الحريم إلا يهتمون بنفسهم يدخلون يعلموني

أهلين اختي
بالبداية الاهتمام لك لنفسك وكفت الأخت عجبا لقلبي
لكن انتي امدحي نفسك مناكيرك شعرك بكلام حلو
اهتمي بنفسك كثير أتعلمي تشقير لنفسك
الصبغ حلو غيري كل فترة
سوي حمام زيت لشعرك
ابردي اظافرك خذي كريمات ووزعيها بالحمام عند المجلى بغرفتك بشنطتك

بالتوفيق واهم شي اهتمي من ناحية شرب الموية كثير منها أنا زيك متأخرة بالحمل واسأل الله ان يرزقنا بالحمل

حمسني ردك يا عجبا لقلبي

بالنسبة للاخت عجبآ ماشاءالله ع الاهتمام بس فيه فرق بين اللي زوجها عندها وبينك ماتشوفين رجلك الا ايام معدوده تقدرين تفضين وتحنين وتسوين كل شي
وانتي صاحبة الموضوع اهتمامك حلو ماشاءالله ومايحتاج كوفيرا حواجبك سويها بنفسك مع الايام تعودين ترسمينها
والمناكير مو لازم انا مااحط مناكير ولا مكياج ولا خرابيط والحمدلله اللي يحب زوجته ماينتبه للاشياء هذي ياما حريم مقطعات انفسهم وازواجهم مايشوفون شي لان القلب اذا حب شاف كل شي جميل
مووفقه

اعتبري اهتمامك بنفسك ليس واجب 
بل شغف او هواية 

تعلمي تسوي شغل الصالون في البيت من تشقير وتنظيف بشرة وغيره 

انا كل شي اسويه في البيت بالنسبة لي انظف واريح 

البشرة الصحية اهي اساس الجمال 

المكياج الدائم يخرب البشرة 

احرصي ان تكون بشرتك صحية 

وما فيه تحت عينك هالات سوداء 

وعشان تخلي شفايفك وردة طبيعي وخدودك ورديه طبيعي 
وبشرة ناعمة وصافية 
حطي ماء الورد في قوالب ثلج 
وكل يوم خذي الثلجة ومرريها على بشرتك وشفايفك 

والله ان النتيجة خيااال 

وبعدين حطي كريم مرطب غير دهني على وجهك  

ومرطب شفايف 


انا اسوي حمام مغربي لنفسي كل اسبوع 

عندي الليفة المغربية والصابون وجميع الادوات 

حتى أظفاري اسويهم بروحي 

كنت قبل اروح كثير للمشاغل والصالونات 

وشفت ان كل الي يسونه انا اقدر اسويه احسن منهم بعد 
اشتريت كل الادوات الاازمة 

حتى جهاز الشمع والحلاوة  عندي 

وبالنسبة للشعر اهتمي بالتغذية تخلي شعرك خيال 

وحطي فيه زيوت طبيعية بين وقت ووقت 

وفيه زيت هندي ريحته قووية ومنفرة بس يسوي شعرك مثل ممثلات الهند قوي ولامع وصحي 

انا استخدمه ايام الدورة 
او لما زوجي يطلع من البيت الان ريحته مو حلوة 

وانا شغفي العطوور 

بكل انواعها 

اعتبري اهتمامك بنفسك هواية تمارسينها وتفخرين في النهاية بنتائجها 

ولا يهمك اذا زوجك مدح او ذم 

الان لما يشوفك مو مهتمة برأيه 

اهو راح يقول رأيه من نفسه 

والله يرزقك بالحمل يااارب واستغلي الفرصة تدلعي نفسك قبل لا يجوك العيال وتنشغلي فيهم