلي ويقوم الليل!! مستغنين عن كل هالأجور؟؟
أبواب الأجور والحسنات برحمة الله كبيره وكثيره لاتتوقف على التعدد الذي لم يرد أي شيء بالدين عن افضله او اجر خاص به أصلا!!
الزوجه الثانيه ضر واذى وابتلاء ..في احد يتمنى البلاء ويجيبه لنفسه؟؟ زيه زي المرض اذا وقع فهو ابتلاء ولكن الإنسان ما يسعىى له ويتمناه بنية الأجر وتخفيف االذنوووب!!
عجبي من داعيات تملك هكذا عقول..الشباب العزاب كثر ورزق الله واسع ماوقفت على المتزوجين تخرب بيوتهم التعدد فتنه وابتلاء ما كل نفس تتحمله وتطيقه..حكمه يختلف باختلاف الأحوال قد يكون محرم اذا ترتب عليه اذى وضرر كبير او عدم عدل!!
المفروض تحث الأمهات والأخوات ما يغالون بمتطالبتهم وشروطهم من الصوبين ..تعلمهم مفاتيح الرزق من استبطىء زواجها الرزق يأتي بالدعاء بالصدقه بالصيام وقبام الليل والله سميع مجيب ..تعلم هالبنات اللي بعضهم طالعين بموضه ترفض عازب شاب بوفر لها حياة كريمه على قد راتبه..وتاخذ المتزوج لو هو ماخذ ثنتين ثلاث بس يتمتع بثراء ولا جنسيه تطمح لها..
والبنات الخاملات اللي موقد مسؤوليه بيت وزوج واعيال تبي تتفرغ لروحها وتبي زوج نام صرافه وطلعات بس تأخذ متزوج عشان ماتؤدي حقه عليها ولا تدري عنه!!هالبنات ذنبهم على جنبهم الله يفتحلهم ابواب الحلال من عزاب شباب وهم مايحلى بعينهم الا المتزوج !!يخربون حياة بنات المسلمين ويشاركونهم ويغثونهم بعيشتهم !! هالاشكال المفروض تنصحهم
يامتزوجة ليش ماتزوجي زوجك عشان تقل العنوسه ؟/ استوفى النقاش
متابعة النقاش، صفحة 8