الحريم إلا يهتمون بنفسهم يدخلون يعلموني

آهات رحلة ياقلبي وشهو كريمك المرطب للوجه غير الدهني ؟؟

اكثر شي يحيرني ويحط فوق راسي عشر علامات تعجب
!!!!!!!!!!
المتزوجه اللي ماعلى تسريحتها الا عطرين وتمر الايام ماتمر عليهم
واللي لاكحل ولاروج ولامرطب
ترى حتى اللي في المتوسط الحين مايداومن الا بكحل ومسكرا ومناكير
حطي كحل او مسكره او ظل مع بلاشر وروج او مرطب كلن على حسب ملامحها وجمالها..ولبسك بجامات حلوه طويله برمودا شورتات اوبنطلون اوتنوره...وبين فتره وفتره مثلا مرتين بالاسبوع حطي ميك اب وفكي شعرك استشوريه سوي فيه حركه اما جيبيه على جنب او سوي اي حركه حلوه (حطي بعد غسله فاشكول او دوف..ينعم الشعر وتستشورينه بكل اريحيه) .. فيه خمرية الشعر عندك بالماجد..وعندك بزهور الريف..ومودايم تحطينها ولاعلى كل شعرك
حطي مناكير إلبسي اكسسوار خلخال لبسك يكون كامل مع الجزمه
تجرأي إلبسي كعب انيق تمخطري فيه
طبعا اللبس يكون فستان قصير ومره طويل ومره تنوره ومره بنطلون كشخه واشياء كثيره

واللي يجلطني اللي ماعندها مزيل عرق وتخيل ان مافيها ريحه
اهم شي مزيل العرق

الاهتمام بالبشره والشعر موبس للمتزوجه
وهذا اهم شي للأنثى
ترى يبان اللي تهتم واللي بس تاكل وتنام
زيتي شعرك حطي خلطات تغذيه عالجي مشاكله بعد فتره تقدرين تصبغينه فيه صبغات حنى مع مقادير طبيعيه يعني ماتضر

بشرتك نفس شعرك واهمممم
فيه خلطه بسيطه
جلسرين مع جليسوليد مع لوشن مع ليمون وووواووووو تنعم وترطب وتفتح
حطي العلبه بالحمام وكل بعد ماتدخلين حطي على المناطق الداكنه اظن فهمتي علي ..بتنصدمين من النعومه والبياض اللي بيظهر عليك

خلي معك مرطب مافيه مثل جونسون مواللوشن لا..الكريم دائري لونه وردي مكتوب ترطيب24ساعه غني بزبدة الشيا..روووعه
خليه بشنطتك حتى لوركبتي معه السياره حطي على يدينك خلي زوجك يشوف اهتمامك..وترى هالكريم يخلي جسمك قطنه حرير يوم تتسبحين بالصابون وتخلصين حطي بيدك شوي من الكريم واللوشن واخلطيهم وحطي على جسمك ثم حطي عطر الجسم..)الصابون عندك البابايا اللي تشوفينها من داخل مربعات
واذا فااااضيه وعندك نفس سوي صابونة العضوة جالكسي
وترى بتكون علبتين كبار يعني تطووول عندك صراحه بيااااض وتوحد لون البشره

والحمام المغربي موشرط اسبوعيا خليه كل اسبوعين او ثلاثه مع سنفرة المشمش
وعندك زيت زيتون وملح وسكر وشوية ليمون تفركين جسمك فيها واذا كسوله
اقل شي سنفري يدينك ورجلينك فيها والله مع الاستمرار حتى اللي عندها سمار يختفي ويبان اهتمامك بشرتك تكون ناااعمه وتلللق مع هالاهتمام

واللي يرررفع الضغط المتزوجه اللي ماعندها مجموعه عطريه لجسمها
لاتاخذين كل المجموعه اخذي العطر المركز وعطر الجسم واللوشن فقط
عندك زهور الريف ونكتار وفكتوريا

لبس البيت والنوم عندك سيتي ماكس والهرم ررررخيييص وحلو اشياء بتكون حلوه عليك عند زوجك..

ويش زيتك يا اهات رحلة
ونا مشكلتي حب الشباب وحامل ايش اسوي

أولا وقبل كل شي
انوي ان هالأهتمام عباده
علشان تكسبين الدنيا والأخره
قسمي الأهتمام مثلا اليوم حمام زيت لشعر بكره سنفره للسم الي بعده
بدي كير الأيدي والأرجل
والي بعده حف الجسم
كل يوم لك برنامج صدقين لو جت مناسبه عن غفله ما تتوهقين لأنك مثل السكر
جهازه مجهزه

حمستوني الله يعطيكم العافيه