1) انا انصحك انت واياها تسوون روتين عبادة سوى, ودائما اردد هالحكي... صلاة الوتر تصلونها جماعة ليليا سوى قبل تنامون, و5 دقايق تستغفرون بعد الصلاة ويدعي لكم بركعة الوتر ... وخلي هالشيء يومي
القلوب كلها بيد الله...
2) حافظي على رقية البيت دائما... مو بسبب العين وغيره... لكن لان الشياطين تكره البيوت الي يتلى فيها القران وخاصة سورة البقرة... البيوت الي تعشش فيها الشياطين مكهربه وكلها مشاكل ونرفزة على اتفه شيء...
3) اذا حسيتي انه متهاون بالصلاة ذكريه فيها دائما وشجعيه خاصة على صلاة الفجر...
بالنسبة للامور الثانية
1) اسرار بيتك التزمي فيها لنفسك لا امك تعرف ولا اختك... لان ساعتها يمكن يبتليك ربي فيه يتكلم عنك قدام الناس وانت ماترضية انه يطلع اسرارك... فاكتمي اسراره وقولي يارب كتمت اسراره ابتغاء مرضاتك, فأعنه على كتمان اسرارنا
اذا بتسولفين معهم سولفي عن دراستك وعن طلعه والا تمشية وغيره... اما مشاكلك خليها بينك وبين ربك هو القادر على حلها... في الامور الي توصل للضرب وغيره هذي مواضيع ثانية...
2) اعرفي نمط زوجك... وتفاهمي معه من اول يوم على هالشغلات... اعرفي لما يكون متنرفز وش يفضل... بعضهم مايبي زوجته ترادده, لكن مايبيها تطلع من المجلس! يبي يرفع صوته ويسبسب وهي ساكته متحمله! والبعض الثاني يفضل انها تطلع من الغرفة ولا يشوفها وتسكت... والبعض يبيها تتكلم وترد وياويلها لو تطلعه غلطان!! فانت اعرفي وش الي يناسب زوجك بانك تسأليه وتقولين له انا لما اتنرفز افضل تتصرف كذا وكذا ولا تشد اذا انا شاده, رخي... واذا انت شاد انا برخي... والحياة تفاهم واخذ وعطى
ياليت تفيدوني انا وصديقتي عرايس
متابعة النقاش، صفحة 3