السلام عليكم
حبيباتي هذا رابط للموضوع
http://forum.hawaaworld.com/showthread.php?t=4112847
لما امه اتصلت كانت جدا صريحه والله اعلم
قالت إنه طلق حرمته شفهيا ووداها بيت اهلها ما كان يدري إنها حامل .
يعني لسه ما وقع الطلاق بصك من المحكمه .
قالتلها ماما دامت إنها حامل وصار في طفلين ليه ما حاولتو تصلحو بينهم قالت والله حاولنا خصوصا بعد موضوع الحمل ودخلنا رجال بس هيا ما تبغى ترجع .
للاسباب : إنها تبغى تتوظف وهو رافض
وإنها ما تبغى تعيش معاه في جده واهلها في مكه , قالولها انه كل اسبوع راح تزور اهلها بس هيا رافضه .
المهم :
شروطي :
1 سكن مستقل .
2- ولدي يعيش معايا بعد فتره من الزواج
3- اولاده راح يجيبهم بعد فتره بس طلبت شغاله
4 - ما يتم عقد الزواج مني إلا بعد طلاقها بصك رسمي من المحكمه .
في شرط يراودني , بس ما عرف إذا عادي اشرط عليه ولا لأ !!!
لما ماما سألتها ما عنده نيه يرجعها لإنها ام عيالها قالتلها لا أبدا خلاص ما ينفعو لبعض
فأخاف في يوم يحن لها ويرجعها
فالشرط دام إنه مطلقها مطلقها يحلرمها على نفسه ويطلقها 3 طلقات .
لإنه وحده من زميلاتي وافقت على شخص مطلق , وبعد الاتفاق وتحديد موعد العقد والزواج .
قبل الزواج بإسبواعين في شخص قال لأبوها انه خطيب بنتك رجع زوجته على ذمته . لما سألوه قال زوجتي ابغاها .
فخطبها شخص آخر مطلق وابوها شرط عليه يحرمها على نفسه . ووافق .
ها يا بنات ايش رأيكم في شروطي بذات شرط التحريم
شاركي في النقاش
سجلي الدخول لإضافة تعليق.
التعليقات
32- من حقك يا قلبي تشترطي
واؤيدك عليه كمان
اختي تزوجت مطلق وقلتلها اشرطي عليه ما يرجع زوجته,, بس هي رفضت الله يهديها--ما اقتنعت بالشرط دنيا ما تسوى نعاني من حقك يا قلبي تشترطي واؤيدك عليه كمان اختي تزوجت مطلق وقلتلها اشرطي عليه ما يرجع زوجته,, بس هي رفضت الله يهديها--ما اقتنعت بالشرط
شروطك رائعه اصري على طلبك انه يحرمها عليه
لان في رجال للاسف الشديد اذ طلق زوجته شفهيا راح خطب على اساس انه يادبها وبعد فتره يرجعها
اصلا كثير يسون هذي الحركه الله المستعان على بالهم بنات الناس لعبه
انتبهي وانا اختك اعرف بنات مساكين لما انخطبو من رجل مطلق بعد زواجهم بفتره رجع طليقته (بذات اذ عندها عياله) ومساكين حياتهم تعيسه
ولاتصدقين اهله لما قالوا ماراح يرجعون لبعض للاسف اغلب الاهالي يكونوا مع ولدهم مو مع الحق
واسال الله عزوجل ان يرزقك كل خير- حبيبتي اسالي عن حكم الشرع في ذلك
- دام مطلق مرتين من حقك تشرطين
اذا جاد في الزواج والاستقرار بيوافق
اذا ناوي يتزوج ويطلق للمره الثالثه لاي سبب او يأدب زوجته بيتهرب ويحطون اعذار
وانا من رايي تسالون اكثرعن سبب الطلاق ما تقنع بصراحه الاسباب الذي ذكرتها امه والاولى لازم تعرفون سبب طلاقها - مستحيل حرمه تترك عيالها وتروح بيت اهلها عشان وظيفة وزياره اهلها !!!
لازم تسالين طليقته عن الاسباب لازم تسمعين من الطرفين
بالنسبة للشرط بصراحه مااعجبتني تحرمين ام عن عيالها وش الفائدة !!
طيب اذا شرطي هالشرط راح يزوج عليك وش تسوين انت ماتبغين ضره راح تجيك من جهه ثانية
ماباقي لك الا تتشرطين مايتزوج عليك !!
فية شي مهم اذا حرمت عليه ممكن يرجع لها بعد طلاقها من زوج آخر
مواضيع مشابهة
تابعي تجارب أخرى من هذا القسم.